29
08.2017

【全球環球影城】終極比較懶人包

環球旅遊(主題樂園)   親子育兒   生活品味  

想親自走入電影世界,體驗無與倫比嘅感動?環球影城就係幫你完成夢想嘅地方!但四間環球影城應該去邊間?就等KKday仔細幫你分析邊間環球影城最適合你啦!

日本環球影城:文化兼具最夢幻

圖片來源|KKday

『最夢幻』可以話係KKday編輯部一致認同,由每年唔同嘅期間限定活動你就可以發現日本環球影城嘅用心程度!例如「CoolJapan」就會將日本嘅自家動畫特色完美咁融入咗充滿美式風格嘅樂園入面,新鮮又唔突兀,同時吸引到唔同族群嘅遊客去玩,等大家都可以喺園區入面盡興享受!

圖片來源

▲ 編輯私心推薦設施 TOP 3
。哈利波特禁忌之旅
環球影城非常之有誠意咁將成座霍格華茲同活米村搬咗入大阪,哈利波特迷仲邊有唔去嘅理由!穿越禁忌森林見到活米村大門嘅感動一定要親自感受過至明!

。飛天翼龍
覺得普通嘅過山車唔夠好玩?飛天翼龍會吊起埋你成個人狂揈!雙腳離地嘅感覺肯定超刺激~

。荷里活美夢乘車遊
一入到去日本環球影城就會聽到嚟自荷里活美夢乘車遊嘅尖叫聲!平時唔敢坐過山車嘅朋友都一定要試下,音樂同高速行駛夾雜嘅刺激,呢個過山車同平日你玩開嗰啲一啲都唔同!

圖片來源|KKday

▲ 編輯誠心推薦玩法
日本環球影城幾乎冇分淡旺季,因為永遠都咁多人⋯如果唔想嘥飛錢、入到去仲要瘋狂排隊嘅話,建議去之前做啲功課,將心目中最想玩嘅遊樂設施列咗出嚟先,然後先再揀最適合自己嘅Express Pass!你亦都可以根據園區地圖擬定好入場後嘅衝刺路線。

▶︎小編獨門日本環球影城玩法:門票+Express最推薦!

▲ 編輯大力推薦活動
。Cool Japan 限定活動
舉辦時間每年都唔同,可以先上官方網站查好時間先Plan!每年Cool Japan活動期間都會有專屬於日本嘅特色設施,例如『進擊的巨人』同『哥斯拉』等等,大家可以親身感受走入日本動漫嘅感動!

。天使的聖誕奇蹟
每年年末嘅重頭戲就一定係聖誕節活動!日本環球影城喺每年年底到隔年年頭都會推出『天使的聖誕奇蹟』活動,有用光影投射喺建築物上面嘅特別效果再配搭舞台表演。仲會架設全日本最高:足足有36公尺嘅大型聖誕樹,畀你感受鋪天蓋地嘅聖誕氣氛!

。每日夜間遊行
如果唔係喺限定活動期間去日本環球影城嘅你都唔洗覺得可惜,因為環球影城每日夜晚都會有又靚又值得睇嘅花燈遊行,等大家喺玩咗成日之後可以用呢個精彩嘅遊行表演畫下完美ending!

新加坡環球影城:閤家同樂最首選

圖片來源

唔想去「感受」日本環球影城人潮嘅你,或者可以揀同樣位於亞洲嘅新加坡環球影城!相對日本園區人少好多嘅新加坡園區更加適合一家大細輕鬆去玩~唔洗受限於嚇人嘅排隊時間,可以更加靈活咁運用喺園區嘅時間。而且新加坡環球影城仲係位於聖淘沙島,去玩嘅同時仲可以順便睇到新加坡嘅迷人風光!

圖片來源

▲ 編輯私心推薦設施 TOP 3
。變形金剛3D對決 
Transformer嘅大黃蜂同其他博派成員可以話係新加坡環球影城其中最大嘅吸引之處,有別於日本環球影城嘅蜘蛛俠,佢可以話係亞洲獨家㗎!而且入面4D電影嘅擬真特效一定會令你覺得超過癮!

。太空堡壘過山車
相信有唔少人對過山車係毫無抵抗之力,而新加坡環球影城入面就有一個超有誠意嘅雙軌超高速過山車!同平日大部份嘅過山車唔同,呢個過山車分成紅、藍兩條車軌,分別代表『人類戰隊』同『機械戰隊』,細細聲話你知,藍線嘅刺激程度係大過紅線㗎!

