06
05.2017

【轉載】【夏日美白攻略】搽防曬5大常見錯誤

美容時尚(防曬)   生活品味  
標籤: 美白  防曬  皮膚 

俗語話「一白遮三醜」,所以唔少女士都不惜大灑金錢買 美白 產品,慕求令肌膚更加雪白。不過想保持皮膚白晳,最重要都係要由 防曬 做起。今個夏天想去海灘盡情咁玩,但又唔想曬到變黑炭?HelloToby為大家剖析一下 防曬 嘅基本概念同埋5大常見錯誤,立即睇下你有冇犯錯!

 

 

點解要 防曬 ?

防曬 並唔係淨係為咗保持皮膚白皙咁簡單。陽光中嘅紫外線UVA會令皮膚變黑、老化、產生皺紋,而UVB則會令皮膚曬傷、紅腫、脫皮,所以陽光可以話係皮膚嘅「頭號殺手」。當你嘅皮膚長期受到紫外線照射,日積月累之下更有機會誘發皮膚癌,所以防曬係護膚非常重要嘅一步。

 

SPF代表乜?PA又係乜意思?

防曬 產品成日見到寫住SPF同PA,究竟代表乜意思呢?其實SPF即係Sun Protection Factor,係衡量防曬產品阻擋紫外線UVB嘅防曬指數,可以計算出喺一般情況下將曬傷時間推遲幾耐時間。譬如,如果你冇用防曬產品,喺陽光底下曝曬10分鐘就會曬傷嘅話,咁用SPF 15嘅防曬產品就可以延長15倍時間,即係150分鐘後至曬傷。

至於PA係指Protection Grade of UVA,即係評估防曬產品對UVA嘅防曬能力。PA值一般可分為PA+、PA++、PA+++、PA++++等4種,PA+可將曬黑時間推延2 – 4倍,PA++係4 – 8倍,PA+++則可達8倍。

知道SPF同PA代表乜之後,就可以因應個人膚質同需求挑選防曬產品。不過唔好以為買支防曬乳,臨出門前搽下就夠。好多人都對防曬有種種誤解,立即Check以下5大常見錯誤,睇下你有冇犯啦!

 

 

防曬 5大常見錯誤

錯誤1:以為防曬系數愈高愈好

唔少人都有個迷思,就係認為防曬系數愈高愈好嘅。但根據數據顯示,SPF 15可以阻擋93%紫外線UVB;SPF 30可以阻擋97%;而SPF 50可以阻擋98%。由此可見,SPF 50嘅防曬效果只係比SPF 15高5%左右,所以好多皮膚醫生都建議市民用SPF 15或者SPF 30嘅防曬產品就夠。一來防曬系數愈高,對皮膚愈大負擔,二來唔少人以為防曬系數高就有足夠保護,反而容易掉以輕心,喺戶外逗留更長時間。其實如果你大部分時間都留喺室內,SPF 15 – SPF 20、PA+至PA++已能提供足夠保護。如果你要長時間喺戶外活動,咁就適合用SPF 20 – SPF 40、PA++或PA+++嘅防曬產品。

 

錯誤2:搽防曬搽唔夠

想發揮最佳嘅防曬效果,專家建議搽防曬嘅量係每平方公分肌膚至少要擦2毫克,即係表示面部同頸部至少要擦1茶匙,左右手臂分別要擦1茶匙,而大腿、小腿同足部總共要擦4茶匙,連埋其他身體部分計算,全身要大概搽9茶匙防曬至足夠!如果搽唔夠分量,防曬效果就會大打折扣,就算防曬系數幾高都好,都係同冇搽冇乜分別。

 

錯誤3:防曬只搽一次

好多人都知道要喺出戶外前15分鐘擦防曬,但好多人都係搽完一次就算。其實擦好防曬後好容易因為游水、流汗等原因而流失,令防曬效果大減,所以最好係每隔2個小時就要補搽一次。如果你要進行水上活動,咁就更要慎選防水型嘅防曬產品同勤力補搽防曬。

 

錯誤4:搽咗有防曬功能嘅粉底或BB Cream就唔使搽防曬

而家好多粉底液同BB Cream等化妝品都加入咗防曬功能,不過唔好以為搽咗呢類產品就唔使搽防曬。除非你嘅底妝勁厚,否則你用嘅粉底分量不足以提供足夠嘅防曬效果,所以專家建議最好都係先搽防曬產品再上妝。

 

錯誤5:夏天或者陽光猛烈時至搽防曬

好多人都以為陰天冇太陽就唔需要防曬,但其實紫外線一年四季都係無所不在,就算係冬天都一樣有紫外線。如果要喺戶外活動,最好都係搽番SPF 15嘅防曬產品。

 

想令皮膚更靚,除咗做好防曬後,梗唔少得做下Facial保養皮膚!HelloToby平台上有不同專業嘅皮膚護理服務美容專家,提供清潔、爽膚、補濕、收細毛孔、美白、去斑、抗皺等服務。立即用我哋嘅平台為免費搵專業認證嘅美容護膚專家報價,幫你節省時間!

即搵護理專家

仲有其他健美類服務,例如脫毛療程紋眉修甲美甲脫癦等等,即刻上去搵專家免費報價!

 

你係健美專家?可以免費註冊成為HelloToby專家,接觸更多新客戶。

立即免費註冊

原文轉自: 【夏日美白攻略】搽防曬5大常見錯誤

發表於2017.5.06
留言(0)
博客名稱 :
HelloToby
網誌名稱:
HelloToby
使用天數:263
年齡:0
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
>> 更多
系統分類
  • 美容時尚
  • 生活品味
  • 攝影寫真
  • 戀愛心情
  • 其他
  • 財經生活
自行分類