06
10.2016

[秋意濃濃]野餐控@迪欣湖

環球旅遊   親子育兒(旅遊)  
標籤: 野餐  迪欣湖 

踏入九月份之後, 一早一夜都明顯有了秋意的感覺, 又係時候可以開始野餐的季節了. 其實莎拉係一位野餐控(野餐狂熱份子), 所以嚴選衆多野餐場地, 迪欣湖始終都係莎拉首選, 因為莎拉係無車人事, 所以地鐵去到既地方就最方便. 二來迪欣湖地方又大又空曠, 唔似佐敦谷咁人貼人迫住野餐. 至於講到環境就當然係Very good啦, 大大個人工湖加上一條緩跑徑環繞住迪欣湖, 小朋友可以係緩跑徑踩單車玩scooter, 唔似得政府啲公園樣樣都唔俾玩.

迪欣湖周圍有海量的草地加上有好多大樹, 所以要搵一個樹蔭位置野餐就絕對無難度. 今天就好隨意找到了一棵又綠又黃又紅, 充滿秋意既大樹下野餐, 真係估唔到香港會有咁靚既樹, 唔駛特登去外國睇紅葉啦. 

 

陶寶B一坐低就急不及抹定手準備開餐. 今日簡簡單單準備咗Homemade burger, 一人一個好方便. 

唔講大家未必知道, 其實陶寶B平時係屋企係唔食包, 但係每當肚餓時就咩都會食, 睇吓佢拎住個漢堡包食得幾滋味. 

天氣咁熱, 不如飲翻支”荷蘭水”呢?! 莎拉自家製荷蘭水, 查實係韓國果醋加梳打水, 小小酸味小小甜飲落好似汽水, 呢支荷蘭水絕對可以滿足小朋友想飲汽水既慾望. 

至於今日既甜品就係蟲蟲提子, 簡單地將紅色綠色提子串到好似魚蛋咁一串串. 

除咗係一呃like之作之餘, 小朋友都會食多啲水果,  吹住風一邊食一邊傾吓計真係好寫意.

迪欣湖一向都有唔少情侶嚟呢度影結婚相, 不過係咁近距離影就真係第一次了, 睇嚟個攝影師都係睇中我地身後棵三色樹了, 真係唔好意思, 係咁浪漫既情景吓, 有3位路人甲乙丙係度阻住晒, 麻煩PS時執走我地.

食飽既陶寶B又點會乖乖坐下來呢, 叉足電就當然係玩踢波啦, 今日公園無咩人, 所以唔怕要避開的單車或人. 

當謝菲嗲哋招呼緊陶寶B時, 莎拉就一個人瞓係樹下, 吹吹風享受吓真係好容易就瞓著, 話唔到一陣間, 謝菲就要抖一抖想瞓吓, 但陶寶B就當嗲哋係榹仔坐. 

野餐真係一個非常好既親子活動, 一來小朋友最鐘意就係跑跑跳跳, 戶外地方無任何限制點樣放電都可以, 二來野餐真係所費無幾, 最貴或者就係交通費吧, 啱晒莎拉呢種慳家C9心態.

雖然話就話天氣開始轉涼, 但係中午時份天朗氣清下都可以熱到成30度, 所以有得玩吓水消消暑就好了, 啦啦啦, 迪欣湖就可以滿足呢個願望了.

 因為係呢度有個兒童公園, 入面有個小小噴水裝置, 小朋友可以玩吓水開心吓. 

玩完水仲可以係公園玩吓滑梯, 小朋友一定會樂而忘返.

 

迪欣湖係莎拉眼中既放電聖地, 睇吓, 陶寶B回程時就已經攰到要瞓了. 

 

 

發表於2016.10.06
留言(0)
博客名稱 :
莎拉蛋糕
網誌名稱:
莎拉蛋糕
使用天數:2,348
性別:
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 電影戲劇
  • 戀愛心情
自行分類
最新留言