博客名稱 :
MsCelia
網誌名稱:
MsCelia 西莉亞
最近老公愛上觀塘購物, 所以多咗觀塘 覓食, 今次搵到係觀塘廣場對面嘅魔膳廚房食返個溫馨晚餐。 獨立樓梯上二樓, 沿住樓梯上去除咗大大個餐牌外, 仲有好得意又特別嘅壁畫。 上到去就係一個森林入口喇。
魔膳廚房有個小型沙律吧, Dinner Set可以加$38 就任食沙律吧, 沙律吧款式都唔少, 而且都新鮮, 仲有生果㖭。
餐湯我地各叫一款, 最愛呢個餐包, 暖暖的, 軟軟的, 很好食。紅湯白湯2款都好味, 但我地覺得白湯茹味濃郁香滑, 更勝一籌。
主菜選擇了 [墨西哥香辣豬肋骨配芝士焗瘋薯] 跟 [香煎帶子黑松露意大利飯] 。 大大條豬肋骨煮到啱啱好, 骨肉容易分離, 醬汁濃郁帶少少辣, 但個人覺得略為偏酸。 薯角配上芝士煙肉好香口, 最後食埋燒菠蘿就可以解膩。
觀塘開源道77號業發大廈一期2樓D室