27
11.2018

【親子好去處】黃金海岸酒店 柏靈頓™「熊」抱聖誕

環球旅遊(本地遊)   親子育兒   生活品味  

又到聖誕啦!一年一次的節日點可以唔同小朋友開心渡過(有邊個節日唔係一年一次...) 今年黃金海岸酒店搵咗柏靈頓Paddington同有大家一齊萌過聖誕。

 

 


黃金海岸酒店的確係親子首推的酒店,因為佢每年在任何節日及暑假,都總會找來不同又貼切的主題,俾大家可以渡過開心愉快的假期,製造極溫暖的回憶!

 

 

今年就找來柏靈頓Paddington,哥哥在學校已經睇過呢齣戲,所以今次入住柏靈頓™「熊」抱聖誕住宿計劃,佢特別有親切感!即使芊芊未睇過套戲,但係柏靈頓咁人見人愛,點都會超興奮啦!

 

 

今次住宿計劃有咩玩?

包括:

- 五項戶外遊戲

-「柏靈頓聖誕裝飾DIY工作坊」

- 「柏靈頓名信片設計坊」(需於指定日子入住)

- 聖誕魔衣櫥(需於指定日子入住)

- 飛天鋼索或小火車三次

- 「鯊魚冒險島」 

 

 

如果入住三日兩夜,仲可以參加埋「橘子果醬曲奇製作坊」,同獲得HK$200沙嗲軒餐飲折扣。

 

 

特別注意:如果在12月7日或之前預訂柏靈頓「熊」聖誕住宿計劃更可享HK$200優惠。

 

 

 

一入到房見到咁多柏靈頓,哥哥同芊芊已經興奮到不得了。

 

 

 


今次入住計劃會送小朋友獨家柏靈頓手挽袋,大家如果去做工作坊的時侯可以拎埋個袋去裝住小朋友的作品。

 


嘩!嘩!嘩!有大、有細、有著衫、有唔著衫,好多隻柏靈頓呀!有幾隻仲識發聲喔...

 


仲有幾本繪本故事,可以今晚來個睡前故事時間!

 



芊芊好開心拎住我送俾佢部小相機四處拍。

 

 

 


有個咁靚的房間,小朋友最開心不過!

 


入住黃金海岸酒店,最輕鬆就係可以一家人,大人放下工作,小朋友放下功課,一齊開心過兩日一夜。

 


呢D表情真係放低哂功課先可以做得出,哈哈~

 


今次柏靈頓™「熊」抱聖誕住宿計劃,如果你選擇入住兩晚,就可以參加呢個「橘子果醬曲奇製作坊」。

 


有睇過《柏靈頓》一定記得佢做過的橘子果醬,今次又有機會食到哥哥同芊芊親手做的曲奇啦!

 

 


製作過程好簡單,不過整得靚唔靚就見人見致,哈哈~~

 


哥哥出品我就好放心,唔知道芊芊會整成點呢... 

 


完成了!又似模似樣...可以拎入焗爐啦!

 


跟住我哋就一齊去設計聖誕裝飾。

 

 


先親手設計聖誕裝飾球的外面。

 

 


再將柏靈頓飾物放入去球裡面,再倒入雪粉。

 

 

如果大家屋企有放聖誕樹,設計這個番去掛在樹上真係最適合不過。

 


酒店四周圍都有聖誕樹,真係隨時隨地都可以打咭。

 


當然唔少得係酒店中庭的柏靈頓聖誕打卡位置。

 


仲有棵柏靈頓聖誕樹...全部都係柏靈頓呀!好多隻好吸引呀...想全部帶哂番屋企。

 

 

 


其實唔止係大人,小朋友一樣可以做打卡友。

 


最矚目就當然係呢棵最大的聖誕樹啦!每年到黃金海岸酒店都一定要影番張全家幅。

 

 


之後我哋就到酒店外玩主題戶外遊戲。

 

 

 

最熟芊芊的讀者,當然知道佢最開心就係玩跳彈床啦!

 

 

哥哥不停跳住叫我影,結果又影到佢臉部鬆弛的樣子。

 

 

一個唔夠喉,旁邊仲有個大的「柏靈頓™充氣滑梯」!

 

 

兩個玩到癲哂,咩姿勢瀡落嚟都試過哂!

