17
05.2017

帶埋爸媽去旅行!跟長輩旅行的二三事

環球旅遊(其他)   親子育兒   生活品味  

暑假就到啦,有無打算同呀爸呀媽一齊去旅行呢?仲諗緊揀跟團、自由行定買套票?點都好,其實同長輩去旅行有好多好緊要嘅details㗎。如果你打算將「旅行」當做母親節禮物,咁你就一定要記住睇KKday長輩出遊攻略懶人包啦 。

應該帶長輩去邊到玩?

同長輩去旅行,其實同自己一個做backpacker好唔同,一啲好潮好特別嘅行程就唔一定係首選啦。相反,對長輩嚟講,可以同人分享,往往係更加重要㗎。

不過呢,每個人去旅行嘅喜好習慣都唔一樣,所以係帶佢地一齊去旅行之前,你一定要了解佢地鍾意啲咩唔鍾意啲咩。媽咪鍾意浸溫泉定去shopping?鍾意熱帶風情定係歐陸情懷?如果你真係乜都唔知嘅話,建議你先揀一啲熱門嘅旅遊地點,可以等長輩係佢哋嘅朋友面前曬命都係一個去旅行加分嘅條件。

跟團好定自由行好?

係揀跟團定自由行之前,你要確定自己對目的地係咪熟悉。自己一個去旅行,都仲可以任性咁話走就走,就算盪失路,都可以當成另類體驗。

不過同長輩去旅行就完全係另一回事啦!你有無試過係旅途中,忍唔住要呻:「可唔可以唔好再問啦?!我點知呀!我又唔係Google !」其實咁係因為你對自己嘅角色定位,同呀爸呀媽對你嘅期望唔一樣。

同長輩去旅行,你一定要記住:如果揀自由行,你就係呀爸呀媽嘅私家導遊。自問對目的地唔係好熟,又無乜時間做功課,咁都係跟團穩陣啲啦。

旅行途中要注意啲咩?

1)要詳細講解行程

圖片來源 

同長輩去旅行,最常遇到嘅困擾,就係佢地會成日問問題。「呢到邊到嚟㗎?」「呢個好出名㗎?」「仲要行幾耐呀?」「點解會咁貴嘅?」,唔講仲以為你同吳若希去旅行呀!不過呢,好多時,佢地都唔係想專登麻煩你又者要呻,而係因為佢地真係唔知道當時嘅情形係點。

如果你想避免呢個情況發生,咁最好就係出發之前同長輩講解下行程大致上係點,等佢地有基本嘅了解。而每一日出門前,都要再提多佢地一次,一方面可以避免佢地問完又問,另一方面,萬一走失咗又或者係遇上突發事件,都仲有辦法搵番大家。唔想自己講解太多,可以參加一日遊,導遊會詳細咁介紹景點,大家有咩問題都可以問佢架!

2)一定要有backup plan

去旅行先嚟落雨,唔通連個天都唔鍾意你?有時想去嘅景點會因為天氣影響而無開,想去嘅餐廳亦都可能會休息,去旅行成日都會遇到呢啲情況,如果係自己一個,你可能會係Facebook呻下就算,但同長輩去旅行就千祈唔可以就咁就算!

對佢地嚟講,肚餓就要食飯,眼瞓就返去瞓,想玩就要去玩,咁難得先有機會出嚟旅行,如果要你媽咪企係街邊發吽哣,佢可能寧願返屋企瞓覺好過。所以,一定要準備好backup plan,等佢哋係旅途中永遠都有野做。

3)唔好一次過行太遠

呢個係最緊要但亦都係成日比人忽略嘅一點,你可能會好興奮咁一直行,但係就無諗過自己同長輩嘅體力係有一段差距㗎。係餐途中,都唔可以忽略長輩平常嘅作息時間,例如係媽咪平時幾回起身?幾點瞓覺?如果同行嘅長輩係有瞓晏覺嘅習慣,咁安排行程嘅時候就記得唔好將一啲好需要體力嘅行程排係下晝啦。

當然,唔單止係行路,搭車搭船搭飛機都一樣嘅。長輩們呢就唔大適合長時間坐或者企,所以景點與景點之間搭車嘅距離就唔適易太長,如果佢地會暈車浪,咁就一定要先準備好暈浪丸啦。

4)要有廁所係左近

年紀越大,去廁所嘅頻率同需求都會越高,成日要忍住忍住,去旅行又點會去得盡興呢?所以每去一個景點,都一定要俾長輩知道廁所係邊,記得要係抵達後同出發前等佢地去廁所。

5)價錢就唔洗咁誠實

「嘩,乜呢個咁貴嘅!」「唔好晒咁多錢買呢樣野啦!」

雖然呀爸呀媽都想食好住好,不過佢地都擔心你個荷包會乾硬化。所以記得要係適當嘅時候講啲「善意嘅大話」,食飽就快快手埋唨張單佢,如果見到佢哋1516,諗緊食唔食好,買唔買好,你就大方啲幫佢地話事啦!

6)唔好成日轉酒店

如果一個人去旅行,你可能會揀啲平價旅館,有瓦遮頭,有得沖涼瞓覺就ok 。但係同長輩去旅行,就記得要搵一啲係車站附近嘅酒店啦!因為對佢地嚟講,拖住個喼周圍走係好辛苦㗎。另外,可以嘅話,係同一個地方最少留兩晚,因為不停咁check in check out係會令到長輩們感覺好攰㗎。

7)影相好緊要

同媽咪去旅行,就好似同女朋友去一樣,影相係好重要㗎!如果你係一個人去旅行的話,可能會慣咗影低沿途嘅風景,有feel有mood就影。

但係同長輩去旅行就唔係咁講啦,你要一路幫佢地影呀影影呀影,幫佢地影完仲要同佢哋一齊影,影完記得要美圖秀秀埋,仲要擺上Facebook打卡同呃like!等媽咪嘅朋友知道你帶埋佢去旅行覺係重點!所以除咗影風景相之外,記得要俾媽咪入鏡,因為佢哋先係旅行嘅主角呀!

睇完KKday長輩出遊攻略懶人包,都仲未知道帶媽咪去邊旅行好?

>>>讓媽媽當一次貴婦,來體驗五星級的按摩吧!
>>>【媽媽的享受】美顏養生的烏來泡湯

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

 
發表於2017.5.17
留言(0)
博客名稱 :
KKday
網誌名稱:
跟著 KKday 去旅行
使用天數:747
年齡:2
電郵:hk@kkday.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類