仲有一個星期就到端午節，又係食糭時間。 但每年五月糭嘅口味都係圍繞傳統幾款，唔係咸肉糭就梘水糭，就算食嗰個唔悶，阿媽年年買個幾款都買到悶啦！所以WeShare 為食兵團出動，為大家搜羅今年市面新出五月糭，揀選其中3款潮爆新口味，品評打分，5位為食團友又會點揀呢？

五月潮糭為食團

為食評分標準

為食兵團今次請來5位來自不同界別嘅WeShare美食博客達人，分為2小隊，分別試食美心台北粽＋美心冰粽，以及美心台北粽＋東海堂冰粽。達人各自為潮粽打分，分別以包裝外觀、味道、創意、推介評分。「評分標準：包裝外觀；好味度；創意度；推介度 (五分為滿分)」WeShare 為食編輯團更會加入今次為食評測，慕求達到最真實又全面的評測結果。

試食一：美心台北粽

挑選台灣入口圓糯米，加入肉鬆、腩肉、咸蛋黃、蝦米、栗子及冬菇，創作出全新的台式口味。
（售價：＄68/個）

WeShare 為食兵團試食報告

編輯Gi: “糯米質感明顯比廣東糭更腍身，唔洗落任何配調味都已經非常夠味，
加入左肉鬆及栗子嘅咁新潮配搭，感覺真係好新鮮，味道好夾，口味有生炒糯米飯咁惹味。
最surprise 係一切開就見到大大粒嘅栗子，好正，新鮮感爆燈。”

阿仁生活：“打開荷業，台北風味棕的糯米較吃慣的廣東粽深色，質感更加軟軟腍腍。
我將長條型的粽一分為二，原來剛剛好每邊也有一粒栗子及冬菇，還有腩肉，蝦米，仲有大大粒鹹蛋黃，
我老婆至愛呀，仲話: 「真係真材實料喎」！ ”

完整報告：http://weshare.hk/qqlee2000/articles/2648071

自言自魚ShallRiceTalk：“比港式鹹肉粽口味濃郁惹味，糯米充滿醬油香，足料又唔肥膩，
特別喜歡原粒粟子饀，甘香美味。
另外呢款台北粽的熱量比想像中要低，只有2百多卡路里，吃了也不怕肥啦。“

完整報告：http://www.weshare.hk/minibubble_sherice/articles/2648227

總分：4分

結合傳統廣東糭及台灣口味嘅台北糉，以惹味及足料取勝，
加入咗香口肉鬆同大大粒栗子，非常適合香港人口味。

試食二：東海堂和風冰粽子

外層精瑩通透，口感煙韌，採用來自日本的食材製作而成，配有兩款日式口味供選擇。
(售價：＄98 一盒6隻)

WeShare 為食兵團試食報告

編輯Dolphin: “冰棕晶瑩剔透，看外表已十分吸引，外皮滑溜煙韌，咬下去內裡的水果清甜爽口，
最喜歡芒果口味，芒果肉大大粒，甜而不膩，喜歡芒果的人相信都會喜歡，
炎炎夏日，食一顆冰棕，清涼之餘，心也甜了。”

Lawrence: “最喜歡的是外表呈淺透明綠色，內裡有不少紅豆餡的「宇治抹茶紅豆冰糭」，
和風味道的糭子味道適中，不會太甜和太膩，吃來有淡淡的抹茶香和濃濃的紅豆味道，
口感也比一般的糉子豐富，是挺好吃的甜糭。”

完整報告：http://www.weshare.hk/Ikki/articles/2648259

自言自魚ShallRiceTalk：“冰粽十足是凍食的水晶飽，外皮口感煙韌彈牙，我最愛紫薯味道。
整體來說，不太甜，帶有濃郁日式名物風味，為傳統中式節日帶來Fushion口味，是傳統粽以外不錯的選擇。
吃粽配合一口濃茶，能中和飽滯感，也能同時讓粽的味道提升。”

完整報告：http://www.weshare.hk/minibubble_sherice/articles/2648227

總分：3.5分
和風口味一向都係香港人嘅至愛，以和菓子嘅外貌再包上荷葉，即時變為慶節甜點。
6款口中宇治抹茶紅豆味及紫薯味最有日系感覺，亦比較受歡迎。

試食三：美心冰粽 
外層精瑩通透冰Q皮，口感煙韌，配有水果及甜品口味供選擇。
(售價：＄68 一盒4隻)

編輯Gi:外層QQ有咬口，係日式和菓子加麻糬嘅化身。水果口味，感覺夏日清新。
眾多口味中以韓國柚子蜜味最好食，如果入面加多少少真果肉及柚皮就更加分啦！
另外，粽加入左非常多大豆油以分隔冰粽及荷葉，拆開時會攪到全手都係油，有點麻煩。

總分：4分
味道比較清淡，啱晒想食甜又怕太甜嘅朋友。
而口感上東海堂嘅冰Q皮比較有咬口，兩個不同嘅煙韌度。口味方面就以柚子蜜的香味較受歡迎。

總結

今次為食兵團試食新派舊派口味潮粽，發現甜同咸嘅棕都一樣各有支持者，香港人原來都接受到創新口味嘅棕。甜嘅冰棕大家都話有驚喜，大家都讚佢地賣相精緻，另外煙韌嘅外皮同創意嘅味道都拎好高分。而咸嘅台北粽亦有支持者，糯米質感同豐富餡料都令人一試難忘。 嚟緊嘅日子，WeShare 為食兵團會繼續為大家四出搜尋城中熱門小食及慶節食品，有興趣加入為食兵團就記得緊貼WeShare.hk 同 Facebook專頁啦！

歡迎報料：food@weshare.hk