16
01.2017

由北玩到南 遊歷意大利

環球旅遊(歐美)   親子育兒   生活品味  

 

意大利喺歐洲黎講發展比較慢,雖然比唔上德國、法國、英國、瑞士個啲國家嘅環境咁好,但反而有好多出名嘅旅遊地點!米蘭、佛羅倫斯、威尼斯、羅馬、梵蒂岡

、西西里島。今次就等我為大家介紹一條由北到南嘅路線啦!

首先睇下個地圖:

米蘭 Milan (推薦逗留時間1日)

 

(圖片來源)

唔係首都,但係有錢過首都羅馬嘅城市,更被稱之為時尚之都,亦都係一個購物天堂,好似香港咁!

米蘭大教堂 Duomo

(圖片來源)

而講到必去嘅地方就一定係呢個地方!教堂前面嘅廣場無時無刻都有勁多鴿,而且係唔驚人!只要有你有野食,就可以吸引啲白鴿瘋狂衝埋黎。喺廣場你會見到好多黑人自動比白鴿飼料啲遊客,而且當你開心玩完鴿佢地就會問你地收錢。咁咪中伏!?小編之前都係咁,但其實大家唔洗理佢地,佢地雖然會好似sales咁追一追你,但佢地見你都唔比錢就會放棄。始終廣場有警察駐守,佢地唔敢亂黎架。

埃馬努埃萊二世拱廊街 Galleria Vittorio Emanuele II

(圖片來源)

 

(圖片來源)

米蘭大教堂張圖左面個座建築物就係好出名嘅拱廊啦,設計非常之豪華,入面專賣名牌同高級野!唔怪得比人話係時尚之都啦。

(圖片來源)

除左Prada、LV呢啲國際連鎖名牌之外,都會有獨立品牌賣高檔野。

(圖片來源)

成座拱廊非常之大,大家如果有錢嘅當然可以試下係入面食野,扮下有錢人,記得po相呃like,如果唔係你呢餐就蝕左了。

【最後的晚餐】米蘭漫步與達文西名畫遊覽(優先入場)

威尼斯 Venice (推薦逗留時間2日- 3日)

(圖片來源)

小編表示,雖然呢張相係都好靚,但係親身係拱橋上面睇嘅夜景係比起呢張圖靚無數倍。靚嘅夜景就去邊都有得睇,但係而家講緊咁近嘅夜景,就唔係度度都有喇。威尼斯呢個水都絕對係人生必去地方嘅其中之一。

(圖片來源)

呢度係Burano,又叫彩色島。所有屋都係彩色,而且外型設計都一樣,分分鐘當失路都唔知呀。

(圖片來源)

而另外一個叫Murano嘅玻璃島,玻璃製品非常之出名,而且真係100%當地製,所以大家可以放心買。而且仲可以去到玻璃工場參觀睇下人地點樣整呀。

【浪漫二合一】威尼斯城市漫步、貢多拉遊河之旅

佛羅倫斯 Florence (推薦逗留時間1-2日)

 

如果大家想睇特色建築,例如米蘭大教堂個類嘅話,呢度未必滿足到你,點都唔夠其他地方咁有振撼力。佛羅倫斯出名嘅在於佢嘅歷史環境,係文藝復興嘅藝術代表之都。所以如果你鐘意睇博物館,美術館嘅話,反而呢度值得你去。當然如果要玩嘅話附近有好多,例如五漁村,聖吉米納諾等待。

【超跑的故鄉】法拉利極致體驗一日遊

【彩繪地中海畔】五漁村 Cinque Terre 一日遊(佛羅倫斯出發)

【經典路線】聖吉米納諾、錫耶納、基安蒂一日遊(佛羅倫斯出發)

羅馬 Rome (推薦逗留時間 3日)

羅馬同佛羅倫斯同為意大利文藝復興中心,而且好似希臘雅典咁,係城中心保留住古羅馬帝國遺留落黎嘅建築物。梵蒂岡亦都喺羅馬入面架。

羅馬競技場 Colosseo

(圖片來源)

羅馬競技場係要比錢先入到去,建議大家買張羅馬Pass或者只買古蹟套票,包埋入羅馬廣場同帕拉提諾之丘,會比較抵,而且有學生價。

古羅馬市集 Roman Forum

image

(圖片來源)

image

 

(圖片來源)

古羅馬市集至少有成個屋苑咁大,如果喺山上面望落去,會好有振撼力,你會思考究竟當時完整嘅古羅馬市集究竟有幾咁大?同埋有幾多人?小編相信當時人流應該仲多過入面嘅遊客至少2—3倍。分分鐘個情況好似銅鑼灣咁密密麻麻。

帕拉提諾之丘 Palatino

image

(圖片來源)

image

 

(圖片來源)

古羅馬市集其實就喺帕拉提諾之丘下面,所以小編建議大家可以先上左帕拉提諾之丘先行落去市集,至少知道成個古羅馬市集嘅面貌再行落去睇個體驗會比較好。山上面有花園、鳥類飼養場,仲有屋,原本係比有錢人住同埋作為皇室宮殿。

【探秘羅馬】龐貝古城一日遊

【義國料理】羅馬烹飪課程

梵蒂岡 Vatican City

image

(圖片來源)

全世界面積最細嘅國家,係天主教會最高權力機構聖座嘅所在地。去到記得睇下有無機會拎到當地嘅貨幣!梵蒂岡硬幣呀!

image

(圖片來源)

梵蒂岡軍人衣著非常有特色。而且大家記得去廣場附近嘅紀念品店買Postcard寄呀,會有梵蒂岡嘅郵chop,出左呢個範圍,喺羅馬入面寄就只會係羅馬嘅郵chop。

西西里島 Sicily (推薦逗留時間 2-3日)

image

(圖片來源)

小編推薦大家去西西里島嘅原因第一就係呢度比較郊區,環境寧靜,大家chur完行程可以去呢度抖下,然後就係去上火山—埃特納火山!

埃特納火山 Mount Etna 

image

(圖片來源)

火山爆發次數係全世界最多,對上一年係2013年。每當火山噴發之後無幾耐,有唔少人特登走去影噴出黎嘅岩漿。比起冰島嘅火山,埃特納火山更值得去睇,不過因為比較遠,唔太順路,所以唔係個個都會去,而且最大嘅景點都係火山。

image

(圖片來源)

好就好在呢座火山係可以坐纜車上去,當然都可以行啦,所以比起喺冰島上火山更加舒服。

總結:

意大利除左以上地方仲有好多地點值得去,意大利同其他地方唔同既係,其他歐洲國家出名既係設計特別既建築物,而意大利出名係在於古蹟度度都有,雖然已經爛哂,都仲可以好明顯睇到宏偉、大範圍既古蹟,而唔係一棟棟既建築物咁簡單。唔知你又會唔會跟住小編推介嘅路線遊意大利呢?

▲認識KKday▲

KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com/zh-hk
KKday Facebook: KKday

發表於2017.1.16
留言(0)
博客名稱 :
KKday
網誌名稱:
跟著 KKday 去旅行
使用天數:1,789
年齡:4
電郵:hk@kkday.com
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類
最新留言