11
07.2017

[好玩好食]雪糕大滿灌@樂富廣場

飲食烹飪   環球旅遊   親子育兒(旅遊)  

暑假mode正式啟動了,可惜在職既莎拉已經同暑假拉不上關係了,所以一到weekend就要爭取時間周圍玩啦!夏天熱辣辣,有咩好得過食雪糕喔,仲要係有人請你食添,邊度有啲咁好既活動?!咪就係樂富廣場囉!

由7/12-8/27,每天既12pm-8pm領展其下既樂富廣場會舉行雪糕大滿灌既活動,場內有多過遊戲之外仲有雪糕食!未玩遊戲前就首先俾佢呢個巨形雪糕杯吸引了,一跳入去見到一球球既雪糕真係唔想走呀!

你有無見過咁大個甜筒呀?我見過,我真係見過!

先生,你要咩味呀? 我要呢個, 最大既!!!

如果你係投籃高手,呢個籃球九宮格就一定難唔到你,成功投籃過三關就可以輕鬆easy贏得一球雪糕!

你睇陶寶B加埋謝菲嗲哋二人合作,真係所向無敵!

如果自問投籃了得,用最短時期入晒九個,仲有機會贏到$3000現金添呀!另外呢個跳跳遊戲就最啱跳唔停既小朋友玩,跳得高就有雪糕!

陶寶B,車我去買雪糕,可以嗎?

個雪糕就快溶了變雪糕湯啦,你仲唔快啲食?!

而為食既莎拉就最期待「十二道雪糕味」呢一部份了!

因為好多新奇地道既雪糕可以食,包括五花茶,桂元紅棗味,檸檬茶少甜,蔗汁味!

另外仲有蛋撻味及熊仔餅味真係諗都無諗過呀!夏天最好不過就係食雪糕,仲要食gelato,因為食多幾杯都唔會肥呀!

唔該, 我要呢個,呢個同呢個!!!!

莎拉同陶寶B試晒咁多款,最like就係蔗汁及檸檬茶少甜,夠晒本土呀!

另外係商場消費滿$200或以上就可以換一張bonus pass!

 拎住bonus pass就可以排快速通道玩遊戲都不得只,仲可以去親子工作坊做吓手作仔,名符其實既又有得玩又有得食呀!

提提大家,活動位置處於A區美食坊外有蓋室外位置,所以排隊玩遊戲都會有啲熱,帶定把風扇仔就最好不過了!

 

 

 

發表於2017.7.11
留言(0)
博客名稱 :
莎拉蛋糕
網誌名稱:
莎拉蛋糕
使用天數:1,310
性別:
按月份瀏覽
    2017
  • 一月
  • 二月
  • 三月
  • 四月
  • 五月
  • 六月
  • 七月
    2016
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 生活品味
  • 電影戲劇
  • 戀愛心情
自行分類
最新留言