19
04.2017

【親子】放假好去處 ♬ 那些年...令人最有回憶的玩具傳奇 ✿

親子育兒(日常)  
PQ 開始大個仔,我地既活動地方亦可以開始擴大

 

亦因為小伙子亦開始肯係我扶住下去行幾步,
或者可以放手On Hold 企一陣比媽媽拍個照
所以係早前係佢生日我就連同妹妹,同老公一齊同小PQ 初到
呢個我好耐冇黎過既歷史博物館
 
唔知大家知唔知,早前有幾所既博物館係免費入場架
不過.....只限於常規展覽啦
而今次我想介紹既就係專題展覽
<香港玩具傳奇>


而家個個都會想當年,之前做小朋友既時候
或者爸媽未必可以買到自己喜歡既玩具
就好似我為例,我之前好迷美少女戰士
到早前佢推出番不少復刻既玩具扭蛋
我都比左不少既課金落去...
但係買完又冇得擺出黎

之前我地玩具真係冇而家既小朋友咁多
睇住我個仔人地細細我地都已經買左不少
而我其實真係叫做好忍手,諗番起之前...
得爸爸一個做野養起成頭家
所以好珍惜之前有既玩具亦會成日同d 阿妹爭
但係做大既永遠唔知點解要讓d 細架囉

今次呢個專題展覽其實都開左一段時間
但係之前帶住阿b佢又未開始學行,同佢睇又好似冇咩用咁
但係近來佢可以自己企到同肯行就帶佢黎玩下啦
順便比阿媽回憶之前既玩具呀嗎


(PQ: Hi ! 乜咁岩既)
不如搵我仔仔去拍最新既陽光廣告啦xdd

一進場就會有幾個影相位,可以比各位小朋友大朋友去扮下
之前最鐘意既撈金魚去士多買野,或者舊陣時既茶記
PQ好似真係當撈金魚咁既款


仲有幾個既摺紙區,之前讀書時代摺紙真係一個好好既遊戲
東南西北,摺心心摺青蛙同飛機
多好既回憶,不過實在當天太多人
我沒怎麼拍照啦...

進入展覽就好似走去到時光隧道一樣
各種曾經擁有過既玩具都在眼前出現
呢D 玩具我想每位小朋友也曾經擁有過
想當年最平一盒的就是$5/盒既飛行期?
波子期好似係$20-25/盒但係足夠玩好耐
UNO 就更加係社區中心必租黎玩既玩具啦
你有幾耐冇見過佢地呢?


 
我諗芭比應該每個跟我差不多年紀的小女生
也應該曾經擁有一個或以上的Barbie,
而小妹我曾經最高峰係有七個不同樣貌
不同皮膚同不同長度既頭髮既Barbie
可惜一搬屋就將一箱既芭比連衫仔
唔知係掉左定係送左比人,太耐啦自己都唔記得
 
 
睇完媽媽既回憶又點少得睇番爸爸既先
呢個變型金剛系列有著不少既柯柏文同大黃蜂
不過爸爸就係咁話柯柏文唔係咁既樣,點會咁架
有時睇故真係唔好駁故呀嗎...

 
仲有呢套黃金聖鬥仕星矢,又點會唔係一眾爸爸既心頭好呀
不過我身邊既爸B竟然話佢冇擁有過一個/或者係差不類近既東西
係真心唔係呀?連我都知大家既女神就係雅典娜啦
(PQ:金光閃閃好靚咁啵,爸爸買比我啦)

 
係呢一格入面好似睇緊玩具既演變
我就係中間個行個代既玩具,由其中間之間拉住架車仔
而我仔仔既玩具就係最底底既玩具
可以見到演變就係愈黎愈現代同埋愈整智能化

 
仲有不同既卡通人物展覽,好似史路比啦
仲有近來最受歡迎既藍精靈
同埋不少既冷門既於卡通公仔做比大家睇下
 
 
當然要講番d現代既遊戲機啦,入面你地有冇曾經擁有過先
係Game Box系列我地屋企就擁有過第一,第三部
而NDS 仲更加係我自己買比自己既生日禮物
他媽歌池我想每位小孩也曾經擁有一部或以上架啦
我地最高峰係有三部呢隻機架tim

 
除左睇展覽之外,其實場內外都有唔同既公仔比大家影下相
好似有火車頭Thomes 啦(媽最唔鐘意的)
仲有美國隊長,仲有鴨鴨,忍者龜....etc
絕對呃Like 照既好地方!! 

 
今次呢個玩具展覽係要每人比$10 入場費,
最重要係我地當天星期日唔係咩長假期都爆多日入場
仲要排好長龍去買飛入場,所以我地就揀左買家庭買
一個家庭有4張全年証,只需要$100
咁就可以一整年去香港不同既博物館當中既專題展覽
重點係,好似咁多人既時間多數你都可以直入就可以啦
 
不過要留意既係家庭飛係一定要4位有家屬關係既人使用
唔係都唔可以架,而我其實都想再去多一次
因為呢個玩具展係小禮物送番
 
呀!仲要講下如果有全年卡係入面既餐廳係有9折
如果你本身有迪士尼/海洋公園既全年証買呢個
博物館全年証都係有優惠架!

 
下一次等小妹分享它家既常規展覽
重點係免費架!!唔洗錢入場~同埋冇咁多人入去囉!
同埋好多影相位超正的,可惜阿仔已經好眼訓影得唔多啦
 
望你地都喜歡小妹既介紹啦
 
想隨時留意小妹及小PQ生活點滴同Blog 文分享
 
 
 
記得要Like 我既專頁啦
↓↓↓
 
◕‿◕如有任何問題歡迎聯絡小妹
 電郵:manman811@gmail.com 
 
以下地方可以找到小妹架^^ 
 BlogSpot ❤ Instagram ❤ OpenRice  ❤ FB 專頁
TheZtyle ❤ BeautyLife ❤ She Blog ❤
 
 
發表於2017.4.19
留言(0)
博客名稱 :
小魔怪Babe
網誌名稱:
*~野蠻天使♥私家竇~*
使用天數:1,328
性別:
按月份瀏覽
    2017
  • 一月
  • 二月
  • 三月
  • 四月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 其他
  • 台灣館
自行分類
最新留言