 

 

 

呢張我叫芊芊揀個英文字企埋去俾我影,估唔到佢又會識揀個掌印咁叻喎!

 

 

之後繼續瘋狂玩,到隔離呢個「智取柏靈頓™」。

 

 

穿過繩陣網去拎隻柏靈頓公仔。

 

 

 

「柏靈頓™帽子戲法」,連我同媽咪都忍唔住一切玩。

 

 

睇住芊芊飛極都飛唔到,職員哥哥見冇咩人排隊,就俾佢飛多幾次直至成功,等芊芊唔駛咁失望!超讚!

 

 

最後玩「柏靈頓™記憶大挑戰」,自選一幅柏靈頓圖片,然後砌番出嚟!

 

 

 

哥哥玩當然難唔到佢,9秒9就KO。(咁係因為佢揀咗幅超容易的)

 

 

 

然後我哋就離開酒店,去咗外面玩飛天鋼索。

 

 

對於哥哥同芊芊,都唔知個「驚」字點寫,全靠我從小就培養佢哋打不死的精神,所以到外面玩咩都唔會話「驚」...

 

 

係...最弊就係連我都唔驚!

 


到芊芊穿好保護裝備上陣。

 

 

將要出發又難免有小小緊張的...哈哈~

 

 

一飛沖天去...

 

 

 

玩完之後興奮到要即刻再玩幾次...

 

 

見仲有少少時間先到食Buffet時間,一於到「鯊魚冒險島」再放放電。

 

 

 

 

兩個好似番咗自己屋企咁,一入去連登記都唔記得就即刻衝咗入去玩。

 

 

「鯊魚冒險島」都唔介紹咁多啦!想睇就Click番去睇我之前的文章啦!

https://kimfamilytravel.com/2017/03/sharkspiratesadventurezone.html

 

 

 

終於到我個人最享受最喜愛的節目,就係自助晚餐啦!黃金海岸酒店的Buffet真係超正,除咗海鮮冷熱食物外,這期仲有BBQ燒烤,仲有即場日式和牛、醬燒帶子燒呀!

 

 

哥哥最鍾意食長腳蟹。

 

 

芊芊就最鍾意食朱古力棉花糖...(帶佢嚟食真蝕底)

 

 

食過自助晚餐,就參加埋特備晚間活動「柏靈頓名信片設計坊」及 聖誕魔衣櫥(需於指定日子入住)

 


設計屬於自己的柏靈頓名信片,填上顏色及寫下心意信息,就可以放進郵箱,酒店會替小朋友寄出去㗎!


 

 

仲有好幾款柏靈頓的郵Chop供小朋友印在明信片上。

 

 

 

然後活動室內仲放滿多件聖誕服裝,最特別當然有柏靈頓的紅帽及藍色大褸。

 

 

 

超萌囉唔該~

 

 

我今日開始就叫佢哋做柏靈哥同柏靈芊。

 

 

無奈哥哥卻話自己係MJ...

 

 

越扮越興奮!

 

 

 

 

 

估唔到佢哋真係扮上癮,跟住仲話要著埋其他聖誕服裝,哥哥呢個LOOK唔知點解特別襯佢!

 

 

呀芊就扮隻雪鹿!真係攪笑到我連相都影唔到。

 

 

芊芊仲要全程都在地上爬...直到除衫嗰刻,真係入哂戲!好在走得番出嚟...(滴汗)

 

 

 

我最鍾意都係拜拜你條尾!

 

 

番到入房再有另一驚喜呀!因為呢日係呀芊生日,所以酒店仲送上生日蛋糕呀(不過其實係我預先訂的),芊芊收到個蛋糕真係超開心!

 

 

我叫呀芊Make a WISH,佢話佢都冇咩WISH!

 

 

其實又啱喎!一家人簡簡單單,開開心心,健健康康就是了!

 

 

瞓咗個好覺,到咗第二朝,梗係要落去嘆番個醒神自助早餐啦!

 

 

講到「食」,每次到黃金海岸酒店我都係超興奮,因為真係好多款美食,仲要樣樣都好食先正。

 

 

我都未試過食早餐食到唔捨得走...

 

 

 

食完後我哋到戶外花園散步影下相!(記住要到呢個打卡位影番張相呀)

 

 

 

 

 

如果大家小朋友年紀太小玩唔到飛天鋼索,可以選擇俾佢坐小火車呀!

