今個星期六就是萬聖節，你會去邊到玩 (嚇) 餐勁？小編有以下推介，約埋 friend 去玩吧！

嚇足15載 哈囉喂驚嚇報告 (初級體驗篇)

今年正值海洋公園哈囉喂 15 週年，園方大搞經典重現。「十五年驚異回魂」重現過去 14 年「驚」典場面，以前未嚇過，今年一次過嚇餐飽。鬼屋以幽靈遊樂園的巨型旋轉木馬為中心，沿途經過各大經典場面，好似時空錯亂咁靈異。其他輕量版鬼屋有「異種突襲大屠亡」、「甜心蘿莉大宅」和「小南瓜糖果遊」。回顧初級版驚嚇報告：http://bit.ly/1LnvBjP

H15禁室幽閉 哈囉喂驚嚇報告 (究極體驗篇)

繼去年 H14，海洋公園今年再推限制級鬼屋，預 16 歲或以上人士預先登記。H15 以頭七為元素，玩家全程獨自躺在床上，短短 10 分鐘經歷喪禮、火化到下地府等，預先體驗人生最後一站！其他驚嚇級鬼屋有以《陰屍路》為背景的「逃出陰屍路」、「魔偶凶靈工坊」和老少咸宜的「多啦 A 夢哈囉喂影城」。回顧究極版驚嚇報告：http://bit.ly/1RcFcyL

迪士尼戶外「驚」歷，無啦啦玩失蹤！

今年萬聖節，香港迪士尼樂園搞搞新創意！首次利用戶外場景，帶給玩家全新的戶外「驚」歷！「迪士尼黑色世界──詭城玩失蹤」跨越三個園區的「詭城」，包括迷離莊園、灰熊山谷及探險世界，玩家隨時被邪靈勾走魂魄，突然玩失蹤！詭城之旅：http://bit.ly/1Lr278Z

【免費入場】樂富廣場「恐懼心戰室」挑戰你心魔！

嫌一般鬼屋無新意？樂富廣場今年就帶全新「恐懼心戰室」，挑戰你嘅心魔！無論你係怕黑、怕昆蟲、定有密集恐懼，呢一度都可以體貼到你嘅「需要」。恐懼體驗：http://bit.ly/1GFuhwz

加菲貓30而立 萬聖派對玩餐飽

適逢加菲誕生 30 週年，今個月大玩萬聖節 party。如你肯肯定係佢粉絲，去皇室堡、銅鑼灣地帶同東角 Laforet 逗貓喇！活動詳情：http://bit.ly/1MfR8Lm

嚇到食唔落 餐廳喪屍突襲雅蘭中心

10 月期間，凡憑雅蘭中心消費收據，可免費參加以恐怖餐廳為主題的「驚變喪屍照相館」，人樣驟變喪屍樣。把相片上載至雅蘭中心 Facebook 專頁，有機會贏得超市現金禮券、場內 Collect Point、牛氣及品越購物或餐飲現金券。活動詳情：http://bit.ly/1NzTMix

搖滾萬聖節 chok到淘大商場

淘大商場與本地跨媒體創作人林祥焜，帶來以 Skull Elphonso 為主題的萬聖節裝置。Skull Elphonso 以搖滾造型登場，加上林祥焜的個人珍藏搪膠作品展覽，萬聖節更添玩味！活動詳情：http://bit.ly/1WhVxDh

萬聖潮鬼 Fashion Walk 巡遊

Fashion Walk 十月舉行「Halloween Styloween 2015 Monsters’Ball 派對」，群鬼上街大巡遊，人鬼齊齊玩。活動詳情：http://bit.ly/1N6QRPZ

萬聖節好玩派對巡禮

萬聖節唔一定黑媽媽、嚇親人。有啲萬聖節派對好熱鬧、好溫情。小編推介以下幾個 10 月 31 日嘅活動，打破 ‎Halloween 嚇餐勁‬ 宿命！派對推介：http://on.fb.me/1P44S0Q

更多 Halloween 活動推介：Halloween 嚇餐勁