30
08.2017

【澳洲悉尼】初遊必玩熱門景點

環球旅遊(澳紐)   生活品味   其他  

悉尼係澳洲人口最多的城市,知名度比首都坎培拉更高,亦都係好多人第一次去澳洲旅行嘅首選城市。仲喺度煩緊悉尼點玩?KKday 幫你整理好悉尼必玩景點,唔想錯過悉尼最熱門景點?照住呢篇玩,必定冇錯!

一、  悉尼歌劇院

圖片來源|Pixabay

講到悉尼當然唔可以唔提悉尼歌劇院,就好似去台灣點都會去台北101;去日本不可以錯過東京鐵塔咁,歌劇院可以話係悉尼最出名嘅地標。悉尼歌劇院位於悉尼港嘅便利朗角(Bennelong Point),好似帆船般咁嘅造型就係佢最大嘅特色。悉尼歌劇院落成咗僅僅34年就被列為世界遺產之一。去悉尼歌劇院除咗欣賞歌劇之外,每年跨年嘅時候,佢外面嘅廣更加係欣賞跨年煙花嘅必搶之地~

►推薦地點:悉尼歌劇院 Sydney Opera House
►地址:Bennelong Point, Sydney, New South Wales 2000, Australia (33.856558, 151.215316)
►電話:+61 2 9250 711
►營業時間:09:00 – 17:00
►官網:https://www.sydneyoperahouse.com
►交通:乘坐Bankstown Line 火車至Circular Quay站,步行5至10分鐘左右。

二、 港灣大橋

圖片來源|Shutterstock

「衣架」可以話係悉尼另一個地標。港灣大橋係悉尼嘅主要橋樑之一,連接悉尼商業中心同北岸。「衣架」連埋隔離悉尼歌劇院嘅景觀就係我地喺網上最常見嘅悉尼風景。同時港灣大橋都係世界上最高嘅鋼鐵拱橋,如果你唔想就咁打個卡就走,可以試下攀爬上港灣大橋頂!當然唔係叫你好似蜘蛛俠咁飛上去,其實攀爬上港灣大橋都係一項熱門活動黎,有曬安全設備提供架!

►推薦地點:悉尼港灣大橋 Sydney Harbour Bridge
►交通:乘坐Bankstown Line 火車至Circular Quay站,步行5至10分鐘左右。
【世界最高鐵橋】攀登雪梨港灣大橋

三、塔朗加動物園

圖片來源

嚟到澳洲當然要同樹熊同袋鼠嚟一場親密接觸,如果你最鐘意動物,塔朗加動物園絕對係你去澳洲一定要去嘅地方!動物園入面嘅園區一共分為八大區域,一共養咗350種、數量多達4000隻動物!而動物園裡面除咗有好多可愛動物表演Show之外,亦都可以睇到悉尼歌劇院同港灣大橋嘅英姿~

►推薦地點:塔朗加動物園 Taronga Zoo
►地址:2a Bradleys Head Rd, Mosman, New South Wales 2088, Australia (33.842726, 151.241932)
►開放時間: 09:30 – 17:00
►電話:+61 2 9969 2777
►官網:https://taronga.org.au/taronga-zoo

四、達令港

圖片來源|Shutterstock

達令港係悉尼商業中心區西部城區嘅大型休閒與行人專用區,從唐人街北起,沿住海扇灣兩岸,由東邊國王街碼頭延伸到西邊嘅派蒙城區。悉尼水族館、澳洲國家海事博物館、電力博物館、索普水上活動中心等景點,都喺達令港附近。就算成日留喺度,都完全唔怕冇野可以做!另外特定嘅星期六夜晚仲有煙花表演,絢爛奪目嘅煙花總會吸引好多人慕名前往~

►推薦地點:達令港 Darling Harbour
►電話:+61 2 9240 8500
►官網:http://www.darlingharbour.com
►交通:乘坐輕輕鐵至Pyrmont Bay或Convention Centre站,步行5至10分鐘左右。

五、悉尼海洋生態館

悉尼海洋生態館主要由一條玻璃隧道同埋一個人造大堡礁珊瑚環境組成。館內擁有多種澳洲水生生物,總共有大約650種、6000條來自澳洲嘅魚類同海洋生物。如果想近距離睇鯊魚呢度就啱曬你,因為佢地會隔住玻璃喺你頭頂游嚟游去,雖然一定安全,但都咪話唔驚!

