切換至手機版

2011 大阪3天自駕遊 - Day 2 (Part 3)

  
03.Jun.2011發佈

Day 2 (5 May 2011 - Part 3)  錦市場 - く ら 壽司 - 湯樂

 

離開清水寺便開車去京都的大丸, 打算買定 D生果才回大阪.  

大丸正門面對大街,不能泊車, 我地就泊架車係大丸後面 D 小型停車場. 

係市中心泊車真係好貴 ~ 200 yen/20 min.

行返出大路之際, 就發現旅遊書都有介紹嘅 "錦市場" 原來就係呢條內街度, 不過大部分舖頭都收左檔.

我地淨係買左兩串串燒試下, 可惜呢位哥仔好似趕收工咁,  燒左一陣就比我地, 串燒唔夠熱 ~ 實唔好食啦.

去大丸行個圈, 買左 D生果就走囉  (係百貨公司買生果真係貴過D xx市場好多).

去攞車途中, 經過一間小小 boutique, 無心插柳下買左兩件衫 (6300yen)

我當然會順便問下有無 discount, 老闆娘唔肯減價, 不過就送左以下呢樣野比我 (係兩只一粗一幼, 類似筷子嘅物體 ~ 唔知有咩用) .

買完野馬上開車返酒店, 團友唔聽我講, 係都要揀 "有料" (其實 "無料" 都係慢大半個鐘之嗎), 咁咪比 GPS 玩多一次囉 ~

去到大阪市中心, GPS 提示要出 exit, 但條行車線就有排都未到, 當架車駛到呢個 exit 時, GPS 突然好快咁跳過左呢個出口, 終於梗係 miss 左啦 .  (我估可能係個 GPS 追唔到車速, 所以顯示個距離有幾大嘅差距, 簡單D講 ~ 即係 delay).

吸收左 Day 1 嘅經驗, 我地唯有唔理GPS, 搵下一個出口出左先算.   就係轉內左灣落橋之際,  GPS 忽然叫我地轉右 ~ 大佬, 想點呀??   轉右咪撞橋 或者 變左炮彈飛車囉 ......,  我唔識玩特技架喎.

結果都係用左同 "無料" 差唔多嘅時間至返到酒店。

是日路費 (只係由京都回大阪一程):1450 yen

 

返到酒店泊好車,我地已決定去 Hotel Sunroute 旁邊間壽司店食飯。呢間壽司店收得好平 (105 yen/碟),所以好多人等位。

我先去攞籌兼坐係門口等, 團友就返酒店放底 D 生果, 然後就輪流係 lobby 上網,  順便 on-line check-in.   (不過 HK Express set 死左出發地係"香港", 改唔到, 終於都係 check-in 唔到 ~ 如各位知道點樣係外地 check in, 唔該指教下 .)   

くら壽司 ~ 就係 Hotel Sunroute Umeda 隔離.

等左 45 min 至有得食~

每兩個位前面都有個電子 order menu, 我地研究點 order 之際, 坐我旁邊位日本靚女OL 好熱心, 主動教我地點用.   當我地 order 嘅食物就黎送到時, 個電子 menu 會發聲提示, 同一時間, 靚女又好好人咁提我地, 真係多謝佢. 

埋單 ~ 1816yen, 超抵.

食完飯, 梗係要浸下溫泉幫助消化 ~ 又去湯樂囉.  

微涼天氣浸溫泉, 真係舒服到呢.

今日係單數日, 女湯換了 "木の湯" 

(以下圖片轉載自 "湯樂" 網頁)

團友昨天浸時真係見到好似下圖咁好多鴨仔係浴池, 不過我今日完全見唔到嘅?

今晚無係湯樂食宵夜, 因為要返酒店食生果呀..... 返酒店時唔記得問 lobby 借刀, 所以無食到個蜜瓜, 終於帶左返 HK.

 

You may login WeShare to leave comment or use Facebook account to leave comment/update comment: