06
08.2015

【學前班】讓小朋友深深愛上返學 @ R-Kids Starter Bee

親子育兒  

如果看過魚子醬一家的分享,都知道我們採取「自由放牧」的理念,不強逼上無限量的學術班,唯獨Phonics一世人必學 [不過暑假都停左無學] 今次見公關姐姐話「R-Kids呢個StarterBee 係專比2-3歲學前小朋友返架,同幼稚園模式好似,有興趣可以試下啊!」 就係咁,魚子醬就試了四堂,剛好完成一個課題,在這兩星期裡邊,魚子醬由第一堂開始已經獨立上左半堂,之後個d已經全獨立上堂了,仲每次放學都唔肯走,要同老師玩同講故仔,果然有料到!

 

R-Kids 尖沙咀Campus位於柯士甸路,正正就在天香樓對面,雖然是商廈地舖,但第一次還是迷了路,原來是在大廈側,要推閘內進,室外的環境麻麻,但一走進店內,完全是兩個世界,無論設計、空間感同設備都比95分!

 

第一堂怕未獨立到,在旁邊觀觀課,課堂前在檯面早就準備了不同的玩意,小朋友可以隨意選擇,有切生果、積木、天秤、好多好多唔同ge野,著重小朋友在Free Play遊戲中學習。課室旁有鞋架,每個小朋友出入課室都要學習自己除鞋著鞋,放好入鞋架 

 

除了桌椅位置,發覺課堂中其實有近半時間都在playmat上進行,有講故事時間、唱遊時間

 

 

小朋友每次轉區域,都要先跟住腳印仔排隊,返學又有自已相片名字貼上火車,真係好似幼稚園的模式啊~!

魚子醬總是坐不定,第一堂有觀課的時候,很多時候做完一件事,拿到一個玩具都走過來跟媽媽分享,但慢慢都投入了在課堂中,因為這四堂的主題是健康生活,所以同病病有關,小朋友有抽醫生道具ge時間,又有得坐老師DIY的救護車

 

 

音樂感爆燈的魚子醬,唔跟老師做都係會跟拍子搖,呢一點,佢真係隨街一聽到音樂都會咁,睇黎遲d要帶佢學跳舞先得 =P

 

在1.5hr的課堂中,魚子醬彷佛在上一個簡化版的幼稚園課堂,同樣有茶點時間 =]

 

另外每堂都有摻入Lego 的時間,最初一定會諗「砌Lego都要教??」 事實現在坊間都多了很多專門的Lego班啟發小朋友創意,而確實每堂過後,我地都發覺,在家裡的實在太弱了,學校無論配件與概念都較齊全,魚子將醬每次落堂都興奮的拿著成品走出來;第一堂就有救護車,往後有砌過牙刷、農場和籃球架! 這些在家怎會想得到! 立刻請爸爸買塊Duplo Lego 底板先得!

 

媽媽功成身退,自由的空氣在呼喚著,看來接下來正式開放,做個幼稚園生也不會有大問題,魚子醬大個仔後,適應新環境的能力超高;魚子媽在課室外等候也不會悶,因為牆身有每堂的進度表,學過不同範疇的一事一物都有說明;除左Let it go之外從來無唱過歌的魚子醬,四堂之後,背得出"Make a Circle Big and Small" 同 「如何做個好醫生」媽媽看著歌詞,慢慢都識唱埋一份,現在我們外出搭車行街都成日唱呢兩首歌 XD

 

Lego 成品一次比一次有驚喜!第三堂的時候有一大個農場和運送蔬果的車車,魚子媽問老師「點解佢特別多生果geeee,人地得幾粒」老師話佢用錢買架wo XD 果然同阿媽一樣,有幾多洗幾多,及時行樂~hahahahah

 

係屋企好多時離唔開砌屋又或者車,但係呢度確實連媽媽都啟發了不少,我們家就是欠了些底板!

 

最後一堂的時候,那天滂沱大雨,魚子醬早就摸熟周圍,走到零食櫃前 [對!這類有盡所有最邪惡的零食,就算小朋友再扭計都一定有法子XD]同嬸嬸撤嬌「我未食飯啊~~~~」喂你明明食左個超大早餐,放學先會肚餓,之後又呃到幾塊動物餅,食埋人地份茶點啦你~~

 

 

今堂竟然砌到個籃球架出黎! @@ 好勁抽啊,放學之後個個就掛住入樽~haha~

 

一個小朋友在4次課堂內,已經變得絕對信任學校和拉著老師不肯放學,相信不用從家長的角度出發,魚子醬已經說明了R-Kids是間好學校,感覺上老師們本身都是幼師,經驗豐富,在應對小朋友絕對駕輕就熟;許老師是其中一個最愛跟魚子醬玩的老師,最後還送了一整張Anna Elsa貼紙給我們,話係屋企乖乖就獎勵一個

 

謝謝R-Kids的團隊安排,也多謝WeShare這次邀請魚子醬來試試Summer Course,若非我們住得遠,真的很有衝動繼續上到開學,要跨區上課始終不是我們首選,但可以好肯定咁推介呢間Campus ge老師比大家,並唔係賣花讚花香,而是我們真實的體驗

 

發表於2015.8.06
留言(0)
博客名稱 :
MeganSoSo
網誌名稱:
魚子醬 - 鐵人家族親子遊
使用天數:2,186
性別:
電郵:megan_wong@ymail.com
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 寵物日誌
  • 攝影寫真
  • 其他
自行分類
最新留言
  • 【兩千有找自拍神器】海洋公園哈佬喂 甜心蘿莉大宅。零驚嚇的自拍專員 by Zenfone Selfie

    Louisa'sssssssssssss 06/11/2015