14
03.2017

海洋公園 外國feel春日歷險記(多片多圖)

環球旅遊   親子育兒(旅遊)   生活品味  

呢日, Keicy、Kassy、Par Par 加入 海洋公園 嘅「星學動物探索隊」,
參與唔同情境嘅趣味小挑戰,
訓練身體協調, 創意、溝通技巧同解難能力.

佢哋親自整特製啫喱餵魚,
近距離觀察雪鴞同海象,
並喺探索隊基地進行相關課堂活動,
仲運用學到嘅知識,
解決有關動物保育嘅難題.

3姊弟透過實踐經驗, 鍛鍊唔同技巧, 更學識點樣同隊員合作過關.
成個過程影咗好多相 + video, 即刻重溫!

撘海洋列車去北極館

點解影得咁迷幻 feel? 哈哈!

 

呢個活動, 係透過唔同嘅小遊戲, 搵小朋友有咩叻,
例如:認顏色叻 / 跑得快 / 叫加油夠大聲夠投入,
令每個人都搵到自己嘅長處.

啡色~啡色~啡色~

玩完小活動, warm up 咗之後,
佢哋上一列「冬甩彩虹小火車」, 去探小動物.

「冬甩彩虹小火車」,
即係用手套住個彩虹圈圈,
咁就唔會蕩失路啦! ^^

 

訓練員個口有個哨子指示雪狐做動作,
例如淡淡定坐喺度、轉圈,
佢哋一聽到哨子聲就會郁返.

估吓訓練員會將零食放喺邊度?

下一站:

就算要上上落落, 小朋友都好獨立好聽話,
一個跟一個, 跟住導師去探險.

 

大家排排坐, 等緊一隻白色嘅「雪貓頭鷹」.

出嚟喇! 好得意呀!

 

原來, 雪貓頭鷹係食老鼠、凍魚、同凍牛肉㗎!

呢位姐姐攞住嘅, 就係老鼠喇......

 

之後, 大家可以隨意發問問題,
期間, 有小朋友問: 「佢幾點瞓覺?」「佢點樣沖涼呀? 」XD

原來, 雪貓頭鷹沖涼係沖浴缸㗎!
今日呢隻係女仔, 因為身上有好多黑斑,
如果係男仔, 就係白雪雪嘅.

 

同場加映, 兩隻肥嘟嘟嘅海象游水:

每次完咗一個環節,
都要上返呢架「冬甩彩虹小火車」,
咁就好安全啦! ^^

 

返到課室,
去運動站玩活動, 贏金幣.

一開始, 每個人有兩個金幣,
跟住玩活動, 贏更多金幣.

冇錯, 就係餵海象:

 

Par Par, 你掟親老師喇 =.=

跟住, 係學習有關訓練員嘅知識,
小朋友學識點樣做訓練員之後,
一陣間去訓練小動物.

大家一齊「金雞獨立」:

 

玩到咁上下, 我哋去咗冰極餐廳食嘢.

 

最開心梗係食吓甜品, 食吓生果啦!

 

等緊嘢食期間, 佢哋好開心,
因為餐廳準備咗顏色筆同畫紙比佢哋油住等. ^^

跟住去水族館.

 

一入到去, 即刻依嘩鬼叫!
睇還睇, 記住 stand behind the yellow line 呀!

 

而家, 去整啫喱餵魚.
園方真係好小心, 要所有人用腳踩個消毒藥水盆, 以免帶細菌去小動物嘅屋企.
其實, 去到每一個地方準備嘅時候, 都要洗手同踩鞋底消毒.

開始整喇!
首先, 見到大大塊嘅啫喱.

 

原來, 當熱水 + 啫喱粉之後......

 

撈勻 -> 放入雪櫃 -> 用餅模 cut, 就係咁樣:

而家, 各位小朋友可以試吓用餅模,
將大大塊嘅啫喱切開.

 

切好喇!

每個步驟都一定要洗手!

 

整完, 準備好晒, 就出去餵魚喇!

Keicy、Kassy、Par Par 一齊餵魚:

 

Keicy: 「嘩! 好多魚呀! 一齊睇吖! 」

睇完魚, 大家返入課室,
玩返啲佢哋學過嘅嘢, 考返佢哋記唔記得.

 

呢個好明顯係鍛鍊身手, 完成咗就可以「給」印.

Par Par, 老師叫咗你唔好掂紅色繩呀喂……

Keicy、Kassy 跳高趴低, 成功過關:

分享時間.

分享返今日嘅活動學咗同做過乜嘢.

頒獎時間:
Keicy、Kassy、Par Par 都獲得靚靚魚魚扣章!

 

Par Par 獲老師頒發勇氣 + 探索扣章!

 

Keicy 被讚身手靈活, Kassy 被讚有責任心.


完成任務!
3姊弟同老師合照一張 :)

後記:

呢次活動好開心, 好充實, 學咗好多嘢,
3姊弟放晒啲電, 返屋企就大覺瞓, 哈哈!

小朋友一至五喺學校讀書咁辛苦,
有時都要放吓假,
去玩吓 relax 吓,
唔使成日淨係對住書本.

而海洋公園嘅星學動物探索隊,
係活動式體驗課程,
有得開心玩之餘,
又可以接觸動物,
又學到嘢、增廣見聞、活學活用,
好似外國啲實地考察活動咁樣,
真係一舉幾得呀!

而且, 今次活動同過往有啲唔同,
會花多啲時間喺課室裏面,
同做多啲接觸小動物嘅嘢,
可以訓練佢哋嘅小肌肉同團體精神.

加上呢度上堂都好認真,
小朋友唔可以爭呀、迫呀, 同唔守規矩.
例如,
本來排第一題第二嘅小朋友,
如果唔守規矩(爭嘢玩 / 推 / 撞)嘅時候,
真係會「的」佢哋出嚟,
放去排最尾,
所以啲小朋友都會好守規矩, 好聽話.

介紹返:

3姊弟參加嘅呢個課程,
係濃縮版嘅「星學動物探索隊」.

而真正係四月開課嘅,
會係一個為期三日嘅課程,
係季節限定,
只會四月開辦,
畀 4-5 歲小朋友參加.

至於 6-8 歲既小朋友,
係會有一個程度較高嘅課程叫「童遊動物探索隊」,
內容唔一樣.

 

兩個課程, 都不設家長陪同,
只會喺最後一日嘅畢業禮, 邀請家長參與,
分享小朋友嘅學習成果.
所有資料,
包括報名日期、開課時間、課程內容等,
請瀏覽海洋公園「春日歷險2017」網頁. ^^

 

FB: KeicyKK

 

發表於2017.3.14
留言(0)
博客名稱 :
Fiona
網誌名稱:
FionaKei's blog
使用天數:742
年齡:1
電郵:FionaKei@weshare.hk
按月份瀏覽
    2017
  • 一月
  • 二月
  • 三月
  • 四月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
自行分類