 

 

最後Check-out前最後衝刺,玩埋足球機(機波)同氣墊球(推餅)!

 

 

 

佢哋兩個真係可以一玩玩足幾粒鐘!

 

 

離開酒店後,我哋再到黃金海岸商場,因為呢度都有柏靈頓呀!仲有英倫巴士打卡位。

 

 

 

 

大家仲可以入去小屋打番個Chop印!

 

 

 

臨走前落起雨上嚟!但係都無阻我哋今次的開心行程。

 

 

酒店仲有提供免費穿梭巴士到青衣/荃灣或尖沙咀,不過大家要預早同前台約呀!

 

 

可以坐上柏靈頓穿梭巴士,可以話俾小朋友享受埋最後一段開心旅程!^.^

 

 

Photo & Video by Sony A7III FE 16-35mm F/2.8 & GoPro HERO 7


想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

 

呀劍評分: 10

 

呀劍評語: 每次到黃金海岸酒店,都給我們一家興奮又難忘的回憶,小朋友當然超喜愛每次主題房間,而我就最享受自助晚餐及早餐,媽咪就好欣賞活動的細心安排及內容。而且酒店內每位職員,都係服務超好超貼心!我真係舉腳推介俾所有朋友...如果你仲未嚟過,今個聖誕唔好錯過呀!

 

柏靈頓™「熊」抱聖誕住宿計劃 簡介

在兒童讀物界中享負盛名的Paddington柏靈頓將在今個聖誕節從英國倫敦遠道而來到香港黃金海岸,跟大家慶祝節日。小朋友在登記入住時,即可獲贈獨家柏靈頓手挽袋乙個,並可參與五項戶外遊戲及「柏靈頓聖誕裝飾DIY工作坊」。在指定日子,更設兩項晚間活動,包括「柏靈頓名信片設計坊」及聖誕魔衣櫥。

 

推廣期

2018-11-22 至 2019-01-01

 

早鳥優惠

在2018年12月7日或之前預訂柏靈頓「熊」聖誕住宿計劃更可享HK$200優惠。

 

柏靈頓™主題客房連海景露台

凡入住柏靈頓「熊」抱聖誕住宿計劃,每晚額外HK$400,便可以在充滿柏靈頓佈置的房間入眠。Sino Club信和薈、嘉譽禮賞、黃金海岸鄉村俱樂部.遊艇會會員及黃金海岸住宅住戶均可以特惠價HK$300作升級。

 

三日兩夜住宿計劃

凡入住柏靈頓「熊」抱聖誕三日兩夜住宿計劃,可參加「橘子果醬曲奇製作坊」乙節,並可以獲得HK$200沙嗲軒餐飲折扣。

 

更多詳情

https://www.sino-hotels.com/hk/gold-coast/tc/offers/2018-paddington-christmas-celebration-package/

 

地址

屯門青山公路青山灣段 1 號


鯊魚冒險島遊樂場

開放時間

10am至10pm(每節50分鐘)


收費

酒店住客: HK$100 / 50分鐘

非酒店住客: HK$150 / 50分鐘

* 以上收費為一位成人及一位小童
* 凡預訂於「酒店優惠」網頁內所列出的住宿計劃,可免費暢玩乙節


兒童小火車

開放時間9am至12nn 及 2pm至6pm(來回大約10分鐘)


收費

酒店住客每次$40/ 非酒店住客每次$60


至Kids遊樂園

開放時間9am至6pm


免費

 

*詳情請參閱主題客房計劃內容或遊覽以下網址: 

https://www.sino-hotels.com/hk/gold-coast/tc/facilities/

使用設施前,需向職員預先登記

 

電話

2452 8888

 

網址

https://www.sino-hotels.com/hk/gold-coast/

(以上資料更新至文章當日)

 

 

 

Facebook專頁: 呀劍萬帥 kimfamilytravel

 

Blog網誌 : www.kimfamilytravel.com

 

                 

發表於2018.11.27
留言(0)
博客名稱 :
呀劍萬帥
網誌名稱:
呀劍萬帥 • 親子旅遊 • 攝影札記
使用天數:980
年齡:2
電郵:kimfamilytravel@yahoo.com.hk
按月份瀏覽
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 戀愛心情
  • 文化政經
  • 其他
  • 台灣館
自行分類