12
08.2013

飲食 @ 大澳閒遊(三)



飲食 @ 大澳閒遊(三)


睇完Gwiyomi海豚,梳返好個頭,平伏返興奮的心情,繼續閒遊大澳的大街小巷,感受大澳風情!




大澳係一條水鄉漁村,海味當然出名!整條街都充滿咸魚蝦醬的獨有味道!






行行下,行左去民居,屋與屋相距好近!



仲發現有蟹仔同彈塗魚!



謹存的柴火煮食,D婆婆大約6點就食晚飯,事實上好多香港人都未收工!




大澳的貓仔都遊閒過人!




行行下見到有間咁有中國色彩的餐廳,連行入去的橋都彎彎曲曲咁有藝術感,大家都諗住入去休息一下!



在大澳眾多棚屋之中,這間的裝修設計可算是別具一格,顏色以黑白簡約為主,細微的地方也盡顯心思,好像窗框、欄杆、傢俱等都選用特製的木材,充滿中國味道,使人留下深刻印象



 
 


不過呢當我地12條友入到去先發現,原來這間唔係餐廳,而係大澳居民黃先生的私人居所!!而這房子的設計加建築均出自黃先生雙手,佩服!黃先生好好人,唔單只無趕我地走,仲攞左佢把珍藏油紙傘出黎,叫我地攞住黎影相有feel d


這時候,有位朋友突然聞下把遮,之後好認真咁講:嘩,把遮真係好有魷魚味,怪唔知得叫魷魚傘啦!!哈哈哈哈,笑到我喊出黎!


就係咁,我地就好唔客氣地在人地屋企休息吹水影相睇風景玩,黃先生話12月大澳的日落特別靚,仲歡迎我地到時再黎佢屋企燒野食咁話!

 

坐下坐下都差唔多7點啦,又係時候食飯!

 

好似幾出名的蓮香酒樓

 
 

開始點菜,只係7點姐,好多海鮮已經賣晒,蝦賣晒、帶子賣晒有無咁好生意!?

 

金銀蛋浸時菜

本身我都好喜愛咸蛋皮蛋,菜都好嫩,好食!


豉椒炒聖子

聖子幾大隻,無沙,爽口,醬汁太杰,有點漿口!





蝦醬炒通菜

未食已經聞到香味,蝦醬味濃度適中,必食!
 



海鮮豆腐湯

湯水同湯料分開上桌,方便食湯料,湯底材料豐富,用石九公、白菜、豆腐煲成奶白色,飲落去魚味鮮甜仲帶有少少薑味,很住家的感覺!

 



節瓜蝦米粉絲煲

蝦米好大隻,但唔會好硬,整煲粉絲咸咸香香,不錯!
 



蝦醬蒸豬肉

較預期細碟左少少,豬肉有點肥但很香,味道偏咸,最好配白飯食!




咸蛋土魷蒸肉餅

不過不失,都係覺得屋企的肉餅好食d!
 



招牌菜:墨魚餅併炸雲吞

墨魚新鮮,口感非常爽口彈牙,配自家製醬汁,不錯,值得一試!

炸雲吞外皮脆卜卜,內層的肉仍保持有肉汁,正!最搞笑有片菠蘿在碟底!
 



豉汁蒸白蟮

白蟮好新鮮,因為只有生猛劏而立即蒸熟的魚身才會縮起來或攣起來!而這條白蟮屬於爽口果種,不過我自己偏好淋身嫩滑的白蟮!



 

沙嗲粉絲蟹煲

膏蟹很多膏,沙嗲味偏濃,洋蔥同粉絲吸收晒D汁!!

大澳蓮香酒家
地址: 大澳吉慶街52號地下
平均消費: $180


文偽青年今天以一首新詩為大澳之行就此作結。

 

<再別大澳>

輕輕的我走到大澳,

連一片蝦膏也沒有帶走,

卻重重的回來了

 

 
 
發表於2013.8.12
留言(2)
  • 凡凡
    大澳有十多年没去了,
    13/08/2013
  • Luka Luka
    你好~我係Luka >_0 剛剛加入Yahoo Blog 我係畫公仔架 \^w^/ 得閒請你黎睇下比的意見呀~ . 上年因為讀書的關系(要做功課) Luka有一排成日都出入大澳(可憐我住KT /口\") 的確係個唔錯既地方 可以見到香港僅存既漁香本色~ 多謝你既分享呀0_<
    18/08/2013
博客名稱 :
twentyone
網誌名稱:
21's Blog
使用天數:2,240
性別:
按月份瀏覽
    2020
  • 一月
  • 二月
  • 三月
  • 四月
  • 五月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
自行分類
最新留言