►推薦地點:悉尼海洋生態館 Sea Life Sydney Aquarium
►交通:乘坐渡輪往Darling Harbour Aquarium Wharf站下船,或可以由達令港步行區沿著海邊散步到達。
【悉尼市區一日遊】達令港、悉尼歌劇院、港灣大橋

六、藍山國家公園

圖片來源|Shutterstock

除咗市區,悉尼郊區同樣值得去下。其中最受歡迎嘅就係藍山國家公園,之所以會叫藍山,係因為山上面嘅桉樹樹葉所釋放嘅氣體聚集喺山間,形成咗一層藍色嘅薄霧。而公園入面怪石林立,其中最出名嘅就係三姊妹峰,同時亦以豐富嘅澳洲原住民文化遺產而聞名。仲有得餵袋鼠、同樹熊超近距離接觸。如果你想要遠離都市繁囂,去郊區旅行,咁藍山國家公園絕對係你嘅首選。

►推薦地點:藍山國家公園 Blue Mountains National Park
►電話:+61 2 4787 8877
►官網:http://www.nationalparks.nsw.gov.au/visit-a-park/parks/blue-mountains-national-park
►交通:乘坐火車至Katoomba站下車,然後透過國家公園內的運輸進行遊覽。
【限時優惠!藍山國家公園一日遊】纜車、三姊妹峰、鐘乳石洞、野生動物園(含中文導遊)

七、獵人谷

圖片來源

獵人谷係悉尼北方近郊嘅葡萄酒盛產地,屬於地中海型氣候,係澳洲最古老嘅葡萄種植區。小小嘅村莊裡面有多達150家酒莊,七千幾畝葡萄藤地,漫步喺葡萄莊園入面,再嚟杯香氣四溢嘅葡萄酒,絕對係愛酒之人嘅風雅之事。就算你唔好酒,相信各個葡萄莊園入面嘅美景都絕對會令你永生難忘!

►推薦地點:獵人谷 Hunter Valley
►地址:2090 Broke Road, Pokolbin NSW 2325, Australia (32.773981, 151.295479)
►電話:+61 2 4990 0900
►官網:http://www.winecountry.com.au
►交通:由悉尼乘坐火車到Newcastle或Maitland,然後轉乘接駁巴士到Cressnock,於Cressnock下車後需自行另覓租車入谷。由於交通頗不便,所以建議參加一日團。

八、史提芬港

史蒂芬港係新南威爾斯亨特地區嘅大型天然港,位於悉尼北部,車程約兩個半鐘頭。 史蒂芬港坐擁 26 座沙灘、比悉尼海港大兩倍嘅海灣,以及被群山、熱帶雨林環繞嘅半島,係完美嘅度假景點。 喺呢度你可以揸住四驅車穿過沙丘、游水、滑浪或者浮潛;夠好彩嘅話仲可能會同到海豚一齊游水或者滑浪架!

►推薦地點:史蒂芬港 Port Stephens
►交通:除非自駕遊,否則基本上難以倚賴公共交通工具到達,所以建議跟當地一日團。
【史帝芬港一日遊】搭乘遊船看野生海豚、四驅車沙漠探險

九、邦代沙灘

略嫌交通不便但又想享受陽光與海灘?冇問題!邦代沙灘係你嘅選擇。邦代沙灘同黃金海岸經常車都比人攞黎比較,一樣水清沙幼,污染情度低。「邦代」一詞係澳洲原住民語,有住「水打喺石頭上面嘅聲音」嘅意思。成個海灘長約1公里,以潔白嘅沙灘同湛藍嘅海水而聞名,係喺明信片、電視、電影入面嘅悉尼「老是常出現」嘅景點!不過邦化沙灘有好多人會唔著上身咁活動,如果接受唔到就要再諗下啦。

►推薦地點:邦代海灘 Bondi Beach
►地址:Queen Elizabeth Drive, Sydney, New South Wales, Australia (33.891505, 151.276742)
►交通:乘坐Illawara線火車至Bondi Junction,然後轉乘333巴士到沙灘站。

