29
04.2019

學習拼音Phonics 加強小朋友視覺搜尋力 提升注意力 增強挫折忍受力 DIY親子桌上遊戲推介

親子育兒(學習)  

 

實不相暪,好耐之前我都唔係好知咩叫bingo遊戲,係後來聽課堂助理告訴我,我先開始知道,咁於是我就用心去了解這遊戲,好多人都可能認為呢個遊戲係老友記玩嘅,但其實以家都老友記已經係科技高手了,都唔係再點玩呢D桌上遊戲了。反而,以家又到我地又再去玩返Bingo。

 

Bingo 其實可以有好多玩法,有d朋友可能會用到骰仔,同其他工具。但由於小班上嘅小朋友年紀都係比較細,所以我就以最簡單嘅方法同佢地玩。

 

 

就係用一張已設定好嘅Bingo Card,同小朋友優隻手指啦,哈哈!

估唔到d同學仔個個第一次都玩得好開心,好投入,亦加強咗同學之間嘅亙動。

 

 

自己要做一張bingo card 其實都唔難,只需要A4紙,bingo card 可以分成3×3大小的格子.

5 x 5 大小的格子.,9×9大小的格子,按實際情況需要。我就係用word做好,之後彩色打印出來,再過膠就係了~

 

 

而遊戲玩法亦都好簡單,每位小朋友/大人派一張bingo card,之後我會以Jolly Phonics的拼音讀出該個英文字母嘅發音,如果小朋友張bingo card上係有呢個發音嘅字母,佢地就可以舉高雙手,叫bingo,之後我會請小朋友用手指指出剛才嘅發音係邊個格仔上出現,來確定小朋友係這發音上嘅認知係正確。

 

 

不難想像,由此小朋友就可以透過這桌上遊戲來加強對每個拼音嘅認識。當然家長亦可以改成字母嘅名稱來同小朋友玩,同樣都係可以加強小朋友認識字母嘅基礎。

而我自己就因為係日常教學Jolly Phonics入面小朋友需要認識嘅,永遠都會係字母嘅發音行先,所以無論同學生,定係同孖寶玩都係以每個發音為基礎來玩。

 

其實 Bingo入面的內容可以係好多,可以換成數字,亦可以換成英文生字。

更可以改成不同主題,例如你想小朋友認識不同動物,你就可以改成動物圖片放入格仔,又好似你想小朋友了解唔同水果你亦可以換成唔同種類嘅水果圖案。

 

 

總而言之,Bingo 遊戲的內容可以係千變萬化,亦絕對係一個比小朋友快速熟悉同鞏固新知識嘅一個遊戲。

 

除咗可以增進對不同事物、發音、數量,字母等認知能力之外! 當中更可以提升小朋友專注力、挫折忍受度、邏輯思考等能力,提高智力敏捷度,仲有記憶力。更可以改善小朋友嘅手眼協調能力,而且令小朋友之間交流同亙動亦多了,係一項交誼性高嘅遊戲。我覺得係一個好岩親子互動嘅遊戲!

 

 

最重要係train小朋友承受挫敗,呢個遊戲互動其實係可以訓練小朋友社交技巧、挫折忍受度嘅好時機,當自己被人捷足先登個時,可以去學習點樣控制住心中嘅不快,再專注下來,而大家有機會輪流、亦可以訓練小朋友等待這一環嘅自我控制。

 

我地家長係陪小朋友玩Bingo遊戲時,唔單止可以了解小朋友嘅能力,再為小朋友提供適當嘅活動,不妨先由最簡單開始,慢慢增加小朋對的挫折忍受度,亦可以藉此培養出良好嘅親子關係呢!

 

 

講咗咁耐呢個Bingo 遊戲既可以係過程中增進小朋友嘅視覺搜尋能力、提升注意力、同埋精細動作能力,仲可以加強拼音,數量,同埋你想放入遊戲中比小朋友認識嘅概念!

 

呢個DIY 桌上遊戲係唔係真係好多好處呢?你都快D同屋企小朋友一齊玩啦!

 

如果有家長都想玩,亦想得到我地送出的一套字母/拼音Bingo 遊戲 card template,記住like同follow實我地嘅 荔枝與孖寶 專頁,之後有機會送出一set template,比家長自己print出來同小朋友係屋企輕鬆玩呀~

 

 

我和孖寶的Facebook Page: 荔枝與孖寶 

發表於2019.4.29
留言(0)
博客名稱 :
荔枝孖媽
網誌名稱:
荔枝與孖寶
使用天數:1,315
性別:
年齡:36
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 星座算命
  • 戀愛心情
  • 其他
自行分類
最新留言