04
08.2013

Cafe Marco ~ 為雙B、梵高及Movenpick而來!

來到孕期最後階段, 其實媽媽唔想咁過份成日暴食, 不過炎炎夏日帶著BB, 有乜比起weekend一齊去嘆buffet更好? 上週日又約埋田鼠B一家, 一齊開心到Cafe Marco又食tea buffet了! 
   

 
預先講明, 馬哥孛羅香港酒店的Cafe Marco, 食物選擇係遠不及妹店港威酒店的Three on Canton多架! 不過佢都有賣點, 就係近期的梵高藝術展, 成個場擺滿陽光朝氣的太陽花同名畫, 好鍾意丫 
 

 
又慢慢影下有咩食物選擇啦, 繼兩款果汁 (芒果汁及葡萄汁, 麻麻啦, 遠不及Sheraton好飲), 又有一款中湯, 水準都係平平咋~  
 

   

 
哎呀, 老貓燒鬚, muffin同danish影到out哂focus!!  算啦, 都係普通野, 後面的甜品會靚好多~~
  

 
燈光問題, 依張Pizza & steak cut fries都影得好失敗, 算啦, 前者都係麻麻, 後者就好好食~~
 

 
依度的熱盤都算係少之又少.... 繼炒米、炒麵, 後面的豬手係蓮藕多過豬手十倍!!
  

 
依個愛爾蘭炆羊肉本來好好食, 但羊肉實在太少少, 好難先撈到兩細粒口咋.. 蒸豆腐亦無特別, 比較開心係後方有時蔬, 感覺上比較健康一D~~~
 
 
依度的沙律都唔多吸引.... 賣相同選擇都引唔起我試食的興趣~~~~~
 

  

 
日式冷麵亦冇試, 另外刺身選擇都比早前試的幾間少 (連三文魚刺身都冇, 只得壽司...), 而且re-fill慢, 同埋擺放唔算好整潔~~ 都係有專人黎cut會好D (依度晚市係專人cut的)
 



 
更多的冷盤小吃, 不過全部都唔係好吸引, 都係提不起興趣去試 
 

 
三文治就食了兩款, 都算唔錯~~~
 

 
又有cold cut, 不過冇好味的parma ham呢, 其實冇興趣試囉~~~ 
 
 
仲有兩款生果, 其中蜜瓜都幾甜架, 但選擇比起其他buffet真係少好多~~~
 

 
各式的小法包多士及芝士, 唉, 依度都芝士都特別渣過人, 唔好食的; 不過多士上的芝士就會好味好多, 證明佢唔係冇靚貨, 而係下午茶特別推d平野囉~~~ 
 
 
成個buffet都冇乜肉類, 食肉獸咪悶C? 好在最後仲有一個雜食corner, 雖然水準都唔高, 但至少有啖肉食~~
 

 
另一邊有中式的粥粉飯麵及點心檔, 一來見到有海南雞飯, 馬上拎了一份俾Matthew! 
 
 
粥檔, 配料選擇都唔少, 不過見到老公後來拎了一份粥色水怪怪, 冇試了~~~ 
 

 
仲有蒸馬拉糕、中式點心, 以及炸春卷~~~ 可能前一日先食完點心任食 (隆濤院), 又係興趣唔大!
 
 
成個buffet好悶好唔掂呀, 好在來到甜品環節終於開心返~~~  
 
其實我唔稀罕朱古力噴泉, 但配料有buffet打底之寶火龍果, 仲有菠蘿同好多配料, 包括Matthew好鍾意的糖糖!! (按: BB梗係唔應該食糖, 但老人家成日放肆之下, Matthew已經愛上啦...)
  

 
全場最開心, 而係唯一一個回本位, 就係依個movenpick雪糕櫃!! 雖然選擇冇綠茵閣咁誇張, 但都有8款選擇之多, 而且大多是媽媽至愛的奶味而非果味系列, 開心到暈呀~~~  


 
另一邊仲有即焗的機械, 可惜出品唔係心太軟, 只係疏乎厘, 不過味道唔差!
 

