12
05.2017

【日本深度遊】日本人票選10大景點

環球旅遊(日韓)   親子育兒   生活品味  

香港人鐘意去日本已經唔係咩新聞,相信你身邊一定有番三幾個日本迷,甚至日本通。除咗瘋狂購物同瘋狂食拉面之外,日本世界遺產都係真。世界級!而日本人亦有投票揀佢地至like嘅文化遺產,結果無敵靚嘅富士山竟然只係排第十,快啲睇下你嘅至愛有冇上榜啦~

第十位:富士山

「誰能憑愛意要富士山私有♪♫」——富士山下

歌你一定聽過,咁富士山你又去過未?富士山係2013年正式成為世界遺產,全名係

「富士山—信仰的對象與藝術的源泉」。對於日本人黎講,富士山除左係聖山,同時亦係精神嘅寄託,係好多創作者靈感嘅泉源。正因為咁,遺產嘅範圍除左有山嘅本體、富士山原始林、富士風洞、淺間大社,仲包含對富士山嘅信仰。

第九位:日光社寺

日光社寺係日本栃木縣日光市內神社同寺院嘅總稱,1999年聯合國教科文組織指定做世界遺產,包含合共103棟建築,當中有兩座神社同一座寺院,所以又有「二社一寺」嘅稱號。日光社同當年嘅德川幕府有緊密嘅關係,例如東照寺就係德川家康嘅墓地。

第八位:原爆圓頂館

位在廣島縣廣島市嘅原爆圓頂館係1996年列入為世界遺產。建築物前身係1915年建成嘅廣島縣產業獎勵館,1945年美軍投擲原子彈之後,就變成而家滿目瘡痍嘅外觀。事實上,圓頂館嘅存廢都引起過爭議。一部分人認為應該拆卸,原因係唔希望喚起爆炸嘅慘痛回憶。不過,最後為左向警惕後人原子彈造成嘅戰爭災難,建築物得以保留。如果大家想去嘅話,可以訂定廣島關西JR Pass,咁你又唔洗怕交通問題啦!

第七位:法隆寺佛教建築物

法隆寺地域嘅佛教建築物係位於日本奈良縣嘅法隆寺同法起寺等寺院嘅總稱,被譽為世界上最早嘅木造建築群,同時保存六世紀中日交流後嘅中國風設計。屹立1300年嘅建築,係1993年認證為世界遺產。

第六位:屋久島

屋久島位於九州大隅半島南方60公里,島嶼中央嘅宮之浦岳,以及西邊嘅神木林區(生長1000年以上)係世界遺產範圍。豐富嘅自然生態造就獨一無二的景觀,其中

樹齡超過6000年嘅「繩文杉」更加係島上嘅寶物。

第五位:合掌造聚落

位於白川鄉+五箇山嘅合掌造聚落,又叫做合掌村,係1995年列入世界文化遺產。由於地處山區,長期同外界隔絕,所以當地嘅農舍仍然保存傳統特色。每到冬天,大雪覆蓋住農舍上嘅茅草,即時變成漫畫裡面嘅冬日童話村,靚到好似一幅畫咁。

第四位:知床半島

知床半島位於日本北海道東北部,1964年變成知床國立公園。作為北半球能夠睇到浮冰嘅最南地區之一,係2005年正式列入世界自然遺產。

第三位:姬路城

姬路城位於日本兵庫縣姬路市,係唔少日本迷心目中嘅第一名城,白色嘅外牆令佢有「白鷺城」嘅別稱。作為日本最具象徵意義、保留度最完整嘅城堡,姬路城係日本政府指定嘅國寶以及國家特別史跡,同時係日本首批世界文化遺產之一。

第二位:嚴島神社

位於廣島縣嘅嚴島神社擁有約1400年歷史,係國內合共五百座嚴島神社嘅總本社,1996年連同彌山原始林區一齊列入世界遺產名單。嚴島神社建於潮間帶之上,神社前方屹立係海中心嘅大型鳥居係「日本三景」之一,係嚴島境內最知名嘅地標。神社大部分建築結構都列為國寶,同時收藏好多國寶級文物。

第一位:古京都遺址(京都、宇治和大津市)

日本人心目中嘅第一名原來就係大受港人歡迎嘅京都!古京都包括日本京都府京都市、宇治市以及滋賀縣大津市嘅寺院、神社、城堡等等。聯合國教科文係1994年將建築群列入世界遺產,成為日本第五個世界遺產項目。

西元794年,日本皇室遷都平安京,亦即係今日嘅京都市。平安京係模仿洛陽而建,由八至十九世紀中葉都係日本嘅京城,而且係日本政治文化樞紐,見證日本文化同藝術發展,因而成為世界遺產。

>>去到京都唔能夠錯過古都巡禮!

以上就是由日本人親自排名嘅世界遺產,同你心目中嘅排名又一唔一樣呢?下次去日本除左去食玩買,仲可以好好參觀下呢啲世界遺產啊~

▲認識KKday▲

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!

▲訂閱 KKday電子報,獲取更多旅遊優惠!

關注KKday社交平台動向:

Facebook ▲Instagram ▲YouTube ▲旅友討論區

發表於2017.5.12
留言(0)
博客名稱 :
KKday
網誌名稱:
跟著 KKday 去旅行
使用天數:726
年齡:1
電郵:hk@kkday.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類