使用天數:937天
晴朗媽媽
博客簡介

晴晴、朗朗係我嘅一對寶貝,就讓我和晴、朗一起為大家發掘更多有關飲食、玩樂、培育、美麗、愛既資訊,咁就天天都是晴朗天啦!(≧∇≦)

最新文章
熱門文章
推薦該博客文章
  • 12848
    累積瀏覽量
熱門文章
  • 炎炎夏日,氣溫之高,當然要去玩水降一降溫啦!聽聞海洋公園今年夏水禮加入咗新元素,除咗玩水、玩泡,仲有沙同水彈玩,而且有過千隻黃色duck duck一同慶祝海洋公園開業40周年添呀!一於入去感受一下,過番個涼浸浸嘅夏日囉!去海洋公園就去得多喇!但係著泳衣入場都係第一次。爽呀!*o* 之前到「怡慶坊」睇過魔術匯演,估唔到搖身一變就變咗充滿夏日色彩嘅「激FUN玩沙大派對」。晴朗都好心急!腳步加速向前推進~ XD 一入場就到處跑,來來回回穿插於「童樂水隧道」,心情十分高漲!想閃避噴灑落嚟嘅水花唔係咁易,好快就全身濕晒喇! 嚟到「超級巨沖」區域,晴晴已經玩到忘晒形~ 噴灑嘅水令到晴朗好hyper,實行興奮到彈起呀!XD 無論大人定小朋友都好鍾意企晒響呢個位置,皆因樓上果個超巨型水桶注滿水就會倒水落嚟㗎喇!個個都好期待~ 就係咁,一分一秒的過,幾時呢幾時呢?等待嘅心情真係既期待又興奮呀!

     

    chinglongtin 12,848

  • 天氣凍凍哋,不如去食糊囉!唔好誤會,唔係去打麻雀呀!係整番碗合桃糊。呢啲傳統糖水其實都好有market㗎!唔好話佢老土,總之整得好食就大把人like啦! 海記有5間分店,呢間係太子店。門外等位嘅人都唔少,不過都快,等咗大約10分鐘就有位喇! 店內座無虛席,嚟幫襯嘅人一走,又再安排客人入座。客似雲來一定有佢嘅原因嘅!叫嘢食先~ 嚟得海記,梗係要試下佢哋嘅招牌傳統合桃糊啦!採用雲南頂級尖白合桃,自家磨製,合桃香脆可口,用佢嚟整嘅合桃糊特別幼滑味美。合桃糊+合桃粒簡直係天作之合,糊味更香,口感更正,冇得輸! 腰果糊都唔錯㗎!一樣香滑無比,仲好重腰果味。自家磨製嘅真係特別好味呀! 至於喜歡滋陰養顏嘅女士們,不妨試試川貝麥冬燉雪梨。川貝化痰潤肺,麥冬清熱養陰,兩種材料與雪梨一同燉製可增強潤肺止咳功效。響乾燥嘅秋冬時候食用,感覺特別滋潤~ 唔想食傳統糖水?冇問題!店舖亦有提供多種款式嘅新派甜

     

    chinglongtin 12,848

  • 自小響南區長大嘅我,對於呢區嘅大街小巷都好熟悉㗎!通常要搵好嘢食,多數會去香港仔。不但選擇多,食飽又多商場可以行下。但講到工廠林立嘅黃竹坑,感覺就好似冇咩好食。Hey~ 咁諗就錯喇!我哋最近發現咗一間價錢合理又高質素嘅餐廳正正就位於呢區。食到好嘢,梗係要介紹畀大家啦!去開呢頭嘅朋友,一定要試試呀!「糧心製作」位於黃竹坑一座工廠大廈嘅樓上小店,位置並不起眼,附近又冇宣傳海布,真係唔講都冇人知~@.@ 第一次嚟幫襯,唔係好熟架步,只見餐廳門外放咗幾份餐牌,仲有黑板上寫有不同菜式~ 平時只會響酒店餐廳或較高質素嘅西餐廳先見到嘅菜式,竟然響工廠大廈嘅餐牌出現? 枱頭一望,仲有三個大黑板寫上滿滿的西餐菜式。湯、沙律、飯、意粉、All day breakfast都一應俱全。花多眼亂,選擇困難症又發作喇!XD 餐廳門外寫有聖經章節,相信老闆都係基督徒嚟喎! 入到餐廳內,有一個開放式廚房同收銀處

