21
07.2017

【激光脫毛】唔敢揀天然降溫方法的3個理由

美容時尚(身體)   生活品味   戀愛心情  
標籤: 天然  激光脫毛  脫毛  紅腫  降溫    敷冰  灼傷 

激光脫毛】唔敢揀天然降溫方法的3個理由

 
 
 
好多女仔都做過激光脫毛,但又有幾多人關心過點解脫毛要降溫呢?通常女仔都唔多理原理,但求做咗有效就得啦!但如果唔明脫毛降溫背後有咩好同唔好,做激光脫毛時就好容易中伏,或者原來會影響效果都唔知!原來毛髮係要透過自己的黑色素吸收激光熱能,再將能量傳送到毛囊,破壞毛囊去令毛髮停止生長;而發放激光時會有熱能產生,所以需要有效的降溫方法幫助皮膚散熱和減輕痛楚。

宜家最多公司用的脫毛降溫方法有兩種 —— 傳統的敷冰、吹風、搽凍 gel 和 高科技的智能降溫技術。


傳統降溫不可不知的風險?
其實敷冰或者搽凍 gel 都是一般家庭會用到的降溫方法,尤其唔小心燙傷嗰陣,可以即時降溫,又可以減輕痛楚,仲可以避免起水泡。雖然方法天然實用,但應用到激光脫毛時,就未必係最好的降溫選擇,原因有三個,大家要認真記住啊!

(1) 影響脫毛成效
既然激光脫毛要靠熱能破壞毛囊,咁做激光脫毛時,先敷冰等皮膚降溫左先打激光,即係唔止令皮膚表面降溫,都會令毛囊同時被冷凍,咁毛囊接收到的熱能就會大幅減少,雖然話脫毛效果仍然會有,但就要接受多幾次 treatment 先至脫得乾淨囉,當然亦有機會因為呢個原因最後脫得唔乾淨啦。

(2) 阻礙身體散熱
當熱能破壞毛囊後,需要將殘留在皮膚內的熱能散去,為皮層降溫。但如果用咗冰敷或搽凍 gel,因為表皮層好凍,身體就會收錯 signal 誤以為身體受冷,會啟動自然保溫反應,控制皮膚散熱速度,就會「散熱不成」反而更困在身體內,導致皮膚腫痛,甚至隱性燒傷。

 

(3) 痲痺或凍傷
傳統降溫方法尤其敷冰時間太短,就會令皮膚受到激光傷害,感到灼熱和疼痛;敷冰時間太長,又有機會凍傷神經和皮膚。最慘係萬一激光度數過強,但因為皮膚已被冷凍到痲痺,神經線畀唔到感覺你,就要等到凍感散去後才感到灼痛,那就已經傷了皮膚,一切都太遲了!

 

 

不妨礙身體功能的降溫方法
 

 

智能冷凍技術叫得做高科技,就係要突破傳統框框,利用儀器幫助人手輕鬆和準確解決舊有問題。脫了唇毛的我十分推薦大家揀有智能降溫系統的激光脫毛,因為有朋友試過脫唇毛敷冰,結果凍到牙都軟晒;而智能降溫就無呢個問題,效果更安全、徹底,同埋更快見效。

 

呢種技術反而唔會妨礙身體的自然機制,一來散熱功能不受影響,因為冷凍劑唔會停留在皮膚表面,皮膚無被持續受冷,身體就可以自然散熱。

 

二來因為針對激光接觸皮膚的瞬間,保護到皮膚表層之餘,也抵擋了痛感;卻沒有令皮膚痲痺,假如激光能量過強,皮膚還是會感覺得到,咁治療師就可以因應你的反應適當咁調整能量,咁成個脫毛過程就會加多了一份安心和保障。

 

最後,還是要提醒大家接受激光脫毛療程前,應該先了解自己的身體狀況啱唔啱做。若然唔肯定,一定要先做激光反應評估,確保自己皮膚適合做激光脫毛才好買療程,千祈唔好諗住「人做你又做的心態」去亂試呀~

 

>>> 激光反應評估推薦免費激光反應測試 <<<
 
 
 
 
 

 

發表於2017.7.21
留言(0)
博客名稱 :
Helen的扮靚分享小天地
網誌名稱:
美麗日記
使用天數:2,183
性別:
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 親子育兒
  • 生活品味
  • 星座算命
  • 戀愛心情
  • 文化政經
  • 其他
  • 財經生活
自行分類
最新留言