06
04.2021

【裝修佬文章轉載】- 裝修名人堂 平哥 為客人做到足 實事求是見證信譽

生活品味(本地)   其他  
標籤: 故事  裝修  裝修佬 

裝修名人堂 平哥 為客人做到足 實事求是見證信譽

原文連結:https://hkdecoman.com/article/55018

【本文章轉載自裝修佬 - 一站式網上裝修平台】 闖出自己一片天地是每一代年輕人的夢想,而平哥也踏上了與家人不同的路,二十年後他有了自己的事業——裝修設計工程

 
「細個跟屋企做街市,但我唔想,想自己有啲其他成就,九七前就跟人做裝修,做下做下,咁就廿幾年。」
 

工程管理時間安排為重 再要範範都識

從當年元朗長大的小孩,平哥毅然離開了家業,投身裝修行業,由雜工到木工,再到其他工程項目,繼而判頭管工,到開自己的裝修設計公司,每一範工程都學習過,經歷過,每一個細節他都處之泰然。
 
「唔好話我範範好精,但我樣樣都識,因為我做咗好多年,每一樣都做過晒,每一樣我都知道。如果唔識點控制到個地盤?唔識嘅話,邊夠眼利睇到邊度有錯漏,點同師傅溝通?」
 
「管理嘅角色好緊要,要做到第一要有時間觀,第二就係你範範都要識,如果唔係,衰咗一範嘢你睇唔到,去到下一part就死㗎啦。」
 
「時間分配,進場退場果啲其實習慣晒,呢啲好似食菜咁食,做咗咁多年都係咁,好簡單,十個case都係咁做。」
 

為客人做到足 以實事見證信譽

言談間,平哥流露出神態自若的態度面對自己親手走出來的路,但他對工程其實毫不馬虎。
 
「間舖喺元朗咁耐,講信譽㗎嘛,間舖都成十年啦。用心做事,當然盡量做到最好俾人,唔洗口講,因為呢啲係做出嚟,個業主會睇到 。」
 
「我哋會講清楚用乜材料,進場前我哋買晒第三集保險,做晒保護,樣樣做會做足嘅show俾佢睇,啲客人會知㗎嘛,要保護返人哋屋企嘅嘢,會錫住業主嘅財產,整爛人哋嘅嘢會賠返比人哋。」
 
「其實每次嘅安排同調配流程差唔到,一直順風順水冇問題,因為我自己好勤力,我日日都去睇地盤,好順暢,監管師傅,跟返好啲質量,跟返好啲頭尾,唔好有錯漏。」
 

經驗豐富 深厚功力面對各項新挑戰

平哥的自信來自實力,來自經驗。做判頭時走遍港九新界,到地舖落成在元朗扎根多年,平哥做過林林總總的裝修工程。
 
「裝修工程係幾得意,間間唔同款,做下啲有創意嘅工程有成功感,面對每一個單位都有新鮮嘢,每一個單位出到嚟都唔同。」
 
每個單位都是新挑戰,新創作,平哥每每都認真面對,平哥面對過最大挑戰同時最有趣的就是電視劇集中現身過位於流浮山山邊的豪宅,由飯廳到桌球室還有籃球場等等意想不到的建築。
 
平哥同樣對村屋單位裝修瞭如指掌。「村屋就千變萬化,多啲玩法,例如玻璃屋、太陽能、花園園藝,都試過都有經驗。」
 

裝修工程平衡為重 美觀又可行

做過大屋,做過村屋也做過中小型單位,由精緻、花樣多的裝修到基本實用裝修,平哥認為好的裝修工程不只有美,還要有平衡。
 
「做設計,係吸收咗業主需求,佢想要乜風格,幾多人住,想要啲乜嘢等等,我哋盡量去配合佢。」
 
「再嚟就係睇可行性高唔高,有啲天馬行空嘅設計,但做工程唔係魔術師嘛。我工程出身,設計唔會天花龍鳳,因為我識睇圖紙,我會知可唔可行,做唔做到。」
 
「以我哋經驗話你聽,呢樣野未必做到,或者做完未必好睇,話返聲比業主聽,修改下圖紙,幫佢改良。」
 

為人和氣公平 真誠建立信任

平哥耐心耹聽客人需要,給予正確的工程建議,從不和客人傷和氣。「點都好,爭執完都冇意義,只會唔開心。客人未必知工程嘅流程同細節,咪解釋比佢聽囉,寧願解釋明為止,都唔會嘈。」
 
「我從來冇爛過人地尾,我哋有公司唔能夠做呢啲嘢,公司有門口,嘈交大家唔開心,信譽又唔好,為乜呢?」
 
因此客人和平哥的相處愉快,平哥更會交出誠意,務求讓客人安心。「解釋返每個工程細節俾佢聽,俾信心佢,甚至乎,你驚嘅話,訂金收少啲,做到每一part每一樣嘢就收幾多。客人見到有做緊嘢啦,我哋又收到錢,咁大家咪開心又放心。」
 
「客人想要間靚屋,我就謀生計姐,唔貪多,係公平,係信任。你所需嘅嘢,我當然盡我能力同經驗俾你。」裝修是一門講求信任的公平交易,平哥裝修界打滾多年,這番事業總是以實力和態度取勝。

平哥教你裝修知識:

 
想從裝修師傅和設計師身上了解更多裝修細節?留意裝修電視裝修待發」系列!
想裝修屋企/維修家居?登記「裝修佬」免費裝修報價,24小時內專人回覆,為你推介最適合你的裝修公司。

 

發表於2021.4.06
留言(0)
博客名稱 :
裝修佬
網誌名稱:
hkdecoman's blog
使用天數:448
電郵:dejay_wong@hkdecoman.com
按月份瀏覽
    2021
  • 一月
  • 二月
  • 三月
  • 四月
>> 更多
系統分類
  • 親子育兒
  • 數碼科技
  • 生活品味
  • 藝文創作
  • 其他
  • 財經生活
最新留言