     

    chinglongtin 12,848

曾刊登專欄的文章

生產過程:朗朗的旦生

最近聽朋友分享佢嘅生bb過程,令我憶起第一胎嘅生產經歷。如果陀梗bb嘅妳不妨當多個參考,但唔好睇完怕咗生bb就得喇! ********************************************************************* 六年前的某一日有人話砌好咗bb床仔咁bb就會趕住出世,所以我響35周果陣已經砌好咗。一直等,期待bb嘅來臨。結果等到37周已經進入咗足月嘅階段,更加可以放心咁等。日子一日一日咁過,但bb仲係冇動靜要出嚟。心情由期待變為擔憂。直至39周6天產檢嘅時候,醫生話如果41周3天都冇動靜的話就要入院催生。天啊!聽人講催生仲痛過自己生好多架!oh my God~ 一日後,即40周正正呢日。一朝早去廁所發現見紅,由於係稀稀哋嘅,我唔肯定係咪穿埋羊水,所以冇沖涼洗頭。同老公食埋早餐、執好嘢就去醫院。 早上8:308點半入到產房做完驗尿、量血壓呢

Cafe 360

因為學溜冰所以多咗去西九龍中心,原來呢度都幾多好嘢食㗎喎!今次我哋就嚟到Cafe 360試下,唔試過真係唔知原來食物、環境同service都唔錯。一齊嚟睇真啲啦!門口位置以半開放式設計,有啲design之餘又可以放多幾張枱,好醒喎! 店舖外牆都有design㗎!仲見到條人龍添~ 相信食店各方面都好先會吸引到一班捧場客 餐廳設計好有心思,好欣賞!丫...有位喇!入去囉~ 入去囉~ 店內環境,燈光柔和,不過座位有啲迫。適逢午市,全店已經滿座喇! 有圓枱亦有方枱 我哋就坐卡位,睇下朗朗幾咁專心捉精靈.....@@''' 兒童餐具好別緻呀! 焗法式皇冠酥皮野菌蘑菇忌廉湯配經典肉醬意大利粉 - 個湯睇落好足料。正呀! 但好快已經比朗朗飲咗頭啖喇!/_ 響晴朗爸爸讚梗啲意粉好食嘅時候,飲品都上台喇! 晴晴話要飲凍檸水,仲未有嘢食唯有飲住嘢先啦! 嘩!我個英倫全日早餐都到

手打烏冬親子工作坊@一田 x BK Milk邀請

對於日本烏冬,大家又認識幾多呢?讚岐?稻庭?一田最近搞咗個夏麵祭,主打嘅係比較少人熟悉,但亦都係日本三大烏冬之一來自富士縣嘅冰見烏冬。感謝BK Milk邀請我哋參加手打烏冬親子工作坊,由日本手打烏冬大師親自教授,而且師傅只留港兩天,實在係好難得嘅機會呀! 一田為夏麵祭設咗個特別counter,好隆重其視喎! 朗朗心情已經十分興奮喇! 工作坊即將開始,跟住嚟啦! 呢碟應該係上一個工作坊嘅製成品,好得喎!希望我哋都可以整得咁靚啦! 事不延遲,每個小朋友都有材料同工具喇! 我哋預備好喇!Gogogo~~~ 師傅教我哋首先要碌平個麵粉糰 小朋友們都好努力咁整呀!幹爸爹! 好榮幸能夠向日本手打烏冬大師取經呀! 虛心學習之後,手勢似乎純熟咗喎! 晴晴都在外邊為哥哥打氣呀!幹爸爹!幹爸爹!XDD 碌到咁上下,落少少扑粉,咁烏冬就會打得更加好㗎喇! 將啲粉掃均勻在整個麵糰上