05
08.2016

【西藏丨交通篇】KKday西藏自由行全攻略!

環球旅遊(中台)   生活品味  
標籤: 西藏  交通  kkday 

 

近年愈來愈多人去西藏旅行,去西藏方法有好多,可以跟團、私人成團或者自由行。如果第一次去要自由行,交通應該係最麻煩嘅一環,除左計劃來回香港西藏要搭咩好,仲有諗埋當地交通。黎緊7月,小編會去西藏自由行,而家就同大家分享下西藏交通攻略啦!

 由香港去西藏,可以選擇飛機或者火車呢兩種交通工具,價錢相差唔遠,視乎你想睇靚景多啲定覺得舒服衛生重要啲啦!

火車飛機大比拼

而家香港冇直飛拉薩或者林芝嘅飛機,可以選擇上海、北京、成都、重慶等等唔同地方轉機。買機票就好簡單唔洗教啦~唯一留意嘅地方係機場同火車站有時都有一定距離,如果選擇先搭飛機再轉火車,就要留意轉乘時間啦!

 

購票攻略——火車

至於火車就係去西藏最普遍亦最麻煩嘅交通工具,煩係煩在買飛啊~

要買西藏火車飛主要有兩個途徑:香港旅行社同大陸鐵路網。係香港買會比較方便,但開賣時間比大陸遲少少,如果係旺季或者熱門路線(西寧至拉薩)有機會搶唔到飛!而係大陸網買到嘅機會雖然大啲,但買飛嘅程序就比較複雜。想知買飛攻略就繼續睇落去啦~

1. 香港旅行社

香港只有中旅社同紅磡中國鐵路售票處可以買到青藏鐵路嘅飛,買飛需要提供中英名全名以及回鄉證號碼。

 

>>紅磡中國鐵路售票處

開售時間:60日前

收費:票價+手續費(RMB100)

注意:只有廣州至拉薩嘅火車飛

 

 

>>中旅社            

開售時間:62日前

收費:票價X匯率(1.25%)+手續費($60)

注意:某啲分社(例如觀塘)設有出票機,可以即時攞飛,其餘嘅要等確認通知再去拎飛

 

2. 大陸鐵路網

中國鐵路網係大陸官方開賣青藏鐵路票嘅網站,所以票源最多,買飛需要提供嘅資料包括中英文全名、回鄉證號碼同出生日期。如果要係網站買飛,首先要登記一個帳號,需要一個大陸手提號碼收取驗證碼,然後等待核實身份,所以建議唔好開賣當日先登記!

開售時間:60日前(下午3點)

收費:無需手續費

付款方法:香港銀聯卡/內地銀行戶口/支付寶(全部收取人民幣)

注意:網站唔會寄火車飛黎香港,建議一到拉薩就去車站拎飛,需要出示證件同預約編號,如果唔係本站拎就要加五蚊手續費。

 

 

火車座位種類

Flickr:      Hans Liu                                                                              

青藏鐵路嘅座置有分好多種,坐位同卧鋪都有分軟硬,仲有企位添!卧鋪有分上(最平)、中、下(最貴),但其實中鋪係最唔討好嘅位,因為坐又坐唔直,又冇地方擺行李!下鋪最方便,唔洗爬而且有張枱仔,行李又可以放床下底。不過,如果你一個人搭火車,最好就買上鋪,私隱度高啲,行李可以放床尾唔怕比人偷。

不過,如果上大陸鐵路網訂飛係冇得揀位嘅,至於其他旅行社就要視乎當時有冇位啦,盡量都會安排同一個車箱。

 

西藏市內交通

去到西藏最方便嘅方法一定係包車,因為唔同景點相距太遠,而且某啲景點(例如珠峰)只有車先入得。要搵到當地司機其實唔難,懶人可以搵旅行社代勞,不過價錢會貴啲。上網其實可以搵到唔同司機嘅contact,或者靠朋友推薦就更可靠。

一般收費都係按日數計,亦係最抵嘅方法,亦有啲公司係按公里或者人頭計,就會貴啲,所以一定要貨比三家啊!

如果你係一至兩人去,同人拼車會比包車抵,可以上旅遊討論區(背包客棧或者高登旅遊台等等)搵下有冇人出post招人夾份包車,又或者自己出post講低自己行程,睇下有冇人順路。如果預先搵唔到,都可以去到當地先搵人夾,不過風險就自己評估啦~

 

參考價錢

講左咁耐,其實最想知都係價錢姐~以下係小編7月去嘅價錢,都算係旺季中嘅旺季啦~所以都幾有參考價值咖!

>>火車(中國鐵路網)

拉薩至西寧(硬卧):上鋪RMB495、中鋪RMB507、下鋪RMB 521

>>包車(直接聯絡當地司機)

每日RMB1500,預先比RMB1000訂金,餘額就去到先比。

除左交通之外,去西藏前仲要準備好住宿、藥物同安排行程,想知到更多攻略就要留意住KKday啦!

>>西藏各種行程熱賣中!

▲認識KKday▲
KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday

發表於2016.8.05
留言(0)
博客名稱 :
KKday
網誌名稱:
跟著 KKday 去旅行
使用天數:1,451
年齡:3
電郵:hk@kkday.com
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類