05
03.2017

台灣4日3夜快閃親子遊

環球旅遊(中台)   親子育兒   生活品味  



復活節好快就到,有連續四日公眾假期!難得夾到時間,想舉家旅行,又嫌日數太短,玩得唔夠喉?依家小編就整合咗台中四日三夜親子快閃行程,一定可以令大朋友,小朋友玩返夠本!

第一日:早機到達台中機場→紙箱王主題餐廳→彩虹眷村→逢甲夜市,夜宿台中火車站酒店

由台中機場去到台中火車站,可以選擇先喺火車站嘅行李房寄存行李,咁就唔洗拖住個行李箱周圍去咁無癮,但留意返服務係由朝早八點到夜晚八點,記住要返去攞返啊!

>>>台中機場至市區接機

第一站:紙箱王主題餐廳

一落機覺得肚餓,加上小朋友耐性有限,到埗第一個行程當然係醫肚!要同時滿足到大人細路,又點可以去普通餐廳咁隨便?!紙箱王係一個以全紙製作嘅超現實世界,集合咗餐廳同裝置藝術,利用最貼地嘅物料,整咗好多唔同種類嘅日用品同家具,例如餐廳嘅枱凳、燈飾,甚至係烹煮嘅紙火鍋餐碗!黎到依到,唔止小朋友大開眼界,小編相信大朋友都覺得好有新鮮感!

▶︎地址:台中市北屯區東山路2段2巷2號
▶︎營業時間:09:30-22:00
▶︎交通方面:仁友客運 1、20、21、31號。台中火車站前上車,大坑圓環站落車


第二站:彩虹眷村

相信好多人都聽過彩虹眷村,成條村由屋簷、牆身就連路面同郵箱,都佈滿全人手一筆一劃創造出黎嘅圖案,充滿童真而且顏色鮮豔,又點會諗到係出自一位年過90來自廣東嘅伯伯!有無覺得特別有親切感呢?畀五顏六色嘅世界包圍住,無論小朋友定大人都一定覺得好開心!

>>>彩虹眷村半日遊

提提大家:彩虹眷村依家仲有居民住,所以黎參觀嘅朋友就盡量減低腳步聲同聲浪,以免騷擾到其他人。


▶︎地址:台中市南屯區春安里春安路56巷
▶︎營業時間:白天全天開放

第三站:逢甲夜市

逢甲夜市係全台灣最大同最出名嘅觀光夜市,如果撞正假期,依到嘅人潮仲會塞滿成個逢甲夜市嘅主幹道;其實逢甲夜市出名係創新小食嘅原始地,例如逢甲四合一、可麗餅、胡椒餅等等,都係由逢甲夜市開始再外傳去全個台灣嘅每一個角落!

>>>台中夜遊觀光巴士

▶︎地址:台中市西屯區逢甲路跟福星路交叉口
▶︎營業時間:18:00-23:00

第二日:溪頭自然教育園區→南投溪頭妖怪村,夜宿南投親子民宿

第一站:溪頭自然教育園區

同小朋友一齊,想親親大自然,可以選擇到溪頭自然教育園區。位於海拔1150公尺,所以全年四季都會好涼爽。加上面積有成2500公頃,三面環山,仲種滿紅檜、銀杏、扁柏等等珍貴樹種!小朋友黎到依到,就好似上緊活生生嘅常識堂咁!而充滿仙氣嘅氤氳竹林仲係熱門嘅影相打卡位!

>>>由清境日月潭往返南投溪頭
>>>由台中市區往返南投溪頭

▶︎地址:南投縣鹿谷鄉內湖村森林巷9號
▶︎營業時間:07:00-17:00
▶︎票價:全票一般時段NT$200、優待時段NT$160;
學生票一般時段NT$150、優待時段NT$120
▶︎交通方面:喺台中出發的話,可以搭「台灣好行溪頭專車」,直達溪頭森林遊樂區同溪頭妖怪村。由溪頭自然教育園區步行至妖怪村,大約5分鐘的距離,所以只要一到溪頭,就不需要再搭公車啦~

第二站:南投溪頭妖怪村

台灣南投嘅妖怪村集合和風,小食同售賣當地名產手信嘅地方。村裡面有妖怪雜舖、鳥居、平安鼓同松林町商店街等等嘅景點,散發住濃厚嘅日式風格!因為免入場費嘅關係,所以都成為妖怪村嘅一大賣點!


