04
06.2019

想網上創業,用 Facebook Shop定網店好?

數碼科技(周邊)   其他  

講到創業,唔少人第一步都會開 Online shop,賣衫、賣甜品、賣自家手作,講得出嘅都有。正因為門檻低,投資相對少又唔使交租,只要有好嘅產品,儲到班熟客,甚至可以發大嚟做,成功例子亦有唔少,但又係咪真係開個 Facebook page 或者 IG account 就會成功呢?我 依莉詩 可以答你,絕對唔係!

 

一開始揀啱銷售平台

有賣點嘅產品、實時嘅Media plan 同 持續嘅Social Content 喺 Online marketing 嘅世界上固然重要,但往往就忽略咗選擇銷售平台嘅重要性。雖然話開一個Facebook page、一個IG account,甚至整一個 WordPress網頁都可以好簡單,Set Up 好就可以開店,但呢個就會變成你嘅「鋪頭」,之後加嘅任何嘢都係「裝修」。如果一開始唔諗好,日後想「擴張」或者「搬鋪」就會好麻煩!今次就同大家講吓開Facebook 商店同設置自家網店嘅優點同缺點啦!

1) Facebook 商店

Facebook 商店顧名思義就係依靠 Facebook 去做銷售渠道,但其實都有幾種方法。最基本就係用個人帳戶,放產品去「Marketplace」度賣。只要填上載相片,再填產品嘅名稱、分類、價錢等基本資料就可以上架,操作簡單,但店家嘅資訊唔多,缺乏一個持續性,難以做到 Brand Building。

另一個就係聯同Facebook Page運作,先將產品上架,再喺圖片上標註產品,Post 下面就會出現相應嘅產品,用戶點擊標註產品就會被帶到產品頁面,方便了解更多產品資訊,但就無付款功能,就算睇中都唔可以自行過數,會流失唔少訂單。如果客人數量多時就更難以管理。

雖然話Facebook 商店操作簡單,用戶人數多,而且落廣告可以做到精準嘅Targeting,幫助提升觀眾觸及率,但就無法監察客人嘅購買過程,加上而家自然散播率愈嚟愈低,若專頁本身嘅內容唔夠吸引或同用戶嘅互動性低,就必須依賴落 Facebook廣告先散到出去,變相增加成本。如果單單依靠一個平台,如果有日Facebook好似Yahoo 拍賣!咁,愈嚟愈少人用,苦心經營嘅網店就會淘汰了!

 

2)  自家網店

對於剛開始經營網店、知名度唔高嘅品牌,經營網店時需要額外喺其他社交平台宣傳,加上架設網站需要年費,會比較麻煩,但長遠嚟講,網站能為顧客帶來更佳嘅購物體驗,睇落去亦都更專業,建立更好嘅品牌形象。單單係透過 SEO(Search Engine Optimization),喺Google 等搜尋引擎更易搵到自己,已經慳返唔少宣傳費。

要建立一個網站,除咗自己用 HTML 寫之外,坊間都有唔少開放嘅 CMS 同插件可以幫你更快起好個網,不過要有齊 Online Shop需要嘅功能,就需要好強嘅知識同時間,未必人人做到。對於一開始創業嘅朋友,反而會推薦大家用一啲好似SHOPLINE 呢類系統開網店。因為呢類系統為網購而設,所以大部份網購時需要嘅功能都齊全。例如付款、訂單管理、串連Facebook Shop,甚至加入Chatbot 功能,可以更迅速解答客人嘅問題。同時,能夠結合其他網站流量分析工具,如 Google Analytics,了解邊件產品最受歡迎同客人嘅購物過程。知道佢哋嘅逗留時間,同埋睇到邊個位會離開或者跳去邊一頁,從而改善頁面內容,帶動更多生意。

亦因為唔使依靠 Facebook,落廣告嘅地方亦會多咗選擇。比較平又Reach 到更多人嘅,自然落喺搜尋引擎,即 Google 同 Yahoo 作宣傳。只要買啱關鍵字,已有購物打算嘅用戶就更易搜尋到你嘅網站,有更大機會喺你嘅網站落單。就好似用戶搜尋「大阪酒店」時,用戶多數都Plan 緊旅行行程,呢個時候你個網放喺第零個搜尋結果度,佢哋就會容易進入網站同落單。相反,用戶喺 Facebook 上突然見到大阪酒店嘅資訊,未必有計劃到大阪旅行,落單機會自然較低。

兩樣並行先係王道

Facebook 商店和網店各有好處,但並唔代表創業時只能經營一樣。如果用 SHOPLINE 就可以輕鬆同步管理網站同 Facebook 商店。例如可以同時修改產品嘅資料同價錢,監察產品庫存等,慳唔少時間。

另外,SHOPLINE 提供多個開網店計劃,入門級計劃月費只需 $180。怕開網站麻煩嘅話,SHOPLINE 更提供一站式服務,即使係最平嘅計劃亦會提供多項 Marketing  工具如 Google Analytics、Google 行銷廣告計劃、Facebook Shop 、廣告追蹤分析,以及順豐自取、多項付款選擇、甚至商品銷售統計報告!最基本嘅網店功能都一應俱全,即使係首次創業或開網店嘅店主亦能駕馭。即使只有一人創業亦能輕鬆處理!不妨試下30 天免費試用DIY開網店平台SHOPLINE

在宣傳方面,想了解更多網上落廣告資訊,SHOPLINE 亦有提供 Facebook 廣告貼士,以及由網店串連 Facebook 廣告 extension 教學:

https://shopline.hk/blog/facebook-ads-extension-facebook-shop-integration/

各位可到 SHOPLINE 了解更多,又或聯絡他們嘅電子商務專家!

 

更多教學文章!

缺少呢 3點,尿袋幾大都無用!依莉詩教你揀流動充電器

【東京】羽田機場離開前必須搞掂的 5 件事!實試日本 11日無限速 LTE SIM 卡 + 開通教學

【情侶自拍攻略】學識呢幾招女朋友包滿意!自拍婚紗 10大 拍攝 + 後製 技巧大公開 (上集)

【情侶自拍攻略】學識呢幾招女朋友包滿意!自拍婚紗 10大 拍攝 + 後製 技巧大公開 (下集)

 

睇更多拍拖好去處!
FB page: 依莉詩生活
美食 IG: ErieDiary
打卡 IG:ErieDiaryhk
網址:ErieDiary.hk
YouTube:ErieDiary

發表於2019.6.04
留言(0)
博客名稱 :
依莉詩
網誌名稱:
依莉詩生活
使用天數:966
性別:
年齡:2
電郵:erie@eriediary.hk
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 數碼科技
  • 生活品味
  • 藝文創作
  • 其他
  • 台灣館