恭喜發財, 今日係年初一, 希望今年一切順順利利, 家人身體健康, 心想事成!

今日係有史以嚟最熱嘅年初一, 有 25 點幾度, 真係超熱.  今朝 12:00pm 和老公先到老爺奶奶屋企拜年兼逗利是 & 派利是比大佬 & 佢女朋友, 然後一齊去飲早茶, 老公就襯呢個機會同大家宣佈我可能有咗 BB, 我都未睇醫生 confirm but 已經搞到我一定係咁, 搞到我尷尷尬尬.

因為要就埋大佬女朋友初二唔出得街呢樣習俗, 所以飲完茶就一齊去咗姨媽屋企拜年, 由年年都年初二嘅習慣改為年初一. 

去到姨媽屋企, 奶奶因為講咗我可能有 BB 件事比姨媽知, 搞到姨媽係咁捉住我講食得乜同唔食得乜, 搞到我仲更加尷尷尬尬, 希望自己用驗孕棒 check 唔好 check 錯啦, 如果唔係就會搞到大家空歡喜一場.  後來姨媽有位親戚來拜年, 我地就襯呢個機會走喇!

回家途中接到阿哥電話拜年, 實在太開心啦! 

回到佐敦家中, 我地攞埋支酒就同老公去咗老豆屋企拜年.  奶奶就封咗 $200 利是比我老豆, 我就比咗 $500 叫老公比我老豆.

之後就回佐敦家中食飯, 食完飯就回家喇!