08
07.2020

裝修名人堂 Ray 入屋前已為客細心考量 定立仔細健全施工準則

生活品味   其他  
裝修名人堂 Ray 入屋前已為客細心考量 定立仔細健全施工準則

從傢俬公司開始,Ray已在不知不覺間走入了裝修生涯,轉眼間就是16年。

Ray一直看著爸爸做裝修,自己卻未切身體驗過,直到在傢俬公司遇見了伯樂,跟著這位店長開始接觸裝修。「我跟咗店長之後,負責報價、覆客、有咩手尾都跟返,睇圖,總之後面嘅都係我一個人做晒。」

Ray伸出粗糙厚實的雙手笑言,「你睇,睇我隻手就知,我一定係落手做嘅人。真係part part都做!」Ray到現今已有自己公司,把累積下來的全方位經驗運用在公司上,仍努力地做著統籌、見客、協調師傅甚至落手施工。

與設計公司合作無間 就經驗給予實際貼地建議

不少裝修師傅覺得設計師的圖紙天馬行空,難以實行,繼而少跟設計公司合作,但Ray卻有不少一直合作的設計公司,原因是他有睇圖的技能,更願意多行一步,做得細心。

「一直同佢哋夾得幾好,設計公司啲圖紙有時有問題出現,因為佢哋未必知實際現場環境。呢個時候我就要把關,一定要細心睇圖,識分析,消化之後可以睇出有咩問題,發現問題要同佢哋反映返,同佢哋講咁做唔得架喎。」

這一步不只有提出問題,更給予實際建議,希望能建構出更美觀又方便客人的家居。「例如有次做,磚嘅排法方向唔靚,收口位會突出嚟,我就話不如倒返轉方向鋪,收口位就會落係櫃後面,就算磚鎅得唔靚,都可以遮住,美觀啲。」

傢俬能手 從入屋前已為客考量

講到最拿手的技能,Ray說脫離不了自己接觸裝業界的初始點——傢俬。「做傢俬最好,最簡單直接。重點係識點睇傢俬圖,又識畫。基本上客人同我講大概想要乜,揀好顏色,基本我就可以出圖紙,就做得。」

Ray認為做傢俬要把關的位置早在入屋前已經要考量好。「設計好傢俬之後,我哋就要諗點分件,呢個就係我責任。有啲電梯未必入到,仲有房門,走廊夠唔夠位轉都係實際考慮,係一啲做傢俬之前就要諗定嘅嘢。

「要度咗電梯、門同走廊啱唔啱入,再諗點分件分得靚,要順利入到屋後嵌返出嚟都係靚靚仔仔嘅。」

定立仔細施工準則 完善健全家居

裝修各種細節也是關鍵,Ray為了確保給客人的家居是良好健全,他為自己的公司定立了不少的工程守則。「做防水後,一定要師傅做試水,同埋你一定要抽時間去睇。我哋規定浸2日,只隔1夜嘅話通常試唔到乜。我哋通常會揀星期五浸,拍片,因為唔會浪費時間,六日客人又得閒可以上去望下,會唔會有漏落樓下,或者漏出廳。」

「仲有油漆。油漆其實一定有手尾,基本上冇油漆師傅敢包做啲嘢十全十美,因為新舊牆接合一定會爆,所以我哋包一年保養,客人會明白。等佢收水定咗,要爆嘅爆晒,再幫你上門執一執。」

Ray坦然自己不是一個能言善辯的人,本著做實事的心默默地去工作。他的快樂也很簡單,「09年幫客做裝修,咁啱我個囡出世,佢送嘢俾我個囡。……諗諗下,好多客咁就變咗十年朋友。」透過一次裝修的經驗,建立一段段不多話但記於心中的友誼。

裝修時侯業主有機會犯甚麼禁忌?歡迎到裝修學院做個自我測試
想裝修屋企/維修家居?登記「裝修佬」免費裝修報價,24小時內專人回覆,為你推介最適合你的裝修公司。
 
發表於2020.7.08
留言(0)
博客名稱 :
裝修佬
網誌名稱:
hkdecoman's blog
使用天數:205
電郵:dejay_wong@hkdecoman.com
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
>> 更多
系統分類
  • 數碼科技
  • 生活品味
  • 其他
  • 財經生活