03
08.2016

西班牙其實不只火腿——-西班牙5大美食精選!

飲食烹飪   環球旅遊(歐美)   生活品味  
標籤: travel  美食  西班牙  kkday 

西班牙其實不只火腿——-西班牙5大美食精選!

一講起去西班牙旅行,大多數嘅香港人都會第一時間就諗起要去睇鬥牛、西甲球賽同埋彿朗明哥舞等等。但正所謂「民以食為天」,唔食飽又邊有力氣玩呢?其實西班牙菜都好有特色架。所以今日就為大家介紹幾款去西班牙必食嘅美食,未食過點可以話自己去過西班牙!

1. Tapas

西班牙其實不只火腿——-西班牙5大美食精選!

西班牙人可以話係名符其實嘅「夜貓」一族,佢地唔多注重早餐,通常去到下午兩、三點先食午餐,然後到夜晚十點先至食晚餐。咁你可能會問:「咁夜先食飯中間肚餓咁點算?」唔洗擔心,香港有得食下午茶,西班牙都有Tapas作為餐與餐之間嘅小食,暫時「頂住肚先」。

Tapas嘅種類大大話話有十幾二十種,梗緊有幾款岩你心水。而且價錢由2€至5€不等,豐儉由人。係一啲專食Tapas嘅餐廳,通常都有bar枱show哂當日供應嘅Tapas出嚟,你只需要睇岩邊款指邊款,就會有專人攞俾你,好似食自助餐咁~等小編都為大家推廌幾款好食唔伏嘅Tapas喇~

馬鈴薯蛋餅Tortilla

西班牙其實不只火腿——-西班牙5大美食精選!

有啲似olmlet,蛋加薯仔好有飽足感。

西班牙肉丸Albondigas

西班牙其實不只火腿——-西班牙5大美食精選!

有IKEA肉丸mix咕嚕肉嘅感覺,酸酸甜甜幾開胃

炒青椒仔Fried pardon peppers

西班牙其實不只火腿——-西班牙5大美食精選!

(網絡圖片)

一啲都唔辣嘅,灑左啲海鹽係上面幾岩用嚟送酒。

2. Jamon 西班牙火腿

西班牙其實不只火腿——-西班牙5大美食精選!

講起西班牙就當然不得不提西班牙嘅火腿喇。去到西班牙平時食開金x牌火腿嘅你先知道原來火腿都可以有禁多種。平嘅幾歐有交易,貴嘅可以去到幾十歐一小塊!當中又以風乾72個月食Belloa(橡果)大嘅黑毛豬最為矜貴。西班牙火腿除左可以就咁食之外,重可以配法包、蜜瓜、餅乾等。去西班牙嘅話一定要試下!

3. Paella 西班牙燉飯

西班牙其實不只火腿——-西班牙5大美食精選!

可以同西班牙火腿齊名嘅應該都只有西班牙海鮮飯。其實西班牙燉飯Paella有好幾種,海鮮飯只係其中一種比較出名嘅。好似Paella嘅發源地華倫西亞(Valencia),就會用兔肉或者雞肉煮飯。Paella金黃色嘅飯粒,表層泛起層層嘅油光真係會令人食指大動。

4. Churros

西班牙其實不只火腿——-西班牙5大美食精選!

小食講左喇,主食又講左喇,係米硬係覺得差梗啲嘢呢?無錯就係甜品喇!西班牙傳統嘅甜品之一Churros乍看之下有啲似我地平時食開嘅油炸鬼,但係留意番同佢一齊上嘅唔係粥而係熱朱古力啊!西班牙有間買Churros嘅老字號,係太陽門廣場附近。當你完成點單,店家就會送上一杯熱騰騰、極濃郁嘅朱古力同埋一條條長長嘅Churros。食法好簡單,就係用Churros沾滿朱古力梨食,食完淨低嘅朱古力當地人會一飲而盡,不過小編就覺得太甜喇。嗜甜之人可以挑戰下~

5. Sangria

西班牙其實不只火腿——-西班牙5大美食精選!

有美食又點可以無美酒呢~西班牙代表性嘅飲品非Sangria莫屬。Sangria係由紅酒、水果切片、烈酒、梳打水同糖漿混合調配而成嘅飲品。比起單飲紅酒而言,Sangria味道比較豐富,而且較甜,較為容易入口。平常唔飲酒嘅朋友也可以輕嘗一兩杯。不過每間餐廳嘅配方都不一樣,有啲烈酒嘅含量較多,因此酒量唔太好嘅朋友記得在落單時提醒侍應唔好太重手呀。

西班牙嘅美食又點只禁少,以上依5樣只係入門版,重有更多美食等住你發掘!係米好想即刻飛去西班牙大快朵頤呢?…但係你又怕人生路不熟會中伏?咁不如搵個當地人帶你捐窿捐美食,咁就可以專心大吃大喝又唔洗怕伏喇!

【西班牙老饕養成班】巴塞隆納必吃、必去一次滿足!

【美食夢遊仙境】巴塞隆納三日美食之旅

【味蕾新體驗】馬德里美食之旅半日遊

▲認識KKday▲

KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com

KKday Facebook: KKday

發表於2016.8.03
留言(0)
博客名稱 :
KKday
網誌名稱:
跟著 KKday 去旅行
使用天數:1,513
年齡:4
電郵:hk@kkday.com
按月份瀏覽
    2020
  • 一月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類