20
05.2020

飛媽媽 - 租BB車去旅行?

環球旅遊(日韓)   親子育兒   生活品味  

我地有架超巨BB車, 上年寫高雄之旅大家應該都見識過, 平時推出街被喻為坦克車, 好闊, 好長, 好重, 但好穩陣, 今次本身都想照拎呢架車去, 但唔係wo, 我地係去 日本 喎!! 日本出名連lift都細過人, 米架車咁大, 我地4大1細, 每人1.5個喼嚟計, 真係有點擠擁, 所以我就決定今次租架細小小ge BB車去喇~

 

其實都冇特別比較過, 始終市面上租BB車ge公司都唔係多, 最後懶懶的我就搵咗响facebook search第一個彈比我ge Babylimos問資料~

$80一日 ($2000按金)

拎車還車0個2日唔計租

價錢已包車袋同原廠雨擋

可以地鐵沿線交收

 

有3款車可以揀, babyzen yoyo 0+, babyzen yoyo 6+同埋gb pockit

因為推過同學仔架gb, 覺得好空虛冇咩安全感XD 立即ban咗, 之後就去X花搵yoyo 6+嚟試推, 同埋比米豬試坐, 吖~ 幾好推喎, 起碼我可以單手轉彎, 連u turn都好順~~ 米豬又話坐得舒服, 咁就揀你啦~

 

响網頁落單後第2日就有職員打來confirm detail了~~ 仲問埋我小朋友係男仔定女仔, 有唔同顏色比我揀 (咁好ge~~), 跟手約埋出發前一日(星期六)拎車

 

出發前一星期遇著連續幾日和你塞同三罷, Babylimos竟然响星期2打比我, 問我介唔介意早d拎車, 唔會計我租, 咁著數ge事梗係螺飯應啦~~ 因為我理解和你塞同三罷啫, 但係有d擔心交通狀況ge, 始終唔想阻住人地做生意, 最後約咗星期3下晝拎車~

 

交收ge係一直同我聯絡ge一位叔叔~ 好詳細咁講解架車點開, 點收, 同埋叫我check d配件齊唔齊, 包括跟車可以包住上飛機ge袋, 同埋雨擋

 

原廠雨擋~~ 叔叔教埋我點用 (可惜要用0個日我冇拎到出街............................''Orz)

手柄位同埋車墊有花紋套, 係店舖自己另外配ga~ 要確保架車乾淨衛生, 每次出租後都會成套拆出嚟洗, 勁好彩地我地呢套係新ga~~ 而且架車都好新淨~~ 

check晒配件就簽咗份簡單ge租車條款, 例如壞咗要賠錢0個d基本野啦, 比埋租金+按金 $2400後, 就帶咗呢架車返屋企喇~

 

一路推到屋企樓下先收車~~ 真心講, 好細架呀~~~~~~

以我平時必須2隻手先拎得起我架摺咗ge BB車嚟講, 呢架真係輕巧到哭~! 

 

咁細架車, 梗係推埋上機放overhead啦~ 一落機唔駛等空姐拎車出嚟, 落到地就可以開車~ 方便des~~

 

而且由於好輕ge關係, 每次上落樓梯都由爸爸同爺爺父子同心咁搬呢隻馬騮上上落落, 係愛呀哈利~!

我架坦克車真係冇可能出現呢D畫面~

 

成隻米豬坐落去就係咁喇~~ 冇我想像中咁迫, 但同我地架坦克車比梗係窄小小啦~ 不過可以平躺, 所以每日好準時3點零就响車訓晏覺XD

而且推住行都覺得好平穩, 我地去嵐山0個日都行過d好多石仔ge寺廟路, 米豬都可以一覺訓到尾~ 

 

返香港後本身係第2日(星期5)12點半還車, 點知米豬發高燒(39.8), 我地同佢去咗醫院(之後再講), 打返去同叔叔講我地要晏D先還到車, 叔叔竟然話"小朋友唔舒服照顧咗佢先~ 架車遲D還唔緊要ga" 响我亂到喊ge情況吓聽到呢句, 真係好窩心

 

最後下晝睇完醫生返返屋企之後, 爸爸就約咗叔叔3點幾還車, 還完仲同我講, 叔叔真係好好人, 佢係咁話 "你地唔駛急住還比我啦, 小朋友好返先啦, 最緊要小朋友冇事, 遲D還好閒ga咋, 我又唔會收多你地租ge, 大家講個信字" 

 

咁好人ge叔叔, 咁好推ge車, 咁輕便ge車, 咁方便ge拎車還車方案, 咁抵ge價錢, 下次去旅行絕對會再同叔叔租車~!!!

 

米豬大阪京都之旅

 

loading.....

飛媽媽 - 大阪here we go~!

飛媽媽 - 拋夫棄子shop爆Akachan

飛媽媽 - 奈良小鹿初接觸

飛媽媽 - 終於去到海遊館

飛媽媽 - 京都 - 夜楓 

飛媽媽 - 錦市場+嵐山小火車

飛媽媽 - 京都鐵道博物館

 

米豬豬的page~ 每日都update~ 

歡迎各位like & follow~ 亦都歡迎大家聯絡我同米豬豬一齊試用產品或合作~

發表於2020.5.20
留言(0)
博客名稱 :
米豬媽媽
網誌名稱:
Nereusmama's blog
使用天數:12
年齡:0
電郵:nereusmama@gmail.com
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
>> 更多
系統分類
  • 飲食烹飪
  • 環球旅遊
  • 親子育兒
  • 生活品味
  • 其他