。鞋貓劍客歷險記
嚟自山卡啦王國嘅史力加都係新加坡嘅超人氣主題之一!時而楚楚可憐露出對大眼、時而眼露兇光拔刀揮舞嘅超人氣貓劍俠成為咗遊樂設施嘅主角啦!坐上獨家嘅懸吊式過山車同貓劍俠嚟一場空中冒險啦!

▲ 編輯誠心推薦玩法
新加坡環球影城相比起日本少人好多,所以冇咁需要Express Pass~而且謹記『逆時針玩法』,咁就可以避開人潮,玩晒所有人氣設施!建議可以先參考官網地圖做下功課,咁一入園區就可以即刻開始玩~

▶︎慳返Express pass再買埋優惠新加坡環球影城飛!

圖片來源

▲ 編輯大力推薦活動
。芝麻街表演:只要我長大
話新加坡環球影城係最啱閤家歡完全冇錯!除咗人少湊住小朋友比較方便之外,就算玩唔到刺激設施都仲有精彩表演可以一齊欣賞!由芝麻街明星角色領軍,喺荷里活劇院嘅爆笑演出絕對不能錯過!

。印象荷里活
煙花絕對唔係其他主題樂園嘅專利!如果你去新加坡環球影城嘅日子咁啱係星期六,咁你就有機會一睹環球影城式煙花嘅風采!

奧蘭多環球影城:兩大園區最過癮

圖片來源

位於遊樂園集中地嘅奧蘭多環球影城當然一啲都唔馬虎,兩大園區只怕你玩都玩唔晒!兩個園區分別係:佛羅里達環球影城冒險島樂園 ,而啱啱喺今年5月仲開咗新嘅火山灣園區!快啲Plan好行程去玩啦~~~

圖片來源

▲ 編輯私心推薦設施 TOP 3
。倫敦斜角巷:逃離古靈閣@佛羅里達環球影城
佛羅里達環球影城嘅哈利波特園區同其他係完全唔一樣㗎~啲人成日話去奧蘭多環球影城一定要去冒險島樂園嘅哈利波特主題園區,但小編更想推薦嘅係位於佛羅里達環球影城嘅斜角巷!原因係冒險島嘅哈利波特園區同日本環球影城嘅其實略有重疊,但斜角巷就係完完全全獨家㗎!

。Minion惡作劇@佛羅里達環球影城
跟著壞蛋獎門人同佢班Minions一齊做壞事啦!係Minions fans嘅話,就絕對唔可以錯過美國Minions帶畀你嘅4D超可愛體驗喇~

。木乃伊復仇記@佛羅里達環球影城
由園區佈景就已經超級用心嘅古埃及區真係吸引到爆!神秘嘅古埃及文化到底有咩傳說?喺真正去埃及尼羅河之前不如嚟呢度過過癮先啦!另外室內嘅過山車設施都一定唔會令你失望!

圖片來源

。哈利波特禁忌之旅@冒險島樂園
兩個園區都有哈利波特真係引死咁多位哈利迷~冒險島嘅哈利波特主題園區同日本環球影城嘅大致相同,同樣係霍格華茲+活米村+禁忌森林嘅組合,小編私心推薦嘅原因係:呢度嘅哈利講英文⋯(笑)快啲坐上飛天掃帚同史萊哲林嚟一場精彩嘅魁地奇比賽啦!

。大力水手Popeye:激流泛舟@冒險島樂園
坐入去圓筒造型嘅泛舟同Popeye嚟一場激流挑戰啦!小編真係超~鐘意呢一種水上設施!你一定會嗌同笑到收唔到聲,但要注意,小心有人拎住水槍攻擊你!

。侏羅紀公園:激流探險@冒險島樂園
像真度超高嘅恐龍就喺你隔離!而最後由85英尺嘅高度向下俯衝嗰下,淋到你成身濕晒但又止唔住大叫過癮!晚餐時間到啦,而你,就喺個Menu上面⋯(笑)

▲ 編輯誠心推薦玩法
奧蘭多環球影城嘅票價規則有啲複雜,如果你冇時間限制嘅話,建議『兩日各玩一園』,票價亦都會抵過兩日單獨分開買好多。而且兩日亦唔一定要連續使用,可以更妥善咁規劃你嘅旅程!

