19
10.2017

[吃貨48小時] 快閃慶生親子遊@吉隆坡Day 2 (下)

環球旅遊   親子育兒(旅遊)  

吉隆坡既景點唔多,不過如果要數茨廠街點都要去吓!剛剛游完水就一定會肚餓啦,所以下午既第一站就係去茨廠街掃街喔!

茨廠街其實就係唐人街,所以行街shopping 就無興趣了,但美食就當然唔會抗拒呢,天氣咁熱有咩好得過飲材龍眼冬瓜茶日呢.

大大杯都只係RM$2.0

想體會吓當地飲法, 當然係袋裝咁飲free好多喔!

之後行過幾檔就見到個伯伯密密手係度整糕點,而整個攤檔只賣兩款糕點,一厚一薄,雖然唔知係咩名堂,但之前見旅遊資料有介紹過,於是就一厚一薄各買一件,熱辣辣香噴噴,食落有啲香港既夾餅,不過就多了一份chewy既口感,好味道,後來返到香港先知呢款糕點同冷糕好相似!

兩件糕點又點會滿足呢,我地今次48小時吃貨之旅既其中一個must eat items 就係唐人街勝記既珍珠老鼠粉. 

大家唔好俾個名嚇到,查實老鼠粉即係類似銀針粉,而莎拉本人係非常鐘意食銀針粉,所以就一定要試試吃!珍珠老鼠粉(RM$12)係將炒過既銀針炒放入熱騰騰既沙窩之後上面有肉碎再打隻雞蛋,食既時候撈起,真係香噴噴熱辣辣滑嘟嘟,從未試過呢種煮法既銀針粉,真係另一翻新感覺喔!

另外我地叫了過招牌炒蝦麵(RM$38), 賣相看似麻麻地, 但點知食落真係有驚喜, 因為個汁好重蝦味, 啲麵吸收晒啲汁既精華, 真係估佢唔到咁好味. 

仲以為檳城先有既馬來西亞風情既壁畫, 點知係吉隆坡街頭都見到呢. 

食飽飽先有氣力繼續我地既行程呢, 係茨廠街行大概10分鐘就會到Central Market. 

馬來西亞係一個多元種族既國家, 而Central Market內就集合了多個種族不同既工藝品及特產呢. 

Old Town 舊街場咖啡係香港既超級市場就得多了, 而係吉隆坡呢度, 就有好多既Old Town 舊街場咖啡店, 而Central Market內就有一間.

行到攰攰地可以食吓咖央多士飲杯海南咖啡Refresh吓. 

咖啡就無陶寶B份啦, 熱朱古力就有得嘆. 

吉隆坡既地標唔洗講大都一定會知係雙子塔了, 由茨廠街搭鐵路去KLCC站, 話咁快就到了. 

俾個貼士大家, 想影到KLCC全個影像記住帶個廣角鏡, 咁就一定影到了,  因為無的話就要影到瞓晒係度架啦.

不過如果唔記得帶都唔緊要, 因為影相位置有好多人賣呢啲廣角鏡, 買既時候記住講價呀. 影完相都已經5PM, KLCC旁邊就係一個大型商場Suria KLCC, 入去涼吓冷氣先. 

行街買衫我地就無咩興趣, 不過行超級市場就最鍾意, 順便可以買吓手信. 

今次旅程另一想試既食物就係娘惹菜, 上次去新加坡玩都無機會試吓, 今次點都要試試了. Suria KLCC 頂樓就有間出名娘惹菜餐廳Madamn Kwan's. 

等了30分鐘終於有位啦, 睇吓個Menu先.

 剛好正正既馬來西亞獨立60週年慶, 所以就出了一個期間限定既娘惹菜Tasting menu. 娘惹菜既代表菜式樣樣有少少,  所以呢個Tasting menu啱晒我地啦. 

有Laksa, 又有呢一碗酸酸辣辣既麵

仲有串燒, 飯等等.

而陶寶B就食了個炒貴刁, 好香夠晒鑊氣架. 

食都咁上下好似未係好夠, 所以就叫了呎個馬來西亞菜必備既椰醬飯, 啲飯加埋雞食真係一流, 而唔好睇少碟邊既配菜呀, 因為真係好辣架. 

唔好以為係大形商場內既餐廳食就一定好貴了, 最後埋單都一啲唔貴呢, 同係香港食真係差天共地呀. 臨走前不如出去影埋KLCC既夜景呢, 莎拉就覺得夜景影出嚟仲靚呢, 影到我地唔捨得走呢.

最後搭地鐵返酒店前, 地鐵迷陶寶B當然要集郵一番啦. 

 

 

 

發表於2017.10.19
留言(0)
博客名稱 :
莎拉蛋糕
網誌名稱:
莎拉蛋糕
使用天數:2,391
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 電影戲劇
  • 戀愛心情
自行分類
最新留言