 
甜品檯又係令人好開心, 因為加插了太陽花的選擇好精美吸引呀~~~  
 

 
當中至like依款太陽花cupcake, 既好睇又好味, 我都食了兩隻呀~~~ 
 

 
依款太陽花籽的朱古力棉花糖都好別致呀, Matthew仔勁鍾意!! 
 

  
其他的甜品唔算好突出, 不過都幾繽紛吸引, 如依款雜果海綿蛋糕就可以俾Matthew試食~~
 

  
當然少不了Tea buffet靈魂的scone, 不過依度的出品較乾較實, 比不上Three on Canton
 

 
配上clotted cream都好少少, 不過果醬只得橙味, 冇士多啤梨 / rose jam, 唔夠風味!
 

 
仲有蘋果金寶同豆腐花, 估唔到後者都唔錯, 定係依期我轉性愛上了食豆腐花呢?
 

 
最後仲有啫哩杯同水果, 總的來講甜品環節算係最好的了!!
 
 
雖然依度冇早前幾間tea buffet咁正, 不過田鼠B仍然好嘆成個大少咁, good~~~
 

 
開餐啦, 第一碟當然係先食水果, 除了主打火龍果, 清甜的蜜瓜都係推介!! 
 

  
老公索性用大碟來拎, 食得更加滿足!!! 
  

 
Matthew當日同我地試食拉麵一樣, 都提早了食中午餐粥仔, 所以來到buffet都餓啦, 一來就KO了成大碗海南雞飯, 再飲多一杯芒果汁, 打好底再開始雜食時間!! 
 
 
由於沙律實在太唔吸引, 拎唔落手, 我的第二碟已經係咁... 仲要D沙嗲同燒雞都非常唔好食~~ 刺生的吞拿魚都有根, 不過味道反而唔錯, 後來都有encore; 芝士唔得, 三文治就OK啦~
 

 
Matthew的進度都好快, 食完雞飯, 又有scone, 芝士脆法包多士.....
 

 
老公果然係辣魔, 好快又拎了辣味淨雲吞, 試了一隻都唔錯喎~~ 
 

 
繼續有黎係雞粥 (係咪好唔似? 好怪所以我冇食), 同埋steak cut fries, 後者好好味, Matthew都想搶住試!! 
 

 
媽媽繼續拎了中湯、牛肉、豆腐同肉醬taco.... 除了刺身質素OK, 其實都麻麻呢, 特別牛肉嚡到完全吞唔到! 
 

 
對於咸食基本上冇乜期望, 不如提早開始展開movenpick啦~~ 一來就拎了最愛的Swiss Chocolate + Caramel口味, 仲要加上藍莓同特多朱古力醬, 超好味超滿足!!! 
 

 
咁好味的雪糕當然要分享俾Matthew, 不過BB唔可以食太多生冷野, 所以又拎了甜品碟俾佢! Matthew超like個太陽花cupcake, 不過只限朵花咋, 個cupcake基本上媽媽食哂! 其餘幾款就一般啦!
 

 
仲有太陽花籽棉花糖都令BB好興奮, 雖然掉落地的比食落肚的多好多~~~
  

 
老公拎的豆腐花, 出奇地好味, 仲有底下的蛋白卷蛋都好鬆香軟綿好食, 後來都有encore!
 

 
中式點心就無興趣啦~~~~ 
 

 
又食movenpick雪糕... 今次係焦糖+雲尼拿, 加上雲尼拿吉士汁, 正~~~ 
 

 
更多的熱盤, 其實真係質素好一般~~~
 
 
所以都係專攻movenpick算啦, 又要了Swiss Chocolate, Hazelnut, 同Maple Walnut, 真係每一款都好好味囉 
 

 
提早了order餐飲, 我將quota轉贈老公, 佢要了凍檸茶, 結果又成為Matthew玩具...
 