▶︎唔想去到先買飛?小編教你咁訂更方便更抵!

圖片來源

▲ 編輯大力推薦活動
。哈利波特魔法世界:青蛙唱師班@冒險島樂園
由霍格華茲四位分別來自葛來分多、史萊哲林、雷文克勞同赫夫帕夫嘅學生組成唱詩班,伴隨佢們嘅寵物青蛙現場演出嘅人生樂團。呢個係麻瓜世界冇嘅獨特饗宴,千祈唔好錯過!

。奧蘭多環球影城:恐怖化妝秀@佛羅里達環球影城
大推特推!想知次次都嚇到你膽顫心驚嘅恐怖妝到底係點化?咁就一定要嚟睇呢場恐怖化妝Show!不論係被刀砍、斷肢甚至係嚇人嘅妖魔鬼怪,呢場Show會比你感受到電影妝效師嘅厲害之處!

洛杉磯環球影城:電影重鎮最真實

圖片來源

身為電影發燒友,真係唔可以錯過位於荷里活嘅環球影城!!呢座城市由頭到腳都充滿住電影嘅氣息,而洛杉磯嘅呢座環球影城唔只係一座主題樂園,而且仲真係會有片場俾電影進行拍攝!如果你運氣好嘅話,話唔定可以喺度遇到國際巨星開戲呀~

圖片來源

▲ 編輯私心推薦設施 TOP 3
。Studio Tour
嚟到荷里活環球影城絕對要體驗嘅就係坐導覽車出發去片場探險!途中你會經過各式各樣嘅拍攝現場,好似係飛機墜毀、大型車禍、洪水來襲等等,令你可以一窺電影特效嘅世界!呢個絕對係嚟荷里活環球影城先有嘅獨家體驗!

。阿森一族過山車
大家對阿森一族應該都唔陌生,把口夠晒賤嘅一家人同埋對時事絲絲入扣嘅嘲諷劇情每次都令大家睇到大笑出聲。而今次你要同阿森一族一家人坐上過山車,喺佢哋居住嘅小鎮嚟一場刺激嘅飛車之旅!

。侏羅紀公園:激流探險
呢個大概係成個園區少數同水有關嘅遊樂設施,雖然同冒險島樂園重複咗,但小編認為去主題樂園玩一定要用『濕身』做ending先至夠過癮,所以就放埋佢入嚟喇!而且侏羅紀咁經典嘅大片,唔喺荷里活玩下都講唔過啦?

▲ 編輯誠心推薦玩法
樂園基本上可以用一日就玩勻晒,但如果唔想排隊嘅人亦可以買快速過關嘅 Front of Line Ticket ,但價錢就會比較貴。小編嘅建議係盡量喺淡季先去,唔只入場平啲,亦都可以慳返 Front of Line Ticket 嘅錢。

▶︎預購慳一筆!出發前先買飛再入場圓電場夢~

圖片來源

▲ 編輯大力推薦活動
。水世界
嚟到呢度你可以唔睇其他表演,但唯獨水世界係絕對不容錯過!飛機失事嘅驚險場景、大型嘅爆破場面一定要親眼見到先知嗰種震撼感!再加埋水上電單車追逐戰同跳水等等嘅電影特技演出,係你必定去睇嘅精彩節目~

。電影特效Show
洛杉磯環球影城大獨家!相信好多人去荷里活都想一圓心目中嘅電影夢,咁就一定要親臨呢場電影特效Show!通過專業人員嘅演示,進入電影幕後世界並且參與製作,睇下電影係點運用技術同科技去完成我哋平日喺大銀幕見到嘅精彩特效!

睇完係唔係想即刻出發去晒咁多個環球影城呢?KKday已經幫你準備好啦:
▶︎日本環球影城買飛+Express Pass不求人!
▶︎新加坡環球影城門票!官網再優惠!
▶︎奧蘭多環球影城票價太多種?嚟呢度買就啱!
▶︎荷里活環球影城圓電影夢!預購票價最抵玩!

原文:【全球環球影城】終極比較懶人包

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

發表於2017.8.29
留言(0)
博客名稱 :
KKday
網誌名稱:
跟著 KKday 去旅行
使用天數:724
年齡:1
電郵:hk@kkday.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類