06
08.2019

等我地都來探下海賊王先 One Piece Fans 必到海洋公園夏水戰

環球旅遊(本地遊)  

 

今次的海洋公園夏水禮變成夏水戰,皆因會由你做主角化身成「海賊王」最經典戰役「頂峰戰爭」。只要準備好水槍,穿過神秘瀑布同水簾隧道,走出海洞和噴泉迷宮,閃避源源不絕嘅水彈攻擊,迎擊四方八面嘅水炮機關同瘋狂濕身突襲,係激烈水花中直搗海軍陣營。由頭濕到落腳,打完一場激烈嘅水戰,你仲可以匯合草帽小子;路飛、烏索普等夥伴同佢地一齊並肩作戰,一齊參加呢場海賊王水戰激鬥呀!

 

 

夏水禮有咩好玩? 7個海賊王景點及濕身專區,仲有人工湖畔的烈陽號等,實有一個岩你玩。

 

 

而我地最鍾意的當然係威威天地的海賊王玩水專區,有小海賊水花大亂鬥,仲有小海賊泡泡派對,大人同小朋友都可以一齊玩!

 

 

 

孖寶都表示最喜歡呢度的水戰和泡泡派對,因為小朋友可以有機會可以同其他小戰士一起展開連場水槍大戰。呢個童樂區仲有噴泉迷陣等玩水設施,到處你都可以睇到Cute版「海賊王」角色佈置,度度都係影相位。

 

 

 

 

大家記得要搵下四周一張張的「海賊通緝令」、「巨型路飛草帽」、「烈陽號船頭」等經典場景影相位,同打卡位。

 

 

 

今個暑假咁多個海賊王經典場景,陪你走過一個熱到溶又涼透心的顛峰水戰,齊齊過一個動感盛夏!

 

 

大家仲有機會同一眾草帽小子見面,影相。

以下呢個時間表,One Piece 的Fans可以留意返呀!把握機會同草帽小子係海濱樂園廣場盡情合照啦!

 

 

記住唔好miss咗一眾舞林高手的表演呀,佢地會定時現身海濱樂園廣場,即烈陽號旁邊展開仲夏水花狂舞派對,係強勁嘅音樂中,都唔好忘記要打醒12分精神,小心隨時比人用水槍突襲,睇show 都變成隨時濕哂身呀。

 

 

 

 

另外「索柏造型爆谷套裝」,海賊王粉絲都應該唔會錯過呀!

2個見到都好興奮

 

 

好啦,見你2兄弟下星期就快到4歲生日,今次就送比你地開心下,要好好珍惜索柏呀!

 

 

玩到肚餓就可以去樂園指定餐廳,原來小食亭食呢d期間限定的海賊王主題美食呀。

 


今次我地真係玩到大肚餓啦,一玩完水就去咗嵐灣茶座食「海賊王航海歷險仲夏大餐」,嵐灣茶座位置好易搵,一出上山方向的cable car,左手邊就係茶座啦。

 

 

今次呢set海賊王主題食物,真係睇得出係好有心思,入面「Soul King布魯克」頭盤真係整得好精緻,當然味道仲好ok啦,以酥香炸蝦餅大人至愛,而跳躍音符形狀嘅蔬菜當然係小朋友至愛啦。

 

 

 

仲有鮮味十足的周打湯。

 

 

主菜有燴海鮮蕃茄意大利飯的「芬奇轟拳」,仲有炸薯蓉加上肉嫩多汁嘅紅酒燴牛面珠的「我要成為海盜王!」俾你揀。

 

 

 

呢個紅酒燴牛面珠仔真係堅好食;食到大家都停唔到口。

 

 

最後一餐美色梗係要以甜品作結啦,呢個「緝拿路飛」甜品好可愛呀,塊牛油曲奇,印有路飛通緝令,再配埋竹炭朱古力慕絲蛋糕。

 

 

呢件牛油曲奇真係好好食呀,大大塊2個小人都可以自己清哂佢。

 

 

樂園其實都有好野食架.....


我知道除咗我地今次食呢間嵐灣茶座之外,熊貓薈,仲有冰極餐廳都有期間限定海賊王便當及單點小食架!

 

 

最後提提大家參加呢個水花四濺嘅夏日慶典,真係要帶定泳衣、毛巾、拖鞋、防水袋裝哂d野入去以保「乾」全、當然仲記得要帶埋防水電話袋。

同埋要幫小朋友帶多兩套衫同襪替換呀!

 

 

萬一真係唔記得帶都唔緊要,我見到有Pop-up store都有賣海賊王限定精品,印花 T 恤及防水手機套,同防水袋。呢個水戰激鬥濕身指數爆燈場口真係必備呀! 

 


仲有好多One Piece角色精品推出,大大隻公仔,以至掌心咁大嘅角色tsum tsum版公仔都有,真係岩哂海賊王fans呀。

 

 

今個暑假希望大家都可以去盡興一番,同小朋友一齊過開心暑假。


【SKECHERS 呈獻:海洋公園夏水戰】

日期:7月13日 至 9月1日

地點: 香港海洋公園 

香港仔黃竹坑道一百八十號 

 

*是次的產品及產品資訊由品牌 提供**

 

發表於2019.8.06
留言(0)
博客名稱 :
荔枝孖媽
網誌名稱:
荔枝與孖寶
使用天數:1,288
性別:
年齡:36
按月份瀏覽
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
    2018
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 星座算命
  • 戀愛心情
  • 其他
自行分類
最新留言