 
明明好酸都係咁要, 就係為食好動Matthew豬的本性!!! 
 

 

 

 
依個頭加上依個樣, 真係.............. 
 

 
食完檸檬, 又玩art creation, 將太陽花同檸檬湊埋一齊, 又幾夾幾靚喎~~ 
 

 
好!! 繼續食野~~~ 爸爸拎了新鮮出爐的souffle, 賣相一般, 但味道唔錯呢! Brownie都好濃好食~~
 
 
我就encore了太陽花cupcake, 蛋白卷蛋, scone同士多啤梨撻, 當然少不了movenpick雪糕!! 
 

 
今次又要了Swiss Chocolate, Vanilla同Creme Brulee, 再拌以朱古力味的souffle食, 超滿足! 
 

 
老公最後的一round咸食~~~~
 

 
食得雪糕多, 我都想要一碗辣味雲吞, 同時再掃埋最後一round movenpick --- 今次又要了Swiss Chocolate, Caramel同Vanilla, 亦是至愛的三款口味, 超滿足!!!
 

 
老公最後的一round咸食, 不過食唔哂就離場了~~~
 

 
連餐飲的咖啡都冇飲到~~~
 

 
雖然單計食物只係麻麻地, 不過$228/位有OR的8折優惠後, 圍返$205/位都算OK的, 而且我真係好鍾意好鍾意梵高同太陽花, 同埋movenpick雪糕, 總共食了十幾球真係覺得好滿足~~~ 
 

 
最後影下Matthew同田鼠B的合照, 大家覺唔覺佢地其實幾似樣的?? 
 

 
不過田鼠B乖明顯好多, 相比之下Matthew仔真係超hyper, 令人身心俱疲丫...........
 

 
其實依日Matthew眼訓到傻啦..... anyway so nice to meet you, 期待下次再聚再食再玩過! 
發表於2013.8.04
留言(12)
  • 海棠
    上年秋天食過lunch buffet,非常麻麻。
    04/08/2013
  • Ophelia
    movenpick真係好吸引,其他就...
    04/08/2013
  • 胡李媽媽
    嘩....唔使肉喇...淨係D雪糕 & 甜品....已經好滿足.....睇落唔似太差喎
    04/08/2013
  • 田鼠b
    你真係影左好多相,我有啲慚愧!哈哈 ! 個tea buffet 咁既價錢都ok .我覺得除左雪糕,佢啲甜品都唔錯 !
    05/08/2013
  • Mandy 文迪
    都試左吾少食物喎 真係好橋, 咁都撞倒, 仲要親眼見到Matthew新髮型
    05/08/2013
  • 博師奶Mrs.blog
    見到太陽花, 特別醒神, 吃得開心吧﹗
    05/08/2013
  • 羅車車
    Matthew同田鼠B真係有D似喎但都係喜歡好動豬多DD
    05/08/2013
  • Emily
    Matthew仔個新髮型啱晒去游水吖~
    05/08/2013
  • Mrs. Wu
    Matthew仔個頭,好型,哈哈哈! 兩個真係好似樣呀,大個一齊玩都幾好呀!咁媽媽就可以努食野
    06/08/2013
  • 妹豬
    佢哋企埋一齊,又真係幾似樣喎
    06/08/2013
  • Viviana
    呢個價錢咁多choice , movenpick icecreqm 又正,抵抵抵啦,哈哈,媽媽您最後衝刺,加油?
    06/08/2013
  • yvonne
    太陽花蛋糕好得意, 唔止matthew鍾意, 我都想食
    06/08/2013
博客名稱 :
甜魔媽媽Yan
網誌名稱:
甜魔媽媽小天地
使用天數:1,950
性別:
按月份瀏覽
    2019
  • 一月
  • 二月
  • 三月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言