17
05.2017

【心路歷程】我的母乳失敗之路 │ Un太的Blog

親子育兒(吃喝)  
標籤: 母乳  奶粉  重新泌乳 

今日想同大家分享生完小白白後餵哺母乳的種種經歷,Un太並不是為了跟主流唱反調,去反對餵哺母乳,反而是想跟大家分享一個訊息:每位媽媽總有不同的原因而放棄母乳,但她們對孩子的愛並不會因而減退,就算飲奶粉一樣可以好健康,BB一樣可以快樂成長,奶粉定母乳並不代表一切!

 

File 17-5-2017, 16 54 28

 

(1) 錯誤的開始

 

Un太是因為入咗產房先發現妊娠毒血症,最後由醫生決定改為緊急剖腹,產後還被扣在觀察症房24小時由姑娘嚴密觀察;而同時又因為白白的羊水混濁,他一出世就被送到新生兒加護病房。即係,Un太生完只係見咗白白一眼就比人抱走咗,再加上當時傷口太痛,用咗36小時先落到床。白白是未埋過身,完全無飲過黃金初乳!

 

雖然當Un太成功落床後,已經好勤力擠奶比姑娘拎去加護病房,等佢地餵白白。但是,加護症房餵奶時間有限,而且當時Un太氣促非常嚴重,埋身一直不成功。而產後房的姑娘因為Un太沒有BB在身邊,只是簡單教咗點樣手擠奶。Un太是直至出院當日,向醫生求救後,才成功找到醫院母乳姑娘親自教授,第一次成功埋身….

 

(2) 產後的憂鬱

 

回到家後,本來應該開開心心,但Un太因為產後荷爾蒙失調,情緒好差,完全無心情餵人奶。更甚者,當時做了一個好錯好錯好錯的決定:懷孕前本來講好,一生完出院就去找家庭中醫。但結果因為擔心飲中藥餵人奶會影響到BB,而打消了這個念頭。現在想來,真的好後悔當時無好好爭取!因為Un太懷孕時本來就有產前抑鬱的先兆,當時中醫師就已經提醒過Un太,產後都有機會再出現抑鬱問題,建議我及早通知健康院安排輔導!

 

後來,Un太晚上睡覺會被鬼紮,氣促又持續,忍無可忍下還是去睇中醫。就係咁,拖了足足兩個星期才去找家庭中醫。食了中醫師開的藥兩星期後,情緒平伏返,再沒有被鬼紥過,氣促問題也解決了。可惜,已經停咗餵人奶兩個星期…

 

(3) 混淆的乳頭

 

除了兩個星期的延誤就醫外,白白不懂得也不太想埋身飲人奶。原因是,白白一出世就無見過媽媽乳房,一直都係飲醫院的水奶,即係用奶嘴!加上Un太係新手媽媽,返到屋企後屢試屢敗,完全餵唔到人奶。本來以為是因為白白太肚餓太心急,轉咗先飲奶粉再試人奶,結果一樣失敗。後來,健康院的母乳姑娘指導時才知道原來Un太有Flat Nipple,難怪白白成日啜唔到、一埋身就喊!試想想,奶嘴唔洗用力就有奶飲,媽媽乳房要多勞多得,仲要咁難含住,我係BB都情願唔飲啦!

 

(4) 重新泌乳的失敗

 

本來白白一直飲奶粉飲得好好,但到滿月時竟然肚脹氣兼便秘,經常大哭,哭得令人心酸。於是Un太感到很內疚,很後悔當初如此輕易放棄母乳之路,決定重新泌乳。試了很多方法:用Hosiptal Grade的泵奶器、Power Pump(一種泵奶方法,請自行Google)、手擠奶、通草+皇不留行、狂比BB啜….結果,雖然由幾滴變咗幾ml,但未夠白白飲半餐已經搞到乳頭好痛,連Un生都睇得出我好氣結,每日都被母乳一事搞到成個人鬱鬱不歡!Un太曾經聯絡過政府的母乳餵哺熱線,姑娘都係叫Un太打定輸數,可以恢復全母乳的機會好微!多掃興!

 

File 17-5-2017, 16 54 53 File 17-5-2017, 16 55 02

 

曾經係Un太好努力下,試過一小時內泵到30ml,但只此一次 (好灰)

 

(5) 重執心情再上路

 

經過一個月的重新嘗試,即使係以失敗告終,但Un太沒有後悔,就算餵唔返人奶,起碼儘過力!冷靜捻返,其實BB飲奶粉都有好多好處!現在的奶粉都有WTO的監控,做到多方面的營養都好平衡,就算偶有便秘都無損BB健康,更何況飲母乳都唔係百分之一百無問題,比如BB較易有黃疸、媽媽如果營養不均會影響BB之類…總之,各有各好!一個銀仔都有兩面!Touch wood講句,白白到而家都無濕疹問題、肚痾問題!

 

今日分享自己的經歷,並不是想鼓勵大家餵奶粉、或者打擊大家餵母乳,而是想告訴大家:每位媽媽生產的經歷都不盡相同,母乳之路真係唔易行,能夠全母乳的媽媽是幸福的,請珍惜呢個機會!餵奶粉的媽媽也不用擔心,起碼媽媽大吃大喝下BB都一樣可以營養均衡 ( 阿Q精神!哈哈!),寶寶亦都一樣咁愛媽媽!

 

1128187

 

這裡也有Un太的文章:
ESD life WOW • Mamibuy HK • Blogspot
She Mom • Weshare • Mybb 

 

歡迎聯絡Un太,參加產品試用和活動:
Email:nataliepuipui@gmail.com
Facebook專頁:Un太的Blog
Blog:https://educatemybaby.com/

發表於2017.5.17
留言(0)
博客名稱 :
Un太的Blog
網誌名稱:
nataliecyp's blog
使用天數:301
性別:
年齡:0
電郵:nataliepuipui@gmail.com
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
>> 更多
系統分類
  • 美容時尚
  • 飲食烹飪
  • 親子育兒
  • 數碼科技
  • 生活品味
  • 藝文創作
  • 攝影寫真
  • 戀愛心情
  • 其他
自行分類