07
11.2018

【語言藝術】學識「冧」客的說話技巧

生活品味(本地)   文化政經  


學劉青雲話齋:「做人無公關,食屎㗎喇…」說話係公關嘅第一步,亦係最重要嘅一步。大家都知道講大話、講反話係唔啱嘅,但有時候想講個事實比人地聽,又擔心講野太直接易得罪人、令人卻步,真係左右做人難!廣東話千變萬化,總有啲詞語可以代替所有負面嘅詞彙,你可以叫佢做「語言偽術」,但如果同一件事用唔同方法表達到出黎,令人感覺開心,又唔會得罪人,我哋都可以叫佢做「語言藝術」。
 
PR、sales、marketing、保險等人成日都要出去見客,真係口才差啲都唔掂!但有時提及到一啲較負面的話題,應該繼續去馬,抑或為了拗生意而避開呢 ? 作為一個遵守職業道德的員工,係唔應該對個客講大話嘅,呢個時候,「語言偽術」就可以派上用場!你唔洗講大話之餘,個客又聽得舒服啲,生意就自然滾滾來啦!
 

真實意思 經過修飾後的說法
公司冇乜資金 公司嘅budget有限
公司呢排好忙,唔得閒幫你做住 公司而家旺季,不過一定盡快幫你安排
份proposal未搞掂 份proposal都大致上做好架喇 ! 改埋少少手尾野就即刻forward比你睇
公司好蚊型,唔夠人手 公司嘅規模比較細
老闆刻薄 上司做事比較嚴謹
對家啲員工好鬼串 同行有啲同事比較有性格
你要求會唔會太高啊 ? 我明白你想要咩嘅,我盡量喺咁多嘅資源下幫你做到最好
幫襯對家冇咁多着數架 同行嚟講我地嘅服務會比較周全
跟緊架喇,咪鬼催啦 ! 我地已經出盡全力幫你handle緊,完成後第一時間會交比你,放心 !
不如幫襯埋另一個package啊 ! 其實我地有其他package都幾乎合你嘅需要,可以參考番 !
你要嘅野應該做唔到囉 ! 行內喺呢一方面暫時未有咩發展,我地盡量幫你嘗試下啦 !
對家啲評語好差架 ! 聽講對家近年都有少少唔係咁好嘅評語,我地喺信譽方面就比較有優勢啲
對家個價冇我地咁平 以同一套服務嚟計,我地個價錢就比較伐算
點啊,睇完份合同未啊 ? 其實份合約有咩唔明可以問番我地架 ! 唔洗睇得咁辛苦啊嘛 !
阻你一陣聽下我介紹個package啊 ! 介唔介意花五分鐘認識下個package呢 ? 主要都係想比你了解番我地嘅服務,聽完唔啱唔緊要架 !
個package有效期好短,包得一年 個package嘅有效期係一年,之後覺得有需要可以隨時再加架 !
我地公司好新,冇咩經驗 我地公司新成立,都積極咁累積緊經驗,如果有咩不足,歡迎隨時指點。
客人要自己承擔番風險 計劃唔多唔少都有啲風險嘅,不過放心,唔係好大問題嘅,我地都會幫你monitor !
下 ? 你上次唔係咁講架啵 ! 你嘅意思同我地上次傾嘅好似有少少出入,可能係我誤解左,你介唔介意再講多次你嘅要求係 ?
對家做野好鬼慢架 ! 同行有啲公司可能做野方法唔同啲啦 ! 我地公司嘅文化就比較講效率嘅,事事都會以客人為先。
我地同同行之間唔係好friend架咋 ! 我地同其他同行好少有機會有聯絡囉,平時都係各有各忙多 !
我地行內競爭好大架 ! 而家香港地競爭激烈,我地業內都唔例行,不過有競爭先有進步嘅,同埋多得一班客人支持囉 !
做呢行好大壓力啊 ! 壓力就做邊行都有嘅,由其是做呢行做幾多搵幾多就可能要落力啲囉 ! 不過都應付到嘅 !
今個月未meet到target啊 ! 今個月係淡季,要meet target就比之前吃力啲咁囉 !
遇過有啲客好麻煩架 ! 有啲客人可能就要求高啲,對每個detail都比較嚴格,我地都會盡量配合嘅。
個優惠唔係時時都有架 ! 要買就趁而家好買喇 ! 遲啲就冇架喇 ! 我地嘅優惠係不定時嘅,係今個月獨有,機會難得,或者你可以考慮下。
你要嘅野呢個package唔包架喎 ! 我地呢套服務未必切合到你所有嘅要求,或者你可以參考埋其他package,睇下邊個會比較周全啊 !
我係新仔嚟架,好多野都未上手 我啱啱加入呢間公司嘅,不過我都一早向跟開你嘅project嘅同事了解過你有咩要求。我幫你draft左幾份proposal,你有咩需要可以隨時同我講。
我唔係好清楚,我番去confirm下再同你講 我暫時未有資料喺手,我番去double check再即刻通知番你 !
呢part唔係我跟開,我唔知啊 ! 呢方面我同事會比較熟悉,我confirm左即刻覆番你啊 !

 
唔知、唔識 ? 唔想呃個客,但又唔想搞到佢對自己冇曬信心,下次唔比生意我做 ? 其實唔一定要講大話嘅,拒絕人、否定人,都可以用一個較為正面的說法,先修飾下句說話先講出口,個客聽到開心啲,業績都會水漲船高!
 
文:Noelle

 

 

更多打工仔分享,追蹤 ECjobsonline 專頁或 瀏覽 www.ecjobsonline.com

發表於2018.11.07
留言(0)
博客名稱 :
ECjobsonline.com 搵工易
網誌名稱:
ECjobsonline 搵工易
使用天數:1,309
年齡:3
按月份瀏覽
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 攝影寫真
  • 戀愛心情
  • 文化政經
  • 其他
  • 財經生活
  • 台灣館
自行分類