▶︎地址:南投縣鹿谷鄉興產路2-3號

▶︎營業時間:10:00-20:00
▶︎票價:免入園費

>>>南投妖怪村一日遊
>>>全日玩盡南投景點

推薦南投親子民宿:

位於溪頭同杉林溪之間,有間CP值好高嘅民宿:杉溪鹿莊園親子民宿。最吸引嘅係單棟式小木屋設計,提供五間以極速瀡滑梯為主題嘅房,相信一定可以為小朋友製造一個難忘嘅旅行回憶!

▶︎地址:南投縣鹿谷鄉內湖村興產路53-11號
▶︎交通方面:由妖怪村出發,喺溪頭上車,搭6719號公車,唔洗半個鐘,就可以喺內湖站落車,再行3分鐘就到民宿啦!


第三日:日月潭→紙教堂→小瑞士→清境,夜宿清境

第一站:日月潭

有咩幸福得過一家人望住靚景踩單車?!日月潭係成個台灣最靚嘅湖面單車車道,沿住湖邊,望住依個全台灣全大嘅高山淡水湖泊,真係一大享受!對住一望無際嘅湖面,相信所有煩惱都可以拋開,好好享受同家人共賞美景嘅時刻!

>>>三種方式遊日月潭
>>>往返清境日月潭專車
>>>日月潭一日遊

▶︎地址:臺灣南投縣魚池鄉日月村

第二站:紙教堂 

用紙建成嘅「紙教堂」,係黎自日本嘅建築,當年1995年阪神大地震後,原本係畀當地災民用黎暫代教堂用。不過時至今日,搬到南投,做咗一間紮紮實實嘅教堂!因為配上透光嘅屋頂,外型設計亦別樹一幟,所以都吸引咗唔少人打卡影相。

>>>紙教堂一日遊

▶︎地址:南投縣埔里鎮桃米里桃米巷52-12號
▶︎營業時間:09:00-20:00

第三站:小瑞士

「清境小瑞士花園」就喺南投縣仁愛鄉清境農場,因為遼闊嘅風景可以媲美北歐嘅美景,所以就有呢個美號!如果同小朋友去開清境農場都不妨到小瑞士,幫小朋友影返輯相,又或者一家人用腳架自拍全家福都係唔錯嘅回憶!

>>>清境農場拼車一日遊

▶︎地址:南投縣仁愛鄉大同村定遠新村28號
▶︎營業時間:08:00-17:00
▶︎票價:全票NT$120、優惠票NT$90

第四站:清境農場

講到清境農場,大家都應該好熟悉。特別在於農場裡面有分做唔同主題園區,好似「綿羊區」同「牧牛區」,喺呢到可以體驗近距離餵羊仔同牛牛,摸摸動物!另外,仲有八條步行徑可以供大家選擇,沿途風景仲好吸引!

▶︎地址:南投縣仁愛鄉仁和路170號
▶︎營業時間:08:00-17:00
▶︎票價:全票NT$160、學生票NT$120

>>>清境農場餵羊之旅


第四日:清境→自然科學博物館→台中機場

第一站:自然科學博物館

最後一日,當然要輕輕鬆鬆咁度過!免除趕行程嘅煩惱,臨去台中機場之前,同小朋友去返轉自然科學博物館,透過展覽同活動了解科學嘅奧妙。最重要係博物館有埋免費行李寄存服務,行完博物館之後,再拖返行李去機場,真係太好啦!

▶︎地址:臺中市北區館前路一號
▶︎營業時間:週二至週日9:00-17:00


以後得幾日短假,又想爭取同小朋友好好享受假期,其實台中都係一個唔錯嘅選擇!一次過走訪台中丶清境丶南投可以欣賞大自然嘅同時,仲有得餵羊仔同踩單車!另外,依到集合哂充滿特色嘅景點,一定可以滿足小朋友嘅好寄心,仲係影相嘅好地方!


▲認識KKday▲

KKday-世界旅遊體驗網站,在全球 54個國家,174 個城市, 有 6000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁: www.kkday.com/zh-hk
KKday Facebook: KKday

 

發表於2017.3.05
留言(0)
博客名稱 :
KKday
網誌名稱:
跟著 KKday 去旅行
使用天數:748
年齡:2
電郵:hk@kkday.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類