圖片來源

今年9月起,香港航空正式開通來往香港至鳥取縣米子直航服務。香港人開始對陌生嘅鳥取縣米子有初步嘅概念!小編就同大家介紹下鳥取縣米子有咩好玩啦(^0^)

#1 地理位置

Google Map 截圖

 

鳥取縣位於日本嘅中國地區東北部,由漫長嘅海岸線同狹長嘅平原地區以及以大山爲代表嘅山嶽地區構成,所以一年四季景色各不相同!而且,由於位於沿海地區,更會有不同嘅特產出於鳥取縣,例如鳥取西瓜、二十世紀梨、蠔同埋松葉蟹,啱晒一班餓底去呀! (當然包括餓底小編啦)

 

#2 交通

圖片來源

除左香港航空開通嘅鳥取縣米子直航服務之外,大家亦可以選擇2種方法前往鳥取縣!內陸機: 由東京羽田機場到鳥取機場需時大約1 小時 10 分鐘。如果唔想搭內陸機,亦都可以乘坐JR新幹線從東京出發,然後喺京都車站轉車到鳥取,時間會較耐約 5 小時 。

 

#3 特色景點

圖片來源

唔好以為鳥取縣米子無野玩,原來唔聲唔聲隨時嚇你一驚!


#3.1 鳥取砂丘

圖片來源

鳥取砂丘位於鳥取縣東部,係日本最大嘅砂丘!鳥取砂丘由大山嘅火山灰,加上海風的吹打,經過10萭年時間,而造成嘅大自然藝術品!大家去到鳥取砂丘除左可以欣賞一望無際嘅砂丘,仲可以坐上駱駝或者馬車遊覽、挑戰滑翔傘同參觀砂丘自然博物館!

 

#3.2 大山

圖片來源

被列入日本百座名山之中嘅大山,位於鳥取縣西部,係8座相連嘅山峰之總稱,最高嘅山峰海拔高達1729 米。山中更有大山寺,大山寺正殿東側嘅絕壁叫做金門,係眺望大山北面懸崖嘅絕佳場所。

#3.3 鬼太郎之城

圖片來源

「鬼太郎」作者水木老師出生於鳥取縣,為左表達對老師嘅敬意,鳥取縣內留有唔少鬼太郎嘅蹤跡。米子機場佈滿鬼太郎同他同伴嘅圖案、位於大山嘅圓流院內,有110張水木老師親筆繪製嘅「妖怪天花板畫」、而且更有鬼太郎列車以及鬼太郎站!而「水木茂紀念館」更係大家不可不去嘅景點, 展示水木茂先生的作品。所以鳥取縣叫做「鬼太郎之城」絕對唔係浪得虛名。

#3.4 白兔海岸

圖片來源

到底點解會叫「白兔海岸」? 傳說,大國主神對因幡國嘅八上姬有愛慕之意。有日大國主神喺前往因幡國嘅路上,遇上一隻受傷嘅兔仔,大國主神出於憐憫治療兔仔,其後兔仔預言話大國主神會同八上姬會開花結果,果然佢地最後結成夫妻。至此,白兔喺鳥取縣成為「愛神」嘅象徵,唔少情侶都會專程到白兔海岸拍拖!

睇完之後係唔係對鳥取縣有進一步嘅了解呢,以後除左去大阪、東京同北海道之外,大家又多一個旅遊熱點啦!

 

▲認識KKday▲

 KKday-世界旅遊體驗網站,在全球 54個國家,174 個城市, 有 5000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com
KKday Facebook: KKday