十、悉尼魚市場

澳洲食海鮮是常識吧~悉尼魚市場係世界第三大魚市場,每日有1萬幾噸魚貨喺呢度進行交易。而除咗魚貨買賣之外,魚市場入面亦都有好多嘅海鮮餐廳,因為靠近海嘅緣故,種類繁多而且價錢經濟實惠,其中最出名嘅就係新鮮生蠔!除咗好食,重點係好平!一碟10隻夾埋20蚊澳幣都唔洗(百幾蚊港紙),抵到喊出黎。嚟到悉尼,記得唔好漏咗將魚市場排入行程,嚟呢度享受一餐新鮮又好味嘅海鮮大餐~

►推薦地點:悉尼魚市場 Sydney Fish Market
►地址:Bank St | Pyrmont, Sydney, New South Wales 2009, Australia (33.873097, 151.192518)
►電話:+61 2 9004 1100
►官網:http://www.sydneyfishmarket.com.au/home
►交通:由Town Hall Square,沿George Street到Central 及 UTS方向乘坐501號巴士,在上Anzac Bridge之前下車。

十一、維多利亞女王大廈

圖片來源

維多利亞女王大廈係悉尼市入面重要嘅歷史建築,齋睇個名你可能會以為佢係為咗紀念維多利亞女王而建造嘅建築。但係佢實際上係一棟完美融合咗古蹟同購物於一身嘅購物中心!維多利亞女王大廈佔地廣大,入面有好多高級餐廳、咖啡店、精品店等等。漫步於其中,古典嘅建築裝飾令人彷彿返咗中古世紀咁,係熱愛古典建築同購物嘅你絕對唔可以錯過嘅景點!

►推薦地點:維多莉亞女王大廈 Queen Victoria Building (QVB)
►地址:455 George Street, Sydney, New South Wales, Australia (33.871475, 151.206714)
►開放時間:星期一 – 星期六 09:00 – 18:00, 星期日 11:00 – 17:00
►電話:+61 2 9265 6869
►官網:http://www.qvb.com.au

十二、聖瑪麗大教堂

圖片來源

聖瑪麗大教堂係澳洲最大嘅教堂,位於海德公園(Hyde Park)旁邊,係悉尼市入面嘅熱門婚紗相拍攝景點。佢嘅外觀係標準嘅哥德式建築,夾埋高聳嘅高塔同華麗嘅雕花玻璃,展現出壯觀嘅氣魄。喺教堂附近仲種咗好多藍楹花樹,每逢春夏盛開之時,會吸引勁多人去打卡朝聖!

►推薦地點:聖瑪麗大教堂 St. Mary’s Cathedral
►地址:St Mary’s Road & Prince Albert Road, Sydney, New South Wales 2000, Australia (33.871207, 151.213347)
►開放時間:星期一 – 星期五 08:30 – 17:00
►電話:+61 2 9220 0400
►官網:http://www.stmaryscathedral.org.au

第一次去悉尼唔知點Plan行程先啱? 唔洗擔心,KKday幫你諗好啦!
【澳洲自由行必備】澳洲Vodafone 8.5/11.5GB網卡+通話
► 【一覽悉尼市景觀】悉尼塔觀景台票券+空中漫步(Skywalk)
► 【世界最高鐵橋】攀登悉尼大橋,成為畢生回憶
► 美酒配美食,獵人谷微醺之旅

可以睇埋其他關於澳洲嘅旅遊資訊:
▶︎【景點】塔斯曼尼亞秘景!澳洲人推薦十大必到景點
▶︎【美食】【餓底日誌】澳洲 悉尼魚市場 美食攻略
▶︎【美食】【餓底日誌】澳洲餐餐漢堡包? 美食攻略
▶︎【島嶼行】【澳洲島嶼】塔斯曼尼亞尋寶之旅
▶︎【行程規劃】【澳洲版天空之鏡】兩日一夜行程全攻略

原文:【澳洲悉尼】初遊必玩熱門景點

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
Facebook ▲Instagram ▲YouTube ▲旅友討論區

發表於2017.8.30
留言(0)
博客名稱 :
KKday
網誌名稱:
跟著 KKday 去旅行
使用天數:725
年齡:1
電郵:hk@kkday.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
  • 台灣館
自行分類