31
05.2021

【人地呀茂整餅 我地CrewFigures就整公仔】

生活品味   藝文創作   攝影寫真  

感謝今次StartChing嘅報導 唔經唔覺CrewFigures已經經營左兩年半,做過嘅公仔真係多到可以開Figure展覽

好開心一直以來,得到唔少客人既信任同支持☺ 有時見到客人會介紹朋友仔黎訂造公仔,甚至仲有唔少回頭客,真係比到我地好大信心,繼續為大家服務

除左為大家訂製一份獨一無二嘅禮物之外,其實店主更加希望,可以將手工心意禮物文化繼續宣揚開去

 

搵CrewFigures整公仔擺設,只要你諗得出嘅主題人物,我地都會為你度身訂造,做到最好 有興趣就快啲搵我地查詢下喇🤪

 

Repost from @startching

 

#追夢者系列】90後前空姐靠散水公仔突圍,創業2年業務按年增長100%

 

不少人都會覺得空姐是「Dream Job」,但對於27歲的Nana來說,卻不是這麼一回事,「可能我個人比較藝術家性格,好有個人主見,好想表達到自己意見!」曾經在國泰港龍任職空姐近4年半的Nana笑說。

 

2018年12月她「膽粗粗」於IG開設彩陶人像公仔專門店「#hkcrewfigures852」,卻意外地開展了創業的路,兩年半期間製作了約1600隻公仔,營業額逾6位數。

 

Nana 20歲大專修讀旅遊業畢業後,首份工作便是空姐,入行後她深切地體會到空姐就像一個「倒模」,整潔的儀容、標準的笑容和應對客人的答案⋯⋯「有啲人會覺得周圍去好似好好玩,但嗰時我主要飛東南亞地區,來來去去都係中國、日本、越南、柬埔寨之類,有時一日四班來回機,會飛到有少少唔知自己喺邊,加上有時班機係1比60個客,根本冇時間有任何想法,好似一個機械人咁。」最令Nana感到無奈的是,有時面對客人的詢問,只能夠以標準答案回答,無法解決他們的疑難。

 

#散水公仔」生意暴增 辭職追夢

 

初出社會的Nana為了賺取工作經驗,明知空姐不是最適合自己的工作,仍然硬著頭皮去做,一做便是4年半的光陰,直到她離職前親手為同事製作彩陶人像公仔,同事很喜歡,後來她開設網店嘗試分享自己的作品,沒料到創業兩個月已經做了超過200隻公仔,達到5位數收入,於是她決心離開職場。

 

「我好記得第一單Job,本來只係想喺臨別時俾同事一個有心機的散水禮物,因為做空姐空少好難得先見到面,嗰時就想做個公仔,好似有個『Mini Me』咁,等同事可以掛喺袋到,當其時只係送咗俾2個同事,兩星期左右就吸引到第一單生意!」Nana眉飛色舞地說。

 

如是者「一傳十、十傳百」,不少行家都紛紛找Nana訂製散水公仔,後來生意更延伸到其他制服團體、情侶及家庭,還建立了主打寵物系列的網店 @pawsome852 ,而公仔的用途也不單限於「散水」,「有客人會係用嚟記念,甚至係送俾鍾意嘅明星,我哋做過送俾韓星,最近都製作緊好hit嘅Mirror。」

 

日做十幾個鐘 令每個作品盡顯客人心意

 

雖然生意已穩定每月有5位數收入,但始終創業仍存在風險,又會「手停口停」,所以Nana曾經都想找回一份全職工作,做過一年多醫院文員、又做過幾個月外國物業地產營業員,近日她正在兼職修讀Marketing,可謂是「百足咁多爪」。

 

「創業仲忙碌過返工!初時自己一個人整,凌晨6點起床做做到8點,lunch都係快速扒個飯就算,想盡量用多啲時間諗啲作品點表達到客人嘅心意,而且要不斷諗方法提升品質,後來我決定請工藝師幫忙製作,作品變得更加專業!」

 

製作每隻公仔都要拍照,給客人看圖和修改數次,再送入焗爐,最後定型和冷卻,工夫和心機不少。由於業務日漸增長,每件公仔通常要預早3至4星期下單,急單亦需預早2星期訂購。其中一次難忘的急單,是一班銀行員工訂製36隻Star Wars公仔給老闆做散水禮物,要在18天內交貨,即使非常趕急,Nana也想盡辦法讓他們的老闆在收到後感到驚喜,於是邀請客人到她的工作室一起研究擺設方法和背景,結果客人相當滿意,「嗰刻覺得所花嘅心機都抵返晒!」Nana甜笑著說。

 

客人變朋友 靠口啤打響名堂

 

Nana坦言創業的滿足感很大,每次和客人溝通都有連繫的感覺,而不是只有標準答案。開店兩年半以來,一直有不少新客是由舊客介紹,「可以話係源源不絕,一直都覺得好感動,因為佢地話俾我知係朋友介紹時,唔係嚟𢲷優惠,而係真心欣賞,想搵我做公仔。」Nana滿臉感激地道。

 

創業的快樂除了源自客人的滿意度,還有與很多客人變成朋友,「有位空姐知道我可以整唔同嘅主題,於是佢媽咪生日、爸爸生日、自己結婚都喺我度訂公仔,見證住佢單身,結婚再到生BB,好感動。」雖然現在生意已經上了軌道,但Nana仍堅持創新,不時推出嶄新的產品,為客人提供更多具心思的禮物,未來將會推出畢業花系列,以及刻上收禮人名字的禮物盒。

 

文: 肥妹記者

圖片來源:受訪者提供 @hkcrewfigures852

 

#StartChing #hongkong #hk #hkstory #startup #hkstartupers #dreamer #MadeInHK #figures #香港 #香港人 #創業 #人物故事 #香港品牌 #香港製造 #90後 #Q版人像擺設 #度身訂做 #Q版人像 #人像黏土 #人像公仔 #軟陶公仔 #陶泥人像 #樹脂粘土人形 #airlinecrewfigures

發表於2021.5.31
留言(0)
博客名稱 :
Crew Figures 人像公仔專門店
網誌名稱:
Crew Figures 人像公仔專門店
使用天數:409
年齡:3
電郵:hkcrewfigures@gmail.com
按月份瀏覽
    2022
  • 一月
  • 二月
  • 三月
  • 四月
  • 五月
  • 六月
  • 七月
    2021
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
自行分類
最新留言