02
06.2017

10個小秘訣!幫你戰助長途機的疲倦

環球旅遊(其他)   親子育兒   生活品味  
標籤: kkday  長途機  衝出亞洲  longhaul 

小編成日都好想可以衝出亞洲,去遠啲嘅地方旅行,例如去美國嘅尼加拉大瀑布、德國嘅新天鵝堡同倫敦嘅哈利波特影城。但一諗到要坐長途機:十個鐘雙腳冇法伸直、無所事事又訓唔著……小編諗到依度就已經怕怕啦!我知,你實會叫我買商務客位架 ~ 問題係哪有錢啊嘛T.T  究竟有咩辦法可以令無痛苦咁坐長途機呢?如果你同小編有一樣嘅煩惱就快啲睇埋落去喇!

 

上機前:

一、預先揀好飛機座位

預先揀好位係常識吧~依個位將會陪你十幾個鐘架!而每個人對座位嘅喜好不一樣,而且各有優缺點:

窗口位(Window Seat):比較安靜,而且無聊時可以睇下風景,不過出入就比較麻煩;

走廊位(Aisle Seat):就方便去廁所可以自出自入,但就容易俾人騷擾;

機翼旁邊嘅座位:因為接近飛機嘅重心,無咁易受亂流影響,可以訓得安穩啲;

逃生口位(Exit Row Seat):適合比較高嘅人,雙腳可以有較大嘅伸展空間;

前排位:後排位通常會留俾旅行團,想避開佢地就要揀前排嘅位置,而且可以最早落機

大家可以根據自己嘅喜好,揀個適合自己個位~~不過要點樣先知我坐係飛機上面邊個位?你可以上網站SeatGuRu 搜尋到航班嘅座位圖,咁就可以輕鬆揀個自己鐘意嘅位喇~

二、唔好臨急抱彿腳

如果你習慣了做deadline fighter,唔到最後一刻都唔執行李,唔出發去機場嘅話,坐長途機之前就要改左依個習慣喇~因為如果你帶住好緊張嘅心情出發去機場嘅話,上到機你會變得好敏感,要較長嘅時間先至可以放鬆落黎~所以出發前早啲做足準備,檢查下係咪已經帶齊哂野,之後輕輕鬆鬆出發喇~

三、穿著舒適嘅衣物

盡量穿著舒適、鬆身嘅衣物。上衣方面,棉質T shirt係一個唔錯嘅選擇,最好帶多件外套添,係機上面覺得凍都唔沒驚無哂毛毯!

至於下身方面,女生可以考慮著長裙,男生則可以著棉質運動短褲。而緊身褲、牛仔褲就盡量避免喇~鞋方面易除易著嘅波鞋就最好喇。千祈唔好著拖鞋或露趾嘅涼鞋,因為一旦發生事故要逃生時,著露趾鞋嘅話會影響逃生時嘅安全同速度!

飛機上:

一、帶備長途機三寶

咩係長途機三寶?答案就係耳塞、眼罩同頸枕!有左依三寶,就可以訓個好覺喇!記得要將三寶放係隨身行李啊~~

二、注意飲食

機上嘅飲食都相當重要,絕對唔可以忽視!係機上面就盡量唔好飲咁多酒喇。而且盡量食清淡嘅食物,減少吸收過量嘅糖份,以免做成消化不良。有研究曾經指出碳水化合物類食物,如義大利麵和全麥麵包等,可以幫助我地更好咁適應時差。你亦都可以帶定啲小食,咁就唔驚肚餓喇~下次坐長途機你識揀喇~

三、保濕用品唔少得

唔好以為保濕係女士專利,係高空上乾燥嘅空氣可係不論男女都會侵襲你。唔好因為貪靚就堅持帶隱形眼鏡同化妝。反而應該預備定細細樽嘅保濕噴霧、Lotion同潤唇膏~唔止外喺,內喺都需要補充水份!記得要飲多啲水~如果唔係落機就爆哂擦架喇!

四、調整時差

長途機最困難係要適應時差喇。上機之後,空中服務員已經會按當地時間黎派發餐飲,你都應該盡量按當地時間作息,等自己嘅生理時鐘喺落機之後可以盡快調整好。

五、自備娛樂

十幾個鐘流流長真係唔知做咩好…機上嘅電影又未必岩自己睇。所以小編都習慣會自己準備幾套電影放係平板電腦度,趁依個機會睇番之前無睇過嘅電影。另外,機上無網絡嘅環境小編認為係一個可以好好專心睇書,唔俾Facebook、message、email騷擾嘅好機會~

六、定時運動

長時間坐係狹小嘅空間內好容易會有「經濟艙症候群」,造成下肢水腫、疼痛,甚至會引起呼吸困難及中風致死!所以千祈唔好輕視依個病啊!小編就有朋友試過腳痛到要係轉機時去睇醫生。所以要定時做一啲伸展運動,例如抬腿、來回走動等,以保持下身血液流通順暢。

睇到呢度,係咪發現原本撘長途機都有咁多野要注意呢~ 小編總結一下有咩係撘長途機時要放係隨身行李架喇:

  • 外套
  • 長途機三寶(耳塞、眼罩同頸枕)
  • 牙刷、牙膏
  • 酒店拖鞋
  • 保濕噴霧、Lotion同潤唇膏(眼藥水)
  • 平板電腦、書
  • 小食

希望以上小貼士可以幫到大家戰勝長途機嘅痛苦,落機唔會成隻喪屍咁,可以輕輕鬆鬆去玩~~

番外篇 – 落機後:

最後,大家搭完長途機之後,落機想快啲出到市區亦都可以選擇包車服務架!咁大家就可以用最快嘅速度直達酒店攤上床休息啦,如果你唔覺得攰,仲可以即刻去玩!同幾個朋友一齊夾,分分鐘有可能平過搭機場火車呀!

▲認識KKday▲

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!

▲訂閱 KKday電子報,獲取更多旅遊優惠!

關注KKday社交平台動向:

Facebook ▲Instagram ▲YouTube ▲旅友討論區

 
發表於2017.6.02
留言(0)
博客名稱 :
KKday
網誌名稱:
跟著 KKday 去旅行
使用天數:994
年齡:2
電郵:hk@kkday.com
按月份瀏覽
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類