23
06.2016

80後藝術玩家追夢手記2

生活品味   藝文創作(繪畫)   其他  

上次講左小弟我少少background,之後講到條路應該點走。

其實畢完業,以為拿住藝術學位應該十有89公司都請我呀,我見嘅係教畫、教畫,同教畫姐。讀者你可能依家心裡面諗我呢個人因乜解究咁自大,咁自以為是。因為大部份自介環節,啲人聽到你來自哪裡就好快變成焦點,係~係因為佢地嘅無知,所以好有興趣點解我讀果間嘅?點解嘅?點解嘅?點解嘅?我覺得~其中原因係,啲人覺得:「你就好啦~有得讀啲好似咁輕鬆好玩嘅學校。」(佢心諗:唉~我都想呀,奈何唔夠你地咁唔現實)「下?本科一屆得幾個人,你好勁呀!出到黎一定好吃香~」(佢心諗:你睇~ 事實都話你知,究竟讀藝術呢件事有幾現實!)

以上都不是虛構,而事實都真係有人咁講過。對不起各位,我還是選擇了不現實的個性。是的,會發夢的人是不會被叫醒,還是會一直追夢下去。我堅信,行行出狀元。我亦堅信,天生我材必有用。我亦深信堅持比努力更可怕。

好~講番搵工,老實說基乎百發90發中。被求職網啲推銷手法吸引左我申請其職位,見工也見了好幾分,都在比較。滿心歡喜的我,自以為能幹,心想應該可以叻番次俾人睇啦掛,卻~嗯,總括來說騙人的比較多。工時跟薪金比例好像不合理;要做嘅事同求職網打的都不一樣;薪金跟工作量以為有關,其實無關等等。又因為學院派的洗腦術,說,當你地畢業時你的薪金會是至少$80/hr. 所有工作事,關於錢,都用這個價來量度,究竟合理與不合理。所以,千揀萬揀,揀著個爛課餘視藝老師職銜。作為一個內向子,要教幾十個小朋友,起初都不習慣,再加上 該公司安排得"非常有交帶" ,害我到處碰灰不是味兒。 適應教班之後,跟小朋友打的是心理戰,依家啲小朋友真的很難教。總括來說 ,有點似 黑社會小豆丁,蝦蝦霸霸,亂群結隊,不安守本份等等。在此,先多謝香港這本身以金錢行頭,文化為後嘅風氣,再而多謝政府,多謝教育制度不斷改變,再多謝活用腦袋從商的朋友,最重要是多謝效忠風氣嘅一班怪獸家長們。惡性循環,也不能怪小朋友不懂事。 走呀~地球很危險~

經歷使人成長,有啲經歷奠定左我以後嘅決心,要創業,要做好老闆。創業需要金錢,需要勇氣,時間和準備。所以又不得不為五斗米而折腰,做freelance. 即是說,有時間就做,沒時間就不接的那種。時間很自由,不過也要自制能力很好,才能搞出大一番事業。

打左咁大篇野 都仲未入正題?不是 ~ 條路點走,其實已經說了。先踏入社會,明白發生什麼事,捉住重心, 可以離地了。 8-)

 

發表於2016.6.23
留言(0)
博客名稱 :
80後藝術玩家追夢手記
網誌名稱:
ArtistPlayer's blog
使用天數:1,157
電郵:artistplayer852@gmail.com
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 生活品味
  • 藝文創作
  